明明夠靚仔人又高唱歌又好聽又識作詞作曲,點解都硬係唔夠其他嗰幾個紅?
因為班鏡粉姐姐根本唔係想要呢啲,你上台表演成點,有冇實力佢哋根本完全唔care,佢哋鍾意既係嗰啲識得扮可愛,扮可憐,用細路仔形象嚟包裝自己既所謂偶像。
AL,KT,同Edan唔係實力最強但點解係最紅?一句講哂識得鬥扮攰扮病扮慘扮感懷身世扮頭暈身㷫。留意番我唔係話佢哋無努力過,亦無話佢哋咁做係錯,事實上所謂偶像組合就係咁既一回事,永遠係識得搶focus嗰啲先會係最紅。
所以我先會話Ian入Mirror係錯,如果佢只想努力唱好歌作好歌,就應該單飛而唔係加入所謂偶像組合,入得去仲想默默努力而唔肯做上述嗰啲門面包裝嘢,佢就注定係做炮灰踏腳石
希望佢今晚睇完咁耀眼既MC,再望下佢自己,會明白到係邊度出咗錯,諗下自己條路應該點行