丹麥狗返嚟咁耐就撐左咁耐 真係好耐冇見過有青訓可以喺一隊有穩定嘅位置
以前一直都信佢有能力但未發揮到 一直都想佢可以做下個jt 由青訓去到做到個擔到大旗嘅中堅
見佢喺杜sir手下越踢越好 cwa上季傷出嗰幾場大戰開始每場都交到高水準表現 雖然遲咗少少但都慢慢兌現到當初嘅期望 去到佢suppose要有嘅高度
而家走嚟話要new challenge 老實講真係好失望 失望唔係佢唔續約 而係由傾約開始就喺度彈出彈入 人工唔滿意之後到合約長度唔滿意 去到marina肯開+1 option都仲唔簽
以為當初換agent係想快啲傾好續約再專心踢波 冇諗過係而家咁
如果佢肯好嚟好去 一早講到明唔續要走 都唔會對佢咁反感