隨住抗爭之火熄滅，記憶、灰燼隨風而逝，香港好可能被世人所遺忘。當棄港保台成為可見現實，香港民族下一步可以點做？

而有能力既應該盡可能離開香港，呢個唔係放棄既表現，相反呢個表達我地仍有抵抗意志最有力既一項統計工具 (離開、拒絕、徹底既不合作)，並為我地為左長期部署累積力量，擴大資本爭奪「地理香港」必然要行既一步。

但我地要響有限既時間入面，制造相應既工具令呢一種意志得到有效既傳承同運用，例如：民間自發既教育素材，文化既保存記錄工具，運用語言既機會，真實而正確既歷史觀，正確執行既第四權，觀察世界與及地區發展既媒介，不受剪輯引導既「真相」，分辨敵我既符號，不受五毛法律干擾自由既討論空間，對抗認知作戰既工具，可實踐既道德底線、香港人必須尊守既憲章、一個清晰可見既戰略目標等等。