[細田守新作] 龍與雀斑公主討論區

獸控

我都喊到仆街，我自己係咁諗
唔知你記唔記得有一幕係細個suzu講點解你哋係全部人都好似唔關事唔受影響咁，我覺得佢suzu唱比龍聽嘅同時係唱緊比曾經/現在嘅自己聽，suzu想了解龍都係因為潛意識覺得佢同自己似

其實都可以引申到成個故事係講緊suzu喺媽媽死後經過咗咁多年終於走到出嚟然後成長咗

由點解媽媽寧願掉低佢去救人，然後質疑自己嘅存在，到接受唔到自己唔想同人交流，無法再喺人面前唱歌覺得一世人就係咁，只台收埋自己低調生存，慢慢因為U，佢得到咗一個「重生」嘅機會，可以逃避哂以前嘅問題去表現自己(但仲未成長，現實一有人講佢就又驚過)，到見到龍，令suzu潛意識想親近，想求佢同時不知不覺救緊自己，再最後以此去了解到媽媽點解會咁做而令佢終於解開咗成個一世人嘅心結。

得suzu一個人去跑跑跑就搵到龍真係好over，但其實龍最後家暴有冇得到解決都唔重要，suzu終於解放咗先係成條最重要嘅主線。

或者咁講，主角只有suzu，龍最多係大配角，但唔係男主角。

細田守由數碼暴龍起套套都獸控傾向

.

睇完感受 好心佢唔好咁點都即止
一係就夠膽寫出黎 一係就唔好加呢d社會問題
btw 想睇belle演唱會多d

前面好好睇
但最後好唔合理
忍唔跟埋去已經好唔合理
我知想講女主好似當年阿媽咁 不顧身去救人
但成個情節都好怪 唔太合理 只可以話理想化咗