[OWP移加]一個人係多倫多一個月[搵工吹水兼你問我答]

就係話P牌果一年佢唔計，所以應該唔太夠時間

想問去之前有咩要係淘寶買定

想問少少民生既野
1. 買菜買肉呢D貴唔貴?
2. 屋企同出街上網速度有冇香港咁快? 價錢貴唔貴?

想問下in teller有咩要求

即係話係香港整埋usa簽證？

咁啱提到移民KOL，而最近我又遇到啲不愉快事，心情有啲底落。
唔知有冇人一開始搵移加資訊，都係經過上述四大(加登楓之谷等)平台，
我記得一開始都會周圍睇下論壇同Youtuber(比如施家，住加，Popcorn等)介紹，我對加拿大槪念，真係知得幾個歌手，幾片楓葉。
我以前想法，係有朝一日移民日本歐洲，歷史文化深遠而有保存嘅國都。加拿大真係突然而至，因為我有一位朋友，係加籍但香港做嘢嘅香港人，佢對加國有彈冇讚(後來現實少少，我當然行移加plan，多多搵佢幫手打點前後喇，都好感謝佢。

OWP一出，年輕人都係DIY申請，追下post問下問題就開波。
一開始我入左加登/加香/楓之谷群組 (上網問資訊都應該離不開呢三個)，
傳統一輩係問親友，問Facebook Group。睇Youtube，睇文章。
我哋呢一年先興起Telegram群，討論區。
一開始或多或少，唔同Telegram都提供過幫助。後來到左埗，我亦開始認識各群各組嘅人。本意係自由發言網友互相嘅群組，我到了多倫多，出於對各事物嘅好奇，都參與過聚會，約下活動。亦慢慢睇住各群組各去散開發展，形成各種小組五花十門。
看到各種前輩先賢，願意花時間照顧新人，令我覺得香港人，係加國，有嘅係人情味和同伴人。
惟獨後來，不幸撞破某香群群主面目，揭露左網絡世界嘅黑色面。

我點解會講呢件事呢。有次睇youtube睇到呢段片
在陌生人世界，你簡單嘅一個行為，可以好影響到一個充滿情緒嘅另一人。
(你可以使人鼓舞感觸，亦可以使人憎恨世界)
https://www.youtube.com/watch?v=sYEHZY9P1ug
(PS: 雖然頻道主係content farm，但片源內容係有用嘅)

附帶，這套電影也值得一看：人間不容易，慢慢係加國都體諒到embrace慢節奏嘅意義。
https://www.youtube.com/watch?v=lediNcb_664

網上不如意事十常八九。背影細節我就唔講啦。後來我係Telegram發現，香港人自雨傘運動後，唾棄嘅起大台行為，係反送中提倡嘅"兄弟爬山各自努力"理念，
原來並冇被堅守到。GG
結論：加香TG群主自成一個網絡大台，冇純粹嘅幫人，去到尾係搶佔移加地盤。因為某香主嘅行為，令我知道，一系列巴絲都受到或多或少權力對待。只係一般人會選擇mute group離群。而我順便講一講出來。
當然係佢群主圈子裏面，問題係出於我。我行得太前，做左佢冇敢做啲事。你唔會知，你行個街，冇神神一個香主落令封鎖兼踢你出所有加香群/楓之谷 (家和社企活動可能都唔畀我join，因為某香主一人管八方，八方雲集暈貴香)。

我嘅問題，睇怕係帶出佢嘅問題。
只能說，唔洗join不合宜嘅群組(你當然唔會知喇 所以我先講，帶著強烈個人意見)，三五禮拜後，你發覺到老鼠一直存在，你都係要搬屋嘅。
社交生活，要認識嘅人，你都會識到。比如去加登群，上連登post(當然有啲po主都係嗰個香主)。或者我置頂嘅社群(佛系群)。我好簡單，邊個群畀我發聲，我就撐邊個而社會數學題，如果有兩個組織出現，一定係揀第二個。有兩個女人係你生命出現，一定係揀第二個。因為第一個沒有問題，就唔會有第二個嘅誕生。一句講曬，加香群 我斷言係未來嘅香港民主黨


心境決定高度。話時話，多倫多一個月，陪著我嘅係Taylor Swift，開心時聽佢開心嘅歌，傷心時聽佢傷心嘅歌。Playlist top 5推介：
safe and sound
I Knew You Were Trouble
red
all too well
(然後自動會推薦第5首架啦)
另一個係 The Weeknd - Save Your Tears，我係度先認識嘅加拿大歌手。
唔知你哋係咪聽Mirror，我可以出返去啦



見工(Interview趣事) 下續

整到整埋usa簽證啦, 一批批十年。
到左加國，多嗰選擇地方去玩

你萬一要去美國公幹呢，或者識左朋友公路行呢。

你係香港in teller有冇咩要求

想有優勢，可以In下要求三文兩句嘅teller工
唔知teller係乜，可問下香港銀行朋友(實有一個係左近)
再唔係太得閒send cv去 in hk teller，都係網上9up一輪先

有提過阿
你上加國網自己睇一兩版 餸菜價, 照價+13%+8cad送貨費 就差唔多係你買餸用到嘅錢。(送貨費同你搭車去買，來回都差唔多等值。有啲超市賣得再平少少，睇你住唔住啱附近)
香港嗰價你講緊街市價，定百佳價
https://www.walmart.ca/browse/grocery/deli-fresh-prepared-meals/10019-6000194327356

上網呢邊係4G LTE，地鐵入邊收唔到。一般嗰plan 10gb for 35-40cad + tax + 開台費(一個月月費度)。
我平時好少用出街/睇片，一個月手機上網先用4-5gb。
你住嗰度如果連wifi，咪睇你正常環境點，一般家屋都有150m-500m plan可以揀。

例如(作參考，到左埗再問都未遲)
手機上網
https://www.fido.ca/phones/bring-your-own-device?flowType=byod
家居上網Plan
https://www.bell.ca/Bell_Internet/products/Fibre-to-the-home

都可以好多嘅

你draw list有咩係當地會用到。諗唔起牌子名嘅都可以買定(淘又好 藥房買又好)
小至毛巾 body lotion 呢邊都係貴啲

呢邊嘅日本城 平野雜物
https://www.instacart.ca/dollarama

Lm

見工第一步，send CV (resume), 了解下加拿大resume格式
cover letter求奇寫。一般唔睇，但有啲公司話要。
好老實，唔係見啲咩senior level，大公司嘅位，你份resume整幾靚都冇用。
花時間整理到夠用就夠。
用大數法則，四圍send，啲關鍵字盡加。一邊見工邊改善 比較可取。

我兩日寫文之際，已經又接左兩次interview call
呢邊成日話多工作請唔夠人，但某程度要你係佢想要嘅人先得。

有次我見marketing工，係一間青少年戶外活動公司。老外係HR，但老闆係華人。(所以點解我話華人先肯易啲睇下你resume)。Zoom interview，佢一開始先介紹番佢公司背景，做啲咩，點解有呢個position。點解我覺得自己in緊佢咁。然後我介紹自己，佢再大約問下我: 比如點樣擴展呢項業務，佢會提到我resume寫嘅某啲點，如果同佢依家嗰position有關係，會問少少。不過中途都feel到佢唔係要請人，而係黎做下Q n A咁 (可能係佢以前遇過嘅問題問你做法係點，亦可能係佢依家遇到嘅問題，想你幫佢brainstorm。)
但係人係屋簷下不低頭。我都盡量回答，只係太耐冇講英文，都唔係識講。我自介都唔熟，表現係一般般啦

有次見HR工，都係Zoom in。HR(後生女 半個老闆黎)係識講中文嘅亞洲人，因為呢份工本身有要求識國語，新創外賣商貿公司之類。呢份係經agency公司同我通過一次電話再refer in嘅。女老闆一開始國語叫我自介，我都stuck左一下，本身prepare下英文，然後中途要tune啲字句做中文。我國語都正常，5分都有4分，不過又係N年冇講國語咁濟。之後問我關於staff offboard, compensation之類嘅問題，又問如果請錯人又點算，聽得出佢對接好多frontline基層員工，流失高之類。咁我都照答，可以盡量多做多補償，令嗰員工走都走到開心啲，避免負評公司之類。但呢個中途又係唔對路，見到佢冇乜想同你傾落去嘅意思 ，來回問左幾樣問題，但唔係想請你嘅心態。後尾佢In完急急收場，都唔理我咁濟，咁我都知係爆左啦咁我in完，都意意思思send畀email問候，後尾隔兩日佢回覆，乜乜你好好但rejection之類。因為呢個HR我覺得有啲冇乜respect，interview嗰陣。我嗰陣心情差，再回覆佢一早知你唔請喇，順便鬧佢兩句(婉轉地)。

又有一次，係見HR工，係一間幫弱勢社群嘅教育中心。Zoom In，young mid-age鬼妹。不過佢起手嗰氣場好西利，好approachable好friendly令你印象好良好，講聲好溫和，原來HR 做到落去senior係去到呢種境界呢個我真係服左
佢一開頭問我知唔知indigenous社群之類，呢個我又係柒左。我嗰陣冇乜上心interview (因為覺得多數都唔請)，冇特別search問公司機構做啲咩。淨係知係教育中心。見HR，有幾可會理間公司做啲咩
嗰陣條問題我都唔get，腦海冇indigenous呢隻字。我問佢一次，佢講多兩句。我理解左係弱勢社群。我用左minority group咁代替。其實我依家都唔知咩黎，睇google話係加拿大原住民群。我算得上係見工識歷史第一人。 佢問我覺得點解indigenous社群成功升讀大專係得好少數人。我嗰陣將佢問題代入左講黑人欠缺教育。我答左佢咩政策一般都favour白人，學校嘅社交圈又係白人佔大多數，啲老師又係白人多。冇人配套或形象畀到平等minority嘅人。 (可能我嗰陣睇得電影新聞，超人又要搵黑人做，007又要cut邦女朗，畀黑人多戲份。)形住黑人係小數。其實，我哋新移民 就真係少數了。不過未係加國要幫助嘅對象。新聞又新推廣緊認可外地工作經驗，幾時可以落成啊

HR諗諗下 都真係唔係我強項，難少少嘅，當地法律，payroll，性別偏好(比如admin類)，當地人網絡(比如recruit類)，仲難刨過stream A。我不如讀番嗰postgrade cert in HR先啦。 我見好多人其他人(非香港人)見工CV，都幾乎有本地學歷/diploma，(因為外地人要先讀書先做到野，本地人又一定係大專學歷咁)
比如印度，Master再摶返postgrade cert都有，呢邊讀完diploma再加係呢度做過一兩年嘢又有。呢啲位如果講公平對待，其實人哋份profile仲屈過我哋。
我哋香港人，真係望咁望啲HR會睇多眼resume，畀次機會啦。
其實我都係想搵啲輕鬆少少，又同我以前公司少少關連嘅工作。

不過呢邊見工嘅節奏真係好慢。有次有個人打畀我(1pm)，我miss左。佢原本email話左會打畀我，但嗰日冇睇到。隔一陣，然後我再打畀佢(4pm)，嗰日星期三，佢話之後日程唔得閒，就同我約返下星期一再in。有冇諗過我哋要再等待多幾日嘅感受。

約電話Phone In嘅工都有幾次。不過印象冇咁深刻。有機會再講。
較好嘅消息，就係聽網友講，呢份工又好快請左又係自己鐘意，嗰個人又好快搵到份文書做住。嗰個就，本身係呢度citizen/呢邊u/master畢業 (冇錯，佢地都係香港人)，識番呢邊嘅香港人，都唔係個個OWP pathway嘅。


下次再講返多倫多行街實錄 (下續)

考牌好煩，我驚緊要唔要重新嚟過

買餸...我親眼睇到通脹，新聞都講咗好一段時間，但係你唔會覺得貴過某港

我其實唔care啲咩網絡爭議，60年代到2019/20/21之前嘅人包括港人可能都係冇Google過冇了解過冇真係研究過冇嚟過，而就嚟咗呢度住

LM

Welcome to Toronto.
The next few days will be rainy

好彩喺大温

ps條友真係好西煩

有啲撤離咗出去嘅人點解會玩到避開華人同香港人，就係因為忍夠咗原本嘅文化
可能有啲族群都喜好同自己友相處，甚至係係搵食/就業/經濟/社交圈/婚姻圈（我諗起印度人啦，不過唔係針對），但係搭雞棚做influencer增加社區影響力同聲望，我未聽過
喺呢度（尤其大城市）增加聲望係應該做份專業，上位，又或者入咗籍之後競選公職之類。

如果單純係搞小圈子嗰啲，其實出便啲Canadians唔知你係阿水。

https://news.gov.bc.ca/releases/2021PSSG0073-002190
新聞稿
立即發放 公共安全及法務廳
2021 年 11 月 17 日 卑詩應急管理局
省府宣布全省進入緊急狀態
維多利亞—因應嚴重洪水及泥石流造成的廣泛破壞，卑詩省政府正式宣布全省進入緊急狀
態，以紓緩災情對交通網絡和基本用品與供應品流動的影響，並支援全省範圍內的緊急應
對和復原工作。
省長賀謹(John Horgan)表示：「在應對面前的另一場自然災害時，省、聯邦和地區政府正
聯同應急人員一起努力，確保居民和社區均獲得所需幫助。省政府公布的緊急狀態令將會
確保貨物運輸及基本與緊急服務能夠維持正常。同時，我感謝大家在度過這段災難性時期
時，能夠保持安全並守望相助。」
公共安全及法務廳長范和富 (Mike Farnworth)根據運輸及基礎建設廳及卑詩應急管理局
(Emergency Management BC)的建議，於 2021 年 11 月 17 日宣布緊急狀態聲明。這項緊急
狀態令已即時生效。
范和富說：「當我們能夠從這場自然災害造成的徹底破壞中恢復過來後，這項全省緊急狀
態令也會幫助我們應對未來的同類挑戰。目前的首要任務是恢復鐵路和公路的正常運作，
緊急狀態令讓我們能夠把資源落實到位，從而達至這個目標。」
緊急狀態令初步為期 14 天，必要時可能會延長或取消。緊急狀態令適用於全省範圍，確
保聯邦、省和地方的資源能夠互相協調應對，從而繼續履行省府的首要工作，就是確保公
眾的安全。
運輸及基礎建設廳長范廉明(Rob Fleming)說：「我們的重點是清理、修復和重開連接內陸
和北部與低陸平原和溫哥華島的道路，讓供應鏈恢復運作。我們正與多個夥伴密切合作，
以實現這個目標。這是一項重大的工作，但眾志成城，透過共同努力，我們將能夠盡快回
到正軌。」
受到洪水影響，至今約有 17,775 名居民和 5,918 個物業須要接受緊急疏散，另有 3,632 個
物業則處於疏散預警。
聯邦政府已回應並接受了卑詩省的援助請求。在未來數天內，聯邦政府將會調派更多工作
人員和資源到達卑詩省。
緊急狀態令賦予運輸及基礎建設廳、卑詩應急管理局、皇家騎警等政府部門權能，採取特
別措施來保護居民和社區的安全。

如果係話咩慶祝水災嗰啲柒頭，講真邊個會理
我其實只會重視新嚟嘅人嚟到會遇着咩人，我可以理解有部份人會唔敢信返香港人，因為你永遠唔知你遇嘅人可能想點（好認真講）