荃灣王國。二。入侵青衣
荃灣王國建立之後，青衣班生番海盜唔服荃灣王一世，又立青衣王國。荃灣王一世初都仲由得佢，皆因荃灣內部未安定。當荃灣王一世連境內最後一個部落都打埋後，就密謀打埋青衣島，以求完全控制藍巴勒海峽。
等我講下青衣係咩料先！青衣係香港第五大島，地理位置極佳，可以控制進入維港嘅通航權。青衣國嘅海盜大多都係來自於荃灣國，繼承荃灣海盜嘅勇武丶尊崇海洋嘅風氣。
當時聯軍攻打荃灣國時，拉攏左青衣國做自己嘅隊友。但係當荃灣國打贏左聯軍，青衣班貴族嚇到鳩都縮埋。諗住荃灣國會打入嚟，點知荃灣王要統一內部已經搞到一鑊粥，所以就同青衣國講你哋可以繼續獨立。
當時荃灣王已經放棄咗海盜嘅模式，改為係用收過境方法去賺錢。但係青衣班海盜頻繁騷擾商船，冇人敢用藍巴勒港，導致荃灣稅收大不如前。
荃灣王忍無可忍，決定出征青衣國。佢假借要幫青衣國起橋，一路起橋就一路將大軍慢慢送到去青衣國。青衣班貴族又信啦荃灣王咁好心幫你起橋，當青衣橋起好時，荃灣軍已經全面入侵，無奈之下青衣王唯有同佢講和。
荃灣王同青衣班人講，如果你哋臣服於本王，我會賜予你哋自治，青衣大公會由喺青衣出世，血統高貴，心靈純潔嘅人擔任。青衣班貴族非常開心，點知荃灣王將佢啱啱喺青衣出世嘅仔帶出嚟，話佢血統高貴，係荃灣王之子，又話佢喺青衣出世，又話佢係嬰兒，心靈十分純潔，宣布册封佢為青衣大公。至此，每一任嘅荃灣王儲都會同時被冊封為青衣大公。
荃灣人表示做乜9
FF Only
當然
