疫情原因我公司上年8月派咗我上大陸睇廠，到咗今年5月有隻好瘦嘅貓仔自己走咗嚟我哋廠，見佢好得意又幾可憐，於是我就買咗啲貓罐頭同貓糧俾佢食，同佢熟絡咗就帶佢去沖涼同檢查，佢都好健康。
而我係自己宿舍間房整咗貓門口，房裡面放咗個貓砂盤同貓窩，佢平時嘅生活模式係半夜自己返嚟食嘢同瞓覺，我返工時佢會跟我出門口，有時佢會自己繼續瞓。晏晝佢會自己走去廠後面草叢度玩（廠係山卡啦，好大周圍都係山無乜車），有時玩到夜晚都唔返嚟瞓。簡單嚟講佢已經完全習慣晒呢度嘅生活。
問題嚟啦，間廠已經賣咗，我亦會返返香港，我諗住帶埋貓仔返嚟，但係我驚佢會好唔習慣困住係幾百尺嘅室內裡面，因為呢幾個月嚟佢都係通山跑。唔帶佢返嚟就唔會再有人照顧佢，而家唔知點好。大家幫手諗下唔該晒。
佢初初嚟個陣個人個樣
而家
