祖高域 拿度 費達拿果啲其實係香港體育台成日講
同埋好多香港人都識, 成日關注佢都唔出奇, 好似C朗美斯咁
我覺得祖高域果單野一來可以食到花生
二來單野背後反映緊全球公共政策議題既張力
而個張力就在於全球知名既精英人士同地方防疫政策韌性之間既角力
其一係大家都想知邊一面會贏
其二係大家都想透過"特殊"身份人士既視角下, 去睇地方防疫政策可以係咩情況下讓步, 結果就算係世界運動員都好
一樣好似正常人咁被reject入境
張家朗同荷詩蓓果啲算好啦, 9成9既運動員都係連名都冇
有獎同冇獎都係, 雖然佢地個獎唔夠奧運咁大回響
學者既論文/文章有分領域類別架嘛
好多都唔係想像之中咁深奧, 而呢點都值得去討論下
就係學者既風格同埋研究成就往往係被他者化
即係其實好多都唔係真係咁難明, 同埋唔係只有某圈子既人先接觸到
只不過係大眾suppose呢個係事實, 慢慢將我地同佢地分開做兩批人
例如我出果篇純粹係講歷史, 冇咩理論性可言
不過都冇咩人睇
加上好多學者其實有寫書, 而啲書都唔係咩深入既理論工具書
例如馮客寫既中國歷史書, 其實好易明佢講乜
其中一個原因可能話係普通大眾唔識字, 或者冇興趣
但事實上既係, 例如好多人都講中國點點點
但佢地只係透過維基同埋新聞網去認識中國
而冇睇馮客既史書
呢班人係歷史書既潛在受眾, 從而可以由間接方式變為直接方式, 去令呢類歷史書既學家係呢個領域入面, 得到佢地所應得既認可同讚美
但大部份人都傾向睇媒體內容就算, 唔理偏頗與否都照睇
原因之一就係媒體加速左內容既傳達, 同埋壓縮左內容既仔細程度
我覺得專業人士同埋精英人士可以比較
但要搵出可以放兩者係既定比較框架下既量度指標
例如最明顯既就係媒體關注度, 媒體引用次數等等