「三國撚」關羽攻樊城係咪劉備孔明命令/默許？

最慘吳國0成本接手江陵
望住自己親手打造既堅城 知道係點都攻唔入果種絕望感

https://youtu.be/BFIR21pj29I


依條片都幾好

最唔好彩係龐統死咗

三國志幾個傳既描述時間大約係咁：

1.曹操叫曹仁討關羽，又叫于禁幫佢手
太祖傳：建安二十四年，太祖在長安，使曹仁討關羽於樊，又遣禁助仁。

2.之後曹仁係宛城討侯音
曹仁傳：侯音以宛叛，略傍縣眾數千人，仁率諸軍攻破音，斬其首，還屯樊，即拜徵南將軍。

3.再下一個描述係水淹七軍：
于禁傳：八月，漢水溢，灌禁軍，軍沒。羽獲禁，遂圍仁。使徐晃救之。

曹仁傳：仁人馬數千人守城，城不沒者數板。羽乘船臨城，圍數重，外內斷絕，糧食慾盡，救兵不至。

關羽水淹于禁七軍，然後圍曹仁既幾千人

咁一開始曹操比曹仁既任務：討關羽既戰績係點？搞咩搞到得返幾千人呢？

呢啲傳統智慧緊唔係中共自創

你玩到要用大火燒毁證據，即係你玩大到一個位係你點補鑊都救唔返

上級當然明你玩緊咩

關羽傳：羽之出軍，芳、仁供給軍資不悉相救。羽言「還當治之」，芳、仁咸懷懼不安。於是權陰誘芳、仁，芳、仁使人迎權。

所以關羽話我返來你兩條仆街就知死

然後兩條仆街就「使人迎權」

其實關羽只係揸正黎做
結果都比人話唔識做人

你唔係ff覺得佢野戰輸咗獲甘下話？

第一 陳壽出仕果陣已經晉朝 係司馬家天下
第二 佢本身係蜀臣 都冇必要偏坦曹魏
第三 佢出名中立嚴謹 冇根據唔會寫入冊
太祖輸會寫 宣帝輸會寫 曹休輸得仲肉酸都會寫 點解你覺得會偏坦曹仁

曹仁傳呢段我解讀
曹操三月/五月係長安發命令伐關羽 曹仁集結于禁七軍
同時關羽見曹操係漢中諗住北伐 同時侯音收到風響應

呢度係2邊都有互相攻打意思 但魏有侯音響應 曹仁忙住係宛屠城 拖延左進攻時間 還屯樊城果陣關羽已經到襄樊

而呢個時候于禁都係先岩岩到 好明顯「伐羽」係有命令 但曹軍根本未集結好 曹仁還屯樊應該係等緊于禁黎到先再出兵伐羽

但于禁未到關羽已經到左圍埋襄陽 所以曹軍未出兵就進入左守勢 而且當時天氣應該幾差 雙方又有漢水相隔 應該唔存在短兵交接

唯一針著位 係8月雨勢咁大 仲要于禁七軍屯低窪地區係邊個既命令姐 而講真落呢個命令既 其實都好大機會係曹仁 因為果到最大粒係佢




Ps 水淹七軍係山洪造成 唔係關羽計謀

乜野史嚟

第一 陳壽出仕果陣已經晉朝 係司馬家天下
第二 佢本身係蜀臣 都冇必要偏坦曹魏

但曹魏仍然係正統 因為漢曹司馬家仍然係相承繼大統


第三 佢出名中立嚴謹 冇根據唔會寫入冊

但唔代表佢冇遺留 例如劉備早期一大堆事績已經冇咗

而且不嬲本傳會稍作美化

個時間線有d錯，你可以睇埋其他相關人士既傳

關羽d同事評佢
羽剛而自矜
羽怙恃勇名，作軍無法

你無證無據ff國舅中飽私囊都算
仲要係度含精噴人

你講既野三國志搵唔到，有冇source

你所知既時間線係點？

監守自盜史書無講，但呢個猜測係合理，亦都解釋左關/麇等人既反應點解咁大，麇仲直接通敵（關羽傳）

糧倉大火呢招直到中共建國之後都有人用

曹操三月/五月係長安發命令伐關羽 曹仁集結于禁七軍

咪玩

曹操五月到長安命令進攻

劉備七月封王 同時關羽先出兵

曹操同時七月先派于禁

中間2個月真空點會變咗曹仁集結于禁七軍


同時關羽見曹操係漢中諗住北伐 同時侯音收到風響應

侯音一早死咗

（二十三年）冬十月，宛守將侯音等反，執南陽太守，劫略吏民，保宛。初，曹仁討關羽，屯樊城，是月使仁圍宛。

做大將唔係乜都揸正晒就叫好，太嚴苛只會顯得不近人情
你仲要諗下糜家對劉備貢獻幾大，無佢兩兄弟籌旗劉備一早仆街啦
而且呢件事可以睇到，關老二連糜家咁地位崇高嘅人都表現得咁倔，可想而知佢平時對住其他文武百官係咩款

都係嗰句啦，全世界都話佢自負，剛愎自用，唔通真係個個都屈佢咩，擺明佢性格有問題啦

咁大型既軍事行動
又點會唔比上頭知
只係大家估唔到孫權突然反面je

我唔明嘅係點解孫權可以豬成咁。係打都打壽春先喇。 北上大把地係要搞同盟。 好喇。最尾自己都收埋皮。 你最多兩邊都唔幫。留兵力等機會。孫劉同盟決裂就等同輸撚硬淨係睇地圖都知國力差幾多。話晒都襯家。點都幫自己個妹夫好過喇。 衰極尾蜀國統一都比返個位佢舅仔坐下掛。

大漢帝國在巴蜀呢本書有講，話周魯既方針係天下王業，但呂陸既方針只係江東霸業

背刺關羽就係江東霸業方針下既行為

呢樣真，魏漢吳三國
屠得最多係曹操
其次係孫權
劉備係零

首先係曹仁應該渭南之戰擊敗馬超後就去左東北平定蘇伯、田銀叛亂。之後就: 假節，屯樊，鎮荊州(曹仁傳)。
而關羽可能係218年或更旱開始侵犯曹魏既防線。

首先係218年頭在許都發生的金禕、耿紀、韋晃之亂
曹操傳:欲挾天子以攻魏，南援劉備。時關羽彊盛，而王在鄴，留必典兵督許中事。

218尾年侯音之亂
南陽功曹宗子卿往說音曰：「足下順民心，舉大事，遠近莫不望風；然執郡將，逆而無益，何不遣之。吾與子共戮力，比曹公軍來，關羽兵亦至矣。」
呢個時候曹仁亦都奉命討伐關羽，所以曹仁軍已經集結左好快平定到侯音。曹操傳:初，曹仁討關羽，屯樊城，是月使仁圍宛。

219年中兩軍正式決戰，曹操派于禁增援曹仁，之後就唔講了

曹仁既荊州軍應該都有聯同于禁出擊，所以話曹仁其實都有份輸都正確

Thanks!

我再重組下：

二十三年侯音反，曹仁大約係同時代行征南將軍並討關羽（曹仁傳同曹操傳既寫法次序唔同）

二十四年正月曹仁斬侯音，坐正征南將軍

二十四年秋劉備稱漢中王（先主傳），拜關羽前將軍，假節鉞攻曹仁於樊（關羽傳）

二十四年七月于禁支援曹仁，八月水淹七軍，曹仁得返幾千人受困

所以我懷疑係，曹仁係二十四年前半年討關羽失利，然後關羽反攻兵臨樊城，曹操派于禁幫手，結果關羽水淹于禁，果時曹仁得返幾千兵被圍樊城

唔知有冇理解錯

係
關羽講過佢成世人剩係服劉備，趙雲兩個

七月至八月之間 一系列戰事真係冇人知
同官渡中期一樣冇乜寫

襄陽又未淪陷

除非曹仁真係本身得幾千兵

唔係嘅話 一係關羽攻城好猛 打到剩幾千

一係有野戰過

其實古代守城唔止單純守係城入面

城外都會佈兵爭奪

除非真係好劣勢先守死城中

你可以睇南郡之戰 曹仁同周瑜互相調動

近近地你睇poly

曹仁征南將軍討關羽，無理由一開始得幾千人，所以我先諗佢係咪二十四年前半年戰鬥嚴重失利得返幾千人