剛剛分手的你，入黎傾下，大家互相扶持好嗎？(200）

呢幾日分左手 係佢提出嘅
佢係一個好忙，又要個人空間嘅人
相反我就好痴身，想日日見
但一個星期先見一兩次
message又幾個鐘先覆一次
我成日想要多啲affection但佢又俾唔到我
好似我同自己拍拖咁

我成日因為呢啲成日覺得好辛苦好唔開心
次次都我就佢
又驚chur親佢成日唔敢搵佢
成日都諗分唔分手好
但又想比機會佢 就keep住

到前幾日 佢突然話分手
覺得自己比唔到我想要嘅嘢我
大家唔夾 唔想拖著我
我被殺一個措手不及
本來覺得終於放下心頭大石
但呢幾日喊到仆街，好唔開心
好辛苦
個腦一靜落黎就諗起我地之前一齊做嘅野
聖誕要自己一個過了

頂我直頭同你講既野一模一樣但佢不斷問我點解俾唔到100佢，話做唔到自己好辛苦，要愛就要愛佢全部乜互相遷就真係咁難咩手已分

唔經唔覺分左四個月啦，今日終於忍唔到去左同佢傾。之前屈係心入面，想知想問既都問咗啦 佢已經完全放低，得返我一個係度典下典下

傾完嗰刻好似放低左心頭大石，但返到去就好痛好痛

有一刻覺得自己好似已經冇能力再去愛另一個人咁。

佢曾經講過話大家改變再去搵返對方，但最後佢都係搵左新一個。明明話等，最後都係我一個人嘅獨腳戲。我以前既改變都係為咗佢而改變，今日係時候為自己而做啦，因為佢真係已經走咗啦。

希望個天俾機會我去做返一個有能力愛其他人嘅人啦，我曾經為咗激佢而搵左個水泡，最後傷到人又傷到自己。啲人成日話愛上一個新嘅人自然會忘記上一個，但我連愛新一個的能力都冇呀。我同水泡做嘅嘢全部都係我同嗰個人想去但冇去嘅地方同事。真係好攰呀

佢唔係我初戀，但肯定係我最投入、最愛嘅一個，比初戀更加深刻，甚至可以話佢先係我真正既初戀，但最後都係捉唔住。

你最愛嘅人，往往唔係陪你行到最後既人。呢句真係一語中的，大家真係要好好珍惜

四個月嚟，由啱啱分手既嗰種好似大家有一個解脫而開心，到之後因為仇恨去努力改變，再到知佢有新另一半知道自己要永遠失去而傷心。知道佢有新一個，冇耐性唔再等嗰陣真係心碎咁。個人一步步走入黑喑，但唔知幾時先會有太陽。

近排個人日日飲到醉，不停同自己講係時候要醒啦，但都係走返去飲，我真係冇鬼用，好撚廢呀屌。以前個個正能量撚去左邊呀，返嚟啦。

淨係會諗自己，唔會諗下一人讓一步，讓左仲要覺得你係應份ge因為你係「男朋友」…
呢d人毫無同理心

恭喜巴打脫離苦海

要move on 啦 希望時間會沖淡一切

送首歌比大家

盛夏的舞

一齊繼續move on

相反水泡質素好好多, 亦都好錫我, 但就係完全投入唔到, 個腦都係諗住個ex
最尾都係分手例牌招數, 性格不合算
係冇感情到聖誕都唔想同佢過
明明自己以前覺得揾水泡正仆街, 但為一口氣最後成為自己最討厭既人
不過我都真係有反省自己, 而家揾啲野做, 提升下自己. Keep Fit減下肥, 等到真係完全放低嗰個人先至再去識人, 唔急着揾下一個lu
希望真係可以搵到一個再令我心動既人啦