Leveraged ETF 討論區 (11)

投資是自負盈虧的！TQQQ係高風險投資產品，隔幾個月就會跌兩成以上。
例如21年2月、5月、9月、11月都試過。投資之前應該諗清楚風險承受能力，高追之前應該要做好坐艇嘅心理準備。


Leveraged ETF介紹篇
前言
受到全倉TQQQ巴打啟發，2021年4月開始接觸Leveraged ETF (槓桿ETF)依樣嘢。5月中開咗開咗第1個post講leveraged ETF。
當時TQQQ股價仲係99.15，開第2個post嗰陣係141.79，開第3個post嗰陣係150，第4個post係170，第5個post係168，第6個post係160.84，第7個post係150.08，第8個post係167.47，第9個post係150.8，第10個post係153。 而家又升返上165.48，即管睇吓之後點發展。
由年初至今經歷多次回調，TQQQ, UPRO仍然頻頻破頂、越戰越勇。
同一時間ARKK浮浮沉沉、GME距離高位仲有一大段距離，一眾中概股長跌長有。

依個post會解釋乜嘢係leveraged ETF，同埋TQQQ點解咁勁。
依份Google doc會有最update同最完整嘅文章：
https://outliersecon.page.link/LETF

之前嘅post：
(1)：https://lih.kg/2518419
(2)：https://lih.kg/2714659
(3)：https://lih.kg/2751539
(4)：https://lih.kg/2762952
(5)：https://lih.kg/2776162
(6)：https://lih.kg/2788964
(7)：https://lih.kg/2797241
(8)：https://lih.kg/2806479
(9)：https://lih.kg/2814140
(10)：https://lih.kg/2817220

全倉TQQQ巴打嘅文章，我就係受到依篇文啟發：
【數學+歷史分析】 Leveraged ETF 可否長揸？
https://lih.kg/2409324

LMLMLMLMLM

依家咁快推爆一個PO

乜嘢係Leveraged ETF?
Leveraged ETF (槓桿ETF，簡稱LETF)係用複雜嘅衍生工具去放大某種指數或者某種資產(benchmark)嘅每日回報。例如TQQQ每日嘅回報大約等於Nasdaq 100指數嘅3倍。Nasdaq 100指數升1%，TQQQ就大約升3%；Nasdaq 100指數跌2%，TQQQ就大約跌6%，升幅跌幅都同樣會放大3倍。

不過LETF係一種高風險嘅投資產品，有機會輸哂大部份本金。
就算係最出名嘅TQQQ，如果喺最高位入市之後遇到2000年科網股爆破可以輸99%，即係輸9成之後先入場都可以再輸9成。遇到金融海嘯可以輸95%，即係1萬蚊本金得返不到6百蚊。（註：TQQQ喺2010年先推出，以上計算係根據模擬結果）
單單係2020年Covid-19一役，TQQQ已經試過跌72.8%。
雖然長揸好多年係有機會升返（都有機會升唔返），不過用輸得起嘅錢去買就好。如果買得太多，有回調嗰陣會容易受唔住壓力。喺大型股災嗰陣好容易輸哂本金。

Leveraged ETF有咩種類？
揀LETF，最重要睇兩樣嘢：1. 追蹤邊樣嘢 2. 槓桿倍數
有啲Leveraged ETF追蹤大盤指數 (例如S&P 500, Nasdaq 100)，亦都有啲追蹤個別行業。

以上紅字係比較熱門嘅槓桿ETF，新手想入門可以由佢地開始研究。
另外仲有五花百門嘅槓桿ETF，例如追蹤VIX期貨嘅槓桿ETF：UVXY (1.5倍), SVXY (負0.5倍)

大家想發挖更多可以喺睇 Google Doc 或者 google search "List of Leveraged ETFs"。
我嘅心得係「少人玩嘅嘢多數係伏」，即係每日成交量比較細、資產規模細嘅嘢，背後總會有啲原因。太偏門嘅嘢最好唔好玩。
TQQQ嘅資產規模大約130億美元，每日成交額幾十億美元，Leveraged ETF之首當之無愧。

槓桿倍數越高風險就會越高，即係3倍會比2倍更高風險。上面提過大型股災嗰陣可以輸9成以上係指3倍ETF。2倍嘅風險細啲，不過喺最高位入市QLD (納指100 2倍)嘅話，遇到科網股爆破都可以輸94%、遇到金融海嘯可以輸超過8成。喺2020年Covid-19一役，QLD都試過由最高位跌55%。雖然都跌得多，不過比3倍ETF已經算好好多。

至於倍數係負嗰啲叫Inverse ETF (反向ETF)，係用嚟做淡嗰陣用嘅。美股氣勢如烈，就算睇淡都唔好做淡，不過下面都會學術討論吓。

雖然我講到Leveraged ETF好恐怖，喺股災嘅時候隨時可以輸哂所有本金咁。但係喺好景嘅時候，佢都可以升得好勁。由TQQQ發行至今，升咗大約200倍，同期QQQ只係升咗大約8.3倍

如果1985年10月1日嗰陣開始用1萬蚊揸TQQQ，到今日你都會有1400萬。即使中間經歷過87股災、科網股爆破、金融海嘯仍然可以有強大回報。(當年未有TQQQ，以上純粹係模擬結果)

用危險嘅方法玩安全嘅嘢
既然投資指數咁勁，點解大多數人唔會咁做呢？
點解唔見啲大學生、姨媽姑姐投資麥當勞、可口可樂依啲公司？

巴菲特都相當推崇投資指數，佢多次建議其他人買跟蹤指數嘅指數基金(e.g. VOO)，並指只要長揸50年就會變得富有。
Amazon創辦人Jeff Bezos曾經問過巴菲特：「既然你嘅方法咁簡單，點解其他人唔學你呢？」
巴菲特回答「Because no one wants to get rich slowly （因為無人想慢慢發達）」
其實好多散戶都知道指數基金勁，但係佢地唔想等足50年，等到老咗先發達。
所以散戶寧願買啲無人識嘅細公司（俗稱妖股），好多人對依啲妖股一無所知，但仍然成副身家擺落去，博佢短時間內升幾倍，偏偏唔肯買世界上最優質嘅公司，然後一年慢慢賺5%。
「買妖股回報高但勝算低，買優質公司回報低但勝算高」就係一般散戶面對嘅難題。

點樣解決依個問題呢？我諗到嘅答案就係「用危險嘅方法玩安全嘅嘢」。

用現金買指數，屬於「用安全嘅方法玩安全嘅嘢」。
用現金買妖股，屬於「用安全嘅方法玩危險嘅嘢」。
用槓桿買指數，屬於「用危險嘅方法玩安全嘅嘢」。

一般最安全嘅指數基金係指QQQ, VOO依種。巴菲特建議嘅係長揸VOO 50年。依種非槓桿嘅ETF比較安全，唔係依個post一直講嘅槓桿ETF。
但係我依種平民心急唔想get rich slowly，就需要用槓桿嚟買啲跟蹤指數嘅嘢，放大回報。

槓桿嘅方法有好多，例如孖展、leveraged ETF、期權、期貨。之後會詳細討論。
我衡量過之後覺得2-3倍槓桿嘅話leveraged ETF係最合適，即係跟蹤Nasdaq 100指數就QLD (2倍) TQQQ (3倍)，跟蹤S&P 500指數就SSO (2倍) UPRO (3倍)。
孖展有斬倉嘅風險、期權期貨知識要求較高，操作上亦無leveraged ETF咁簡單。
如果再高啲槓桿就可以揀孖展期權期貨，不過槓桿水平越高，勝算都會越低。指數雖然勁，但係槓桿得太盡都會令你由贏變輸。

3倍槓桿已經足以令一般打工仔十幾廿年內get rich。如果你想一兩年內get rich？咁六合彩可能會更加合適。

TQQQ咁好？我all in啦！
TQQQ好又唔代表要all in 凡事太盡，緣份勢必早盡
首先指數雖然長線嘅講會係升，但係短線都可以插得好勁，亦都有機會橫行一年以上。而且leveraged ETF係用一種危險嘅方法嚟玩指數。做危險嘅嘢就更加要小心謹慎。

用咩心態去揸TQQQ
心態方面，全倉TQQQ巴打講得好啱

1. 要有本，得一萬幾千不如買多本書算
2. 要夠膽，齋睇唔買講咩都嘥氣
3. 要有耐性，發達唔係一年半載既事
4. 要情緒穩定，輸唔起就唔好賭
5. 要有自知之明，唔好以為自己識預知未來
6. 對世界要有基本理解，買終丐股就死得
7. 要適可而止，孖展孖太大就算隻股票真係十年百倍，中間跌三成都夠你破產
https://lih.kg/beaJRPV

如果你本金只係得一萬幾千，TQQQ唔會幫你馬上財自，但係你唔好因為心急而愈賭愈大。雖然大家都唔想get rich slowly，但係短時間內發達真係唔realistic，投資要有一定嘅耐性。賭得太大一來容易令你情緒波動做錯決定，二來容易令你喺逆境爆煲。

建議大家可以睇返全倉TQQQ巴打嘅勸世文：
［勸世］最近龍市多咗人講TQQQ，我想同大家講千祈唔好愈買愈大
https://lih.kg/2760022

唔好一下子all in 一下子清倉
其實一直Strong Hold好過不停出出入入。想像吓你喺過去2011年至2020年任何一個時間點買TQQQ / UPRO，長揸到而家都會大賺。但係新手就係鍾意憑自己嘅直覺，無任何依據咁出出入入。

連續跌幾日又驚佢會不斷跌，清倉！
連續升幾日又驚錯失機會，all in！

最理想當然係一直Strong Hold啦。如果你做唔到Strong Hold，總係忍唔住想炒嚟炒去，都應該學習吓分段買入、分段賣出。今日all in完下星期又清倉，然後隔兩日又all in，依啲完全係傻散行為。
（如果想學習唔靠感覺，有依據地出出入入，可以睇下面講嘅資產配置方法。）

點樣做資產配置？ (簡單總結)
All-in股票
穩陣派: QQQ/VOO (巴菲特都推薦)
進取派: TQQQ/UPRO

傳統金融理論股債配置
穩陣派: QQQ/VOO (60%) + TLT (40%)
進取派: TQQQ/UPRO (60%) + TMF (40%) (依個post嘅主流)

巴打發明嘅配置方法
FX戰士くるみ: TQQQ (60%) TMF (30%) SCO (10%)
洪震南: UPRO + 現金，用客觀準則決定買入賣出時機

點樣做資產配置？
無標準答案嘅，連登巴打們都分幾個門派。
我整理吓唔同人嘅睇法，大家自己判斷。
最重要嘅係搵一個你理解並認同嘅方法，唔好只係盲目求其跟一個。因為每種策略都難免會遇到逆境，如果你對你所用嘅策略缺乏認識，就好容易失去信心而堅持唔到落去。如果你堅持唔到，咁就算個策略backtest咗幾十年結果幾靚都唔關你事。

1. 全倉TQQQ / UPRO派
正如上面所講，做危險嘅嘢應該謹慎啲，考慮清楚自己承受能力。連登有巴打全倉TQQQ，但係佢無叫你跟佢一樣咁做。

如果出現特大股災、長期熊市嘅話，TQQQ可以跌9成以上，但如果依啲災難唔出現，all in TQQQ回報會係最高。
人性就係會恐懼，所以先要揸其他非槓桿股票ETF、債券ETF嚟防範，所以即使全倉TQQQ或者全倉UPRO嘅回報很可能係最高，但依個post入面好少人咁樣做。

2. 股債混合派 (TQQQ / UPRO + TMF)
依個post入面最流行的門派，reddit亦都有唔少支持者，亦都係最符合金融學理論嘅門派。

話說外國有個blogger叫hedgefundie，佢採用40% UPRO 60% TMF嘅策略（後來改做55% UPRO 45% TMF），然後定期rebalance維持返依個比例。
優點係牛市嗰陣可以將股票賺到嘅錢擺喺債券，等股市下跌嗰陣低價入場。
股票同債券一般呈反向關係，例如TQQQ與TMF嘅correlation大約係-0.33，UPRO與TMF則大約係-0.40。喺投資組合中加入負相關性嘅資產可以改善風險回報比率，背後有非常堅實嘅金融學理論依據。

可以睇吓FX戰士巴打講點樣用計exposure去砌portfolio
https://lih.kg/veNKsiX

關於TMF可以睇吓FX戰士巴打嘅其他文章：
點解係60% TQQQ 40% TMF？
https://lih.kg/vbjHtoX
TLT/TMF係賺20年同30年美國國債利率的息差
https://lih.kg/bdofjnV
美國加息係加Fed Funds Rate (隔夜拆息)，對長期債息影響有限
https://lih.kg/uGqRJRX

Reddit有一位Adderalin嘅人亦都寫過兩篇好好嘅文章去講解UPRO + TMF策略，都好值得睇。
Part 1
https://www.reddit.com/r/financialindependence/comments/o7tnm5/my_guide_to_hedgefundies_portfolio_and_why_im_100/
Part 2
https://www.reddit.com/r/financialindependence/comments/oaiw3h/part_2_of_my_guide_to_hedgefundies_portfolio_for/
另外亦都可以睇吓Optimized Portfolio嘅依篇文章。
https://www.optimizedportfolio.com/tqqq/

3. 股票現金派 (TQQQ/UPRO + Cash)
首先決定一個比例，例如TQQQ/UPRO : Cash = 8 : 2，然後每季rebalance去維持返依一個比例。。
比例可以自己再調節，資產唔多嘅時候可以進取啲，有錢之後就可以漸漸加大現金嘅比例，以防股災嗰陣失去大部分財富。

留一定比例Cash係因為始終有可能出現大型股災、長期熊市，又或者現實生活出現需要用錢嘅突發情況。
大家亦都可以參考洪震南巴打用訊號線決定是否rebalance的方法。
(真倉實戰) 信號投資第一期
https://lih.kg/2796863

4. 其他
FX巴打發明嘅SCO對沖組合
原理係經濟活動跟原油需求相關，所以股價跟做空原油嘅LETF呈反向關係。
簡介：https://lih.kg/vqOBOiX
Backtest結果：https://lih.kg/vqOCbvX
如何理解631比例：https://lih.kg/vwpFJGX

貼住咁多先，費事太多字悶親大家。
更詳細內容可以睇依份Google Doc：
https://outliersecon.page.link/LETF

Lm

一年又到尾，用事實說話，反思槓桿ETF Decay的影響
https://lih.kg/2821235

凡事2面睇 有decay (cons)就有複息(pros)
係睇大家take唔take the risk
如果有2800 3倍 我相信大家都會怕decay
當然prepare for the worst case係好事喇

FX 巴打嘅方法點做rebalance ?
爬咗文未有見到， 每季 ？ 會唔會似洪震南巴咁會set信號呢

強いポスト名前を残す

所以每季rebalance 不設信號？

係

未得住。我睇真啲先發現段VBA仲未係我想要嘅嘢。
我想要段code可以用最下面嗰條式去計。

例如Input係一個array, 入面有[a,b,c,d]四個variables。
我想寫個function係輸入1就出a+b+c
輸入2就出ab+ac+ad+bc+bd+cd
輸入3就出abc+abd+bcd
輸入4就出abcd

寫到之後改一改個leverage ratio就可以直接出答案，真正省略中間乘嚟乘去嘅過程，不過我未諗到個loop點寫。

你想做既應該係咁。。。
假設每日既reutrn係R1, R2, ..., Rn
你現在就有個function f(L)，個定義應該係咁
f(L) = (1 + L * R1)(1 + L * R2) ... (1 + L * Rn)
因為種種問題，你暫時諗到既就係binomial theorem咁爆開佢計。

正如其他巴打所講，4日你都已經有十尻幾個term，一年既話真係有排乘了。

其實就咁用Excel formula計都好快嘅（係Google Sheets慢啫）
只係用data table present出嚟簡潔好多，唔用VBA都可以唔洗用太多cells就搵到哂答案。

lm

lm