經過今次「疫情」,我對香港人徹底失望
疫情一開始 未清楚病毒底細 亦以為只要努力 疫情終有完結既一日,所以人人緊張防疫 我亦覺合理,樂意遵守。香港人自律有愛,當時口罩短缺,就算我喺街整跌左冇口罩戴,都有人慷慨贈送比我 我真係好感動。覺得香港即使人口咁密集既地方仍可保持低感染數字,真係好高質。
但點知香港人原來係一本通書睇到老,其實我喺上年己經漸漸認清現實 不作多餘冇邏輯既抗疫,所以呢2年內,被話,被影,被捉到叫差佬黎都試過。令我最灰心失望接受唔到既,唔係港府,而係一群失去思考能力失智既香港人。
有人認為禁堂食唔make sense,咁又點解覺得戴足口罩係make sense? 點解班口罩紅衛兵唔捉埋D食客,跑步撚?難道啲病毒同室內/街邊既餐廳deal好左收工? 當人地躂張豁免戴罩紙就收皮時,咁你究竟你真心為防疫,還是盲從政府既反智政策?不過班狐假虎威 揸住雞毛當令箭既擾民防疫撚有人力﹑法律﹑群眾去support,邊夠佢地強櫂鬥。
曾聽過一句說話:三流既政府 也許能擁有一流既人民,但三流既人民 就一定擁有一個三流既政府
就好似依家咁,香港人既反智恐懼間接贊成助長 簡直就係政府既加辣措施既元兇,一直受緊呢啲高温政策而又不自知,仲咁熱衷內鬥批鬥,果然流住中國既血
睇住外國已過緊正常生活 即使日韓都行緊「與病毒共存」,就算係街成個口罩除哂收埋,都唔會有人上前批鬥,甚至電視台節目街訪上埋電視 啲人唔會大驚小怪,上綱上線,儘管中國行「清零」,有一陣子室外都可以除罩。得香港人盲守﹑盲恐懼,就算比你做好自己 香港0感染又點,外地行「與病毒共存」,咁唔通成世唔開關 香港自我封閉做到北韓咁?根本成件事就唔可行 班紅衛兵係咪被沖昏頭腦失去理智?
香港人一邊擾人剝削他人自由同權利﹑奴性地盲聽權威既話,同時一邊學人話爭取民主真係笑死人,唔係「疫情」搞冧香港 而係你地班擾民防疫撚呀!!
本身都plan緊走,但今次從疫情中得出香港人原來係咁奴性反智,「武肺」係死既,人係生既,最緊要都係啲人既做化,日日受住班紅衛兵互相監督,為呢個反智失民心既政府護航,咁壓抑既環境真係唔適合人住,早走早著各位珍重