剛剛分手的你，入黎傾下，大家互相扶持好嗎？(200）

其實真係好唔明 成日話淡左 好似變左屋企人咁 唔知自己仲愛唔愛..
係咪我觀念問題? 一齊之後結婚變屋企人唔係必然?
唔知自己仲愛唔愛 講到底就係 想追求岩岩一齊果種熱戀好強烈既愛?

成日聽到d人用d咁既藉口黎分手就好火滾...
唔該未玩夠 未定性就唔好同人講搵結婚對方
之前條女仲要chur我結婚 好彩當時拖左拖
如果唔係結左先知佢咁既心態真係搞唔掂..

我覺得好多人都覺得自己玩夠 但其實未 成日想搵果種好心動既感覺

佢話對我已經唔係好似以前咁，已經係無晒愛同感情，我唔知係咪哩幾年黎既壓抑會令佢變到咁。我地之前再約左啲counselor 傾過一次，明白到自己既問題係邊，我理解點解佢會對哩段關係咁失望，我反省自己一齊得太耐時，好多無都無察覺到，好多野都無去做，好多事情都忽略左佢。以為男人專一唔偷食，對佢唔差咁就足夠，但其實我好耐都無比過愛既感覺佢。

大家傾完之後，情緒緩左落黎之後，雖然佢態度無之前咁強硬，話可以再諗多陣，但佢都怕我改善後努力過後對我感覺依舊不變。我都好怕哩樣野既發生，都叫自己唔去去諗太多之後既事。

我明ar