首先, 我搵到一個叫 Roomies 既網頁想分享比大家, 需要夾租既可能多數係鬼仔鬼妹, 但多一個網睇下都好。雖然我無用過, 但你地都可以去睇下, 睇下有無用。
https://www.roomies.ca/
其次, 今次想介紹下加登既夾租台。雖然網上有好多唔同既夾租Group, 但呢度都想分享一下加登夾租台。大家如果到加拿大想夾租, 可以welcome用住呢度先 (如果多人用, app都整緊)。 大家黎到加拿大可以係未搵到自己地方之前, 睇下有無邊個都係差唔多時間到, 可以一齊夾住租先。
shorturl.at/aozI0
之後黎加拿大住, 有少少野可以分享比大家知。
首先, 係住既地方既類別: 有分為屋同單位
屋有分三種, 最平既係Town House, Town House 係一排既屋, 係面積最細既屋, 個樣係一排咁, 兩邊share wall。好平, 好多華人出租佢地既master room, 姐係有洗手間既房比人住, 1200 -1500 一個月左右。
第二種係Semi Detached House, 一間屋, 兩邊唔通既, 大家有大家既門, 貴少少, 租金差唔多, 個人覺得好多都比Town House細, 因為Town house多數有三層, 起碼有個大少少既廳。
第三種係Detached House, 一間獨立屋, 多數花園好大, 有D屋主會分租兩層, 每層2000蚊咁租比兩家人。
個人認為如果你地可以兩家人夾到就租Detached House自己share, 如果情侶最抵就係租master room.
House既格音好差, 如果情侶想啪啪啪, 我諗係唔得的, 因為一啪就全屋都聽到, 以前我住個間屋有情侶啪野, 係三樓啪我係一樓都聽到, 最後比屋主趕走左, 因為我地其他人投訴, 頂佢夜晚唔撚便訓咁。
至於....Basement就最好唔好住, 會死的。原因唔講了...如果真係想住basement, 可以搵下一D叫walkout basement既野. wa;lout basement就有一邊係有正常大細既門窗既..
好似咁, 但...就真係搵到就搵, 多倫多我見過walkout basement 1600蚊一個月, 大約1000尺, 但一年只見到一兩個盤, 一出就無左, 原因係因為對比起condo佢平, 但又唔係話真係住唔到人。 不過多數呢D basement都係得7尺高樓底, (我宜家住緊既condo有10尺), 如果你天生腳長, 最好唔好住, 因為會撞死。
多倫多既condo係新樓, apartment係舊樓, 溫哥華既condo係舊樓, apartment係新樓有會所, 好似大約係咁分。
你當係公屋樣同私樓樣, condo靚D, 有會所, apartment平D 多道友同麻煩友同精神病人。如果住apartment我試過最平1100蚊一個月500尺一個人住, condo最平試過1700蚊都係500幾尺, 多倫多。 個人認為, 情侶可以target 1800 - 2400 月租既condo.
如果係留學生, 一個人住, 可以target 700 - 1200 既share room.
如果你無能力自己一個人租晒成間屋, 你最好唔好帶小動物一齊過黎, 因為好多屋主都唔比你養, 租都唔租比你。
岩岩到既人, 如果你有錢住airbnb最好租一個月先, 再慢慢搵condo, 如果見到D屋主太串就可以去加登TG谷report比谷友聽, 之後大家一齊唔好幫佢租. 人在外地一定要幫自己友, 一有咩事唔公平就要報串, 玩串個party佢。
https://t.me/canada_hker_main
大約好多屋主都會問你拎credit report, 問你先拎一年租金, 當然係唔合法, 但...無計, 你都係要比, 你可以講到睇下可唔可以比半年算, 我地華人agent叫咩前一尾5, 就係第一俥月同最後五個月既租要比左先. 當然如果屋主真係太多要求, 呢樣個樣, 都可以去加登TG同大家分享。等大家小心D. 個人黎講我岩岩到個時都係比半年租先, 租左幾次都係咁, 無計。, 所以你地先租1個月酒店或BNB係無死既, 個人經驗, 都係好多谷友分享, 我都幫過好多人搵屋, 好多人都係租住兩個星期先, 唔聽我講最後兩個星期之後搵唔到屋, 又要搬仲用多左錢。
係加拿大搵屋最緊要搵個好既agent. 如果你地要好既agent都可以去加登TG問介紹。
https://t.me/canada_hker_main
搵屋, 買樓, 買樓花個D, 記得係要買返D好既地區, 多倫多黎講就係markham and richmond hill升得最快。校網好, 賣出去又易賣。記得呀!
新手買屋要有35% 做首期, 之後要搵broker幫你借錢, 新移民係借唔到錢買樓的。
大約係咁, 有咩問可以問。
