電影LOL︳神奇女俠Gal Gadot演[白雪公主]魔后, 網友大呼選錯角

連登好多五毛 · 2021-11-05T13:29:53+08:00

迪士尼近年將唔少經典故事拍成真人版，《阿拉丁》、《灰姑娘》之外連《獅子王》都有「真獅」版！家傳戶曉嘅《白雪公主》當然走唔甩。早前我地都報導過，《白雪公主》將會由荷里活影壇怪物級新人Rachel Zegler擔任女主角。20歲嘅拉丁裔Rachel 幕前演戲經驗唔多，但係已經幾部大片片約在手，包括被大導演史提芬史匹堡相中成為《西城故事》女主角，另外仲有DC嘅《沙贊！2》，奇就奇在呢堆戲未上畫，電影公司就搏佢有潛質有叫座力。有白雪公主又點可以冇魔后？之前以黑魔后Maleficent做主角嘅《黑魔后：沉睡魔咒》，搵那些年嘅美艷女神Angelina Jolie擔正，同原著故事描述變老變醜嘅魔后形象截然不同。既然珠玉在前，新版《白雪公主》嘅魔后人選變得舉足輕重。外媒Deadline報導，迪士尼屬意搵《神奇女俠》嘅Gal Gadot飾演魔后，雙方商討進入最後階段，但係Gal 老公Yaron Versano已經喺IG證實消息，而Gal本人出席新片Red Notice首映都認咗會做壞蛋皇后，仲話急不及待想搵「魔鏡」照一照。消息傳出後，有mean爆網友話「套戲10秒完得！皇后問魔鏡『世上邊個最靚』，咁魔鏡一定答係皇后架喎」，明寸Rachel Zegler冇Gal Gadot咁靚。到底劇組會點樣安排？化個醜妝俾Gal Gadot，定係要Rachel 演技搭救？呢個咪就係賣點囉！點解話個咖啡妹演『白雪』公主?