【認真】大家濕疹點樣好返

大約四年前一個農歷新年，做餐廳 waiter, 完晒成個新年後，發現兩邊波蘿蓋後面摺位好柒痕，仲要愈來愈發。

針灸過，唔得
中醫藥外敷，唔得
泰國聲稱對濕疹有效外敷料，唔得

咁點解我唔用類固醇呢？太多討論區同埋屋企人都反對叫我唔好用類固醇，所以一路三年黎都冇用到。

點知。。。

我前女友叫我睇一睇西醫，即係基本都開類固醇，咁算啦，我覺得點都要試一試，冇理由諱疾忌醫咁老土。。。

西醫開咗類固醇，0.01% 俾我，每日訓教前一次，試用七日。

點知！！！

真係愈來愈好，最後第七日我停咗，已經冇事。

痊癒後一年多啲，到目前為止，都冇返發，大步檻過！！

海水

食魚油，ceramide，沖涼唔好沖太熱既水

慢性濕疹要戒類固醇啦
食抗生素搽類固醇係會即刻好
但係一停又爆 不斷loop
戒類先會有真正好轉

兩樣野,運動,沐浴露+洗頭水

如果平時少做運動就做多d,一星期至少2-3次,可以加速排毒
第二就係沐浴露,試下轉用其他沐浴露同洗頭水,之前消委會有做過report,可以跟佢report去買,買果d無毒無重金屬果d,最好買純天然果d

我之前都係好多年濕疹,之後見銷毀會報告話好多洗頭水有毒就跟佢建議轉左洗頭水同沐浴露,轉左一排d濕疹自自然然好翻曬,但係如果一排少運動都會出翻少少,但係唔會好似以前咁多

啲漂白水 浸得多係真係會好我之前都係

認真答

十幾年嚴重濕疹，成身爛晒。之後放棄人生，夜晚九點就訓，訓足十個鐘，三個月後竟然慢慢生番正常嘅皮膚出黎，過多半年做番運動，就一直好穩定，唔會大爆發

呢個狀態都keep左十幾年，我收貨

類固醇+戒煙

搵致敏原，針對返去改善好重要

以前諗住慳唔做test，由睇醫生食藥搽類固醇，上網睇人講戒口、搽乜蘆薈呀唔知乜膏物膏、用手造皂，樣樣都試，結果都係損哂，一瞓醒覺啲衫有血嗰種

之後搵返自己致敏原係塵蟎（幾嚴重），其他完全唔關事，所以戒唔戒口都無影響。之後就針對返，定期吸塵蟎同抹屋，用空氣清新機，噴防塵蟎劑，啲毛質衫全部換晒（而吸塵），啲衫太舊都換（醫生講法係就算洗，都有可能清唔到），同埋忍手唔R，其他就做返基本保濕。早期有啲難忍同覺好煩，尤其返工要日日抹自己個位，搞到好似潔癖咁。但過一段時間開始唔痕，慢慢好返，之後就等啲印退，完全無印前前後後2、3年。

雖然唔可以話斷尾唔返發，一掂到多塵嘅嘢都會即刻又紅又痕，但起碼叫行出嚟無人覺曾經有濕疹，同埋可能過返唔駛戒口，慢慢用返普通護膚品都無事

lm

去左邊?亞洲區?

差唔多病咗十八年
絕症嚟
下世小心啲

睇中醫 係喺中環 睇嗰陣個中醫都有同我講濕疹會跟我一世 但神奇地睇完佢之後濕疹冇返發過 但其實我覺得有一部分係個人體質嘅影響
利申 已經冇岀濕疹5,6年

歐洲

我食咗七日類固醇都唔得

呢排夜晚訓覺自己R 控制唔到咁

我唔係食既，我係搽果啲類固醇膏

個醫生搽同食都有開，搽完啲疹係好咗少少，不過其他位又開始出，搞唔掂。
跟住我睇中醫，食緊中藥，都好似冇乜用

希望以後唔會發，真係好麻煩

我驚嚴重到全身都係
到時自己痕到想重刷

用緊依隻藥唔錯。 每次有部位濕疹發作, 搽一兩日就已經開始退。 效力同搽類固醇有得比

呢幾日個袋底都有少少痕，仆街