Ive se 課程一問

我都想讀，但睇完又好驚

+1

又係真 捱到畢業嘅同學 GPA 都有返咁上下 入返8大機會都幾大

點會咁少
師兄你邊間

平凡人都有合格嘅機會
不過要GPA高一定係天份 同肯花功夫鑽研

師兄 我已經報咗SE個課程 想問下幾個問題
1.嚟緊想買部MacBook air讀書用 唔用window機有冇影響架？
2.讀完呢個課程 夠唔夠應付出面d工
3.仲有冇d 小tips助我一臂之力

麻煩哂師兄

Gsd 讀得辛唔辛苦？

呢兩年都係online test+exam，所以算係輕鬆，但去到year2都起碼有一半人quit左，難度我諗SE都差唔多，如果係programming新手要多啲心機去讀，hea住我諗應該唔會pass到

1. MacBook Air 好夠用 SE呢科讀Coding, 對硬件要求唔高, 因為你主要係學寫網頁, APP 及 windows 軟件等
不過有兩科要注意,一科係寫 Android App, MAC機可能會有啲麻煩
另一科係SEM2時嘅 system development project, 呢科project要用 C#, 理論用返 windows develop 會好啲

2. 我今個星期三考埋最後一科試 下星期一返工, 4月開始見左5份工, 當中份有 offer, 仲有兩份立即請 感覺係出面公司好缺人
Fresh grd 一間出 16.5K, 之後兩間都出19K, 仲要係大公司
認真讀完呢科 可能比普通大學IT嘅更能應付出面工作 因為佢全部都係 practical 嘅科, (有啲似大家好反對嘅 Bootcamp?) 學到5~6種 language , 而且每科都有 project 級嘅 assignment, 最後做一大型project, 比大學著重理論更實戰 但預先講明 你會不停做功課 好CHUR, 但值得嘅
但課程未去到出面最新,一啲技術你要自己學返, 如 React, Flutter , 但有基礎你可以自學, 已知嚟緊有科會改內容, 唔教 JSP JavaBean, 而改為教 Springboot
到時搵工或升學, 都係問你學校學過乜技術及 language , 具體答到問題好緊要 , 所以呢兩年要努力學習喔

3. , 揀呢科努力讀, 你會有回報。今年畢業生8成以上有大學offer 我報左兩間大學, 最後兩科CS 都有 offer, CU(year 1)及 CityU(year 3), 但考慮時間揀左 CityU
a. 建議先去買本 Java 預習吓, IVE 主要教 Java, 佢好多科都會用Java為主, (OOP, Design Pattern, Algorithm, Mobile 及 MVC), 台灣深智及Gotop都OK的
b. 開學前去W3school 睇下預習 , 佢有齊你會學嘅大部份野: Java, HTML, CSS, JavaScript, PHP, Python, SQL, jQuery, 仲有好幫到你做網頁 project 嘅 bootstrap....
c. SEM1 最輕鬆, Java, SQL, Linux, statistics, network 同英文基礎, 唔好放鬆, 全部交齊功課, 盡量sem1 拎到高GPA, sem1 已經決定左你往後嘅路, 拎定高分, sem2 完時你好肯定有大學 offer
d. SEM1 要盡早識到幾位認真讀書嘅同學, sem2 開始所有科都係 group project, 全部好惡做, 一定要同努力嘅同學好好合作KO啲功課, 小心freerider 有同學programming及轉數好快, 但唔主動識朋友, project 最後逼住同啲 freerider 合作, 立即扯低成績... 相反認真嘅朋友可以一齊合作, 研究難題, 仲可以讀得開心啲
e. sem 1一邊讀, sem2 開始學 algorithm, 就可以開始去 leetcode 補習, IT 係終身學習
f. IVE 考試唔難, 因為你可以操past paper, 每次考試次操3~5份, 應該保到40~50分 反而最緊要係 Lab 及 Assignment 先最惡做, 每星期一個 Lab 一定要交哂拎足15~20分, 加埋測驗, 拎到75分以上就有A, 所以...一定要交齊所有功課, 預定每晚都操code 寫code 啦 其實幾好玩 XDD

感激師兄 講得好詳細呀
文字上已經睇得出你對IT好有熱誠同好勤力
姐係你嚟緊會返三個月工 9月再繼續讀書咁？
同埋都想問下你讀呢科之前有冇話識少少寫code咁

呢排我都有去w3school 學緊JAVA 咁仲洗唔洗
去買書睇定w3school d野已經夠哂預習

感覺上讀呢科唔會再有時間去打機同hea
真係要的起心肝去讀同要轉換下個心態
唔可以再比自己咁hea

再次感謝師兄 解答咗我好多疑問！

係喔 下星期一就會開工 打算立即入業界 感受吓出面職業級嘅Coding 係點 實戰3個月 9月開學就睇下有無機會, 搵啲 IT part time , 一邊賺下學費, 一邊儲經驗, 始終揀得 Code 狗之路就要不停操練,
.... 其實係 貧窮工讀生

無架, 我讀呢科之前係文科生, IT 理解係....零 但呢度真係學得好快, 可知課程有幾緊密....

IVE呢度啲課程唔會太深, 睇下 W3school 啲已經好夠, 不過 W3school 得啲簡介, 無專題練習
學 CODE 而家網上有齊所有資料, 問題係太多唔集中 有本書嘅好處 係一本好書每一個 chapter 後都應該有練習 及最後會有個 project(專案)比你去跟去學

係架, 揀得呢科真係無哂時間打機同玩 身邊有好多同學以前都打機好勁, 但入左嚟讀之後, 兩年無哂遊戲生涯....
呢兩年會好辛苦好多功課 但真係好有價值 比心機喔 有問題隨時搵我啦

如果IT part time嘅話 去做freelance有冇得諗
加油呀巴打 捱落去你就會成為強勁嘅code狗

咁我係呢幾個月預習下w3school d野先 仲有時間
先去買本書做下d project仔 真係要做落先知自己
識唔識

當係轉咗隻game玩XD 仲要呢條路係唔會有爆機
嘅一日 無底深淵

好呀 唔該師兄 有d咩問題再係度搵你

其實都諗緊 但做 Freelance 要有一定實力
搵過好多需要有一定業界經驗 所以把握時間入啲公司實戰好緊要

我覺得預習 W3school 啲已經好好 到時入學會好快掌握課程內容

呢隻GAME....無限 DLC 架, XDDD

有咩問題歡迎, SE 同學加油

好呀 或者遲d有咩唔識可唔可以加tg 問你

我TG名 sam_tsang

Ching 而家讀緊se ？

係呀 你都讀緊？

我依家暫時讀完sem 1，比我想像中易（我都兩年冇讀書走返去讀se)，可能因為sem1 教嘅野好基礎，成個sem1就係比時間pick up返，但係sem2 sem3 先係重頭戲，我仲未讀到，所以答唔到成個se難唔難

師兄你有能力讀到大學，我覺得你就一定handle到se嘅課程。不過就聽聞唔係難，係好多野做，可能係會有好多project仔要做下。

好 thank you

讀到就嚟死死下 sem2叫做碌過咗 但就未出成續
依家sem3同sem2一樣咁chur 大壓力到死