因為有巴打都畀左啲支持我，咁我試下整理好少少分享下
自己係多倫多工遊記，不定時更新
移加背景資訊:
Open Work Permit, 加拿大開放工簽, 大專畢業內5年可申請，DIY上網睇下教學，費用約4000港元內，審批過程2至3個月。通過後3年內可入境加國，落地日起批出3年工簽期。23年截止申請。
移民加國(PR永居權，即除了政治權和加國護照，其他福利一樣; Citizen國民入籍，需PR後住滿2-3年申請入籍)
OWP to PR: 至少係加國工作滿一年(可fulltime/parttime)。(如申請PR時計算，仲係5年內大專畢業，則免計分獲得PR一份 (hk stream b, 26年截止)，不限過往一年工種。
如已過5年畢業期限(比如16,17年grad嘅巴絲)，則要係行計分制，如EE express entry，要符合一年加國工作, 而且係0AB工種(一般指要大專學歷先做到嘅工作。一般抄散，超市收銀就唔係0AB工種)，一般香港大學畢業生，分數約300幾十，需要ielts高分啲或者工作多於一年，就能達標(約400幾十)。以上為簡化。
另外Study to PR，就仲容易。飛到加國讀兩年diploma，約20萬港元。或者一年postgrad cert/master/degree等，至少約10零萬港元。PS diploma/postgrad 一般肯申請就讀到，免interview。讀完即送PR,兼加國的學歷 (hk stream a)。一年一般係指8個月，即兩個sem。
補充，你成績或背景較勁既，呢邊有獎學金之類拎。聽過有巴絲讀master, international但免左學費，或者平左一半。
追求學歷既，亦可以拎完PR後 用本地生身份再讀上去。
呢邊搵工，當地學歷或工作經驗好實用。
仲有working holiday及傳統投資移民，依家對我哋香港人而言，唔興住。
呢邊社群，嗯其實難啲有。
目前我接觸過，除左本身認識，大學校友嗰啲，
目前四大: 互相協同: 加登(巴絲grp), 加香(巴絲grp), 楓之谷(傳統grp), 家和(社企)
另外我少啲接觸, 仲有 港加聯, mirror/神徒粉絲會，Youtuber之類
讀書就仲有一堆大學kong soc 比如多大港生會;
香港JU校友會之類。
基本過到加國，好大機會都係會同上述grp/機構接觸，再識下朋友自行發展，始終靠自己比較辛苦，咩都唔識咁。
大學畢業嘅，記得把握機會同番學校教授打好關係(你唔知日後幾時要問佢地拎reference letter)，亦可以問埋學校有冇加國舊生聯繫。
社群難啲有，唔係話我哋。而係本身加國+COVID下，本來就冇乜社群活動，呢邊夜生活又冇乜。所以真係睇自己啦。工餘時間(suppose)好多，但可以拎來做乜嘢就自己探索。
題外話: 移民唔同旅行，我哋香港人[香港年輕人]真係變極小數，仲要同啲中國華人打交道，舊一輩既港人，呢個移民潮下唔同背景年齡既港人聯繫，而且我哋又唔知自己係咪真係可以永遠唔洗返香港(比如家人仲係香港)，所以唔係出左國就可以為而欲為，大呼抗爭。而且，依家香港/大環境冇左社運氣候，一個在外亦冇左伙伴，加埋要適應新環境，一眼所見，政治討論真係冇乜。可能我問題姐
個人境況(下續)
--------
Discord Group綜合吹水(請用App打開連結) https://discord.gg/zArz8bgshS
防失效，Discord備份(同一個嚟) https://discord.gg/HFFUgbqnBz
工遊記IG https://instagram.com/owpToronto
Telegram聯絡/資訊/加群 https://t.me/owpToronto
)
咁即係有offer但你覺得唔好定點
做緊銀行想搵返銀行
我20grad其實都係諗住做entry level 只係讀finance諗唔到仲有咩工可以返 