阿哥走左 一切黎得太突然

我同我阿哥差7年 我同佢由細細個都唔係太啱 成日都鬧交 但我係妹所以佢成日讓我 而我爸爸媽媽係錫我多d
但我哥哥係一個好出色嘅人 佢讀書好叻 又join好多活動好outgoing 到哥哥上左高中之後 佢同我關係好左 傾多左計多左一齊做on9野 到佢入左u 都仲肯抽時間幫我溫書
佢對我真係好好 我有好多野佢都知 哥哥佢係我嘅避風港 一個我可以安心倚靠的港口 我地都知大家好多嘅秘密
佢成日口講我好煩 好嫌棄我 但我有咩事就即刻仆出黎幫我 唔夠錢用就會塞錢比我 我有任何要求都會滿足我 當我公主咁照顧

你前幾日話心口唔舒服 入左院檢查 但一切都黎得太突然 你連最後一句說話都冇留低 一句說話都冇講就走左 我望住我同你signal嘅對話 係一堆好無聊嘅sticker 轟炸 以後唔會再有人咁有耐性咁同我互send d無聊sticker 唔會再有人係我出完夜街之後口嫌我煩但仆出黎接我 我地之間嘅on9 secret language 唔會再有其他人明 唔會再有人同我share 零食同埋一齊講爸爸媽媽壞話

你係醫院合埋眼個樣同我幾日前見你瞓覺個樣明明係一樣 點解之前係瞓覺果陣我用手鍊你個鼻你會一下拍落我個頭到但你係醫院果陣唔拍我？ 我明明幾日前先嫌你隻手好熱唔好痴埋黎 你隻手就凍左咁多 其實我都係講下架咋 你可唔可以好似以前咁 得閒冇野做就整蠱下我 然後3日唔埋2日又串我係肥妹仔
你明明話過會去我大學嘅畢業禮 送隻我最憎嘅keroro公仔比我
你話要係我結婚果陣 上台果陣同其他人講我細個幾肥幾麻甩
我生左仔就係我小朋友面前大講佢阿媽壞話
你話過會帶我去台灣食你食過最好食嘅胡椒餅
請我去日本兩星期然後兩星期餐餐都淨係準我食一蘭唔準食其他野 我真係好掛住你 見到你房枱面部相機 你明明話遲d會教我影相 但我以後都冇得跟你學 我嘅畢業禮唔會有keroro嘅公仔 我嘅小朋友亦都唔會有舅父

依廿幾年好多謝你出現係我生命入面 我唔敢想像如果我嘅童年冇你嘅話我嘅日子係點過

黎緊嘅日子 我signal你 你唔會再秘回我 我人生迷失嘅時候你唔會再指導我 我著衫著得柒冇人再恥笑我 我買左d好食嘅野番屋企冇人會再同我share
我唔知我要用幾耐時間先走到出黎 我以前有咩唔開心你一定第一時間安慰我 我唔知依個世界有冇鬼神 我依刻心情好差 阿哥你可唔可以報夢比我 好似以前咁串我又好 安慰我都好 我好想再見多你一面 我仲有好多說話想同你講

我知我阿哥一直有上連登 所以借朋友ac黎開依個post
唔知另一邊嘅你會唔會上緊連登睇緊依個post呢
我一直想同你講 我能夠做到你個妹 我好幸福

加油啊啊哥在天之靈會保佑你

樓主節哀

請問係咩病咁突然

攬攬你 多謝你咁愛你屋企人
多謝你屋企人咁愛你
照顧好自己同你家人呀
有乜的話都上嚟分享下

似毒針

頂住

起底 保持兩秒距離

唉
唔好咁傷心，你阿哥都想你快快樂樂生活落去

向前望啦

樓豬加油，我阿哥都早幾年過咗身，真係好難捱，仲好掛住同佢一齊打機叫雞嘅日子

保重

身為阿哥有個妹嘅我睇完眼濕濕 好驚死
樓主請堅強

喊左

take care

RIP

保重，好好地生活下去

加油呀

假膠?

假膠？阿哥連登名？

同樣係有個妹嘅阿哥都成日做佢阿哥嘅行為
睇到好sad喊咗