好還原到漫畫，甚至有啲位再做得好咗，聲優都配得好好
一開波女主撞到五條，漫畫本身只係退後撞到一下
動畫直頭改咗做女主飛埋過去
應該係想個相遇再戲劇性啲，同埋再搞笑啲
之後女主同啲frd講宅嘢都詳細咗
動畫重要畫埋角色關係圖
更加強調女主忠於自己嘅興趣女主開門發現男主興趣嗰段，動畫嘅演出都係誇張過原作嘅
除咗呢幕，男主飛身去救雛人偶都係
當然唔少得男主怒屌女主唔識整衫、男主聽到女主玩咸驚嘅shock位
整體嚟講，動畫嘅演出係好把握到原作嘅搞笑位
另外個人今集最鍾意嘅演出係呢一段
女主聽到男主話OK，即刻開心到圍住間房跳咗個圈
好表現到女主嘅可愛，同佢對cos嘅熱情
動畫呈現女主嘅魅力都係滿分
