[細田守新作] 龍與雀斑公主討論區

首歌唔止傳達俾龍，仲係傳達俾媽媽；因為冇偽裝自己，對亡母思念、亡母走後不知所措，一直壓抑既情感一次過憑歌抒發，所以先會穿插救人回憶，從而理解到媽媽當時既溫柔

製作紀錄就有講河流代表生死交界，網絡世界既聯系係匯川成海，騎上鯨魚傳達到新月，u世界既意象係有穿越生死既聯想


後面都係佢想講既野，家庭暴力同網絡體制暴力係相通；就算係有傷痕既野獸都可以係拯救他人既美女

美女與野獸喺套戲唔係男女概念，忍一直做緊suzu既美女(代母)，最後忍唔再係suzu既保護者，係想男女平等共處

細田守認日本動畫小看女角 希望打破固有框架
https://lih.kg/2620856
- 分享自 LIHKG 討論區

講經咩，套嘢完全表達唔到呢啲意涵，觀眾睇完剩係覺得唔合理同on9到爆

終於有伏字以外嘅討論
套野我覺得唔係A-->B-->C-->D咁睇，佢唔係solid咁環環相扣
反而A//B//C//D咁嘅區間，A同C有關係，B同D有關係。當然，個過渡好難話自然，但我覺得其實的交錯係幾好

九流太比面 劇情係垃圾 0合理性
班師奶同同學竟然冇陪過去
一個人都冇
然後頭十五分鐘交代劇情又交代得唔好
女主角一入個世界就成功
一啲努力都唔需要付出
又唔知點解咁屎忽痕去搵龍係邊個

垃撚圾

不過歌的確係一流

同frozen 同人設

諗返龍既候選人，易受傷害既巨嬰、思念亡妻、揭開傷疤鼓勵小朋友，每一個都同suzu內心有相似地方，套戲理解係以suzu做核心發散出去既concept map


當然我唔係話套戲講得好，要屌佢垃圾都好簡單，但呢d空泛抨擊咪正中網民心理；美女與野獸咪係一套有瑕疵既戲都可能成為某人既拯救，太多人覺得自己講兩句就可以操縱對作品生殺大權

睇完覺得麻麻，啲劇情九唔搭八，但係啲歌係幾好聽

啲劇情真係冇重點 冇樣嘢係深入描述 得啲歌好聽 條女同龍實際上都冇經歷過啲咩就已經攬身攬勢 又冇講條女中意龍啲咩。本身以為女主暗戀嗰條仔係龍 點知原來係個真身戲份極少不知名二打六

係 條女一入個世界連探索嘅情節都冇 一嚟就唱歌紅咗 hea撚到

唔認同鈴係容易受傷嘅巨嬰，倒不如話佢係唔想再受到傷害先喺現實世界收埋咗自己；而且嗰個藝術家事實上只係嘩眾取寵，而鈴嘅歌係毫無掩飾嘅自我揭露

巨嬰主婦係太在意他人話語而自卑，所以先包裝形象；suzu一開始怕老死毒舌、鍾意忍既謠言平息都體現到有呢種性格

suzu係充滿缺點(雀斑)既女仔，佢有齊凡人擁有既缺點，但就算有傷疤都可以拯救人係一個主要message

畫面都好壞參半 靜態ok

但有啲位一郁同鬼佬啲作畫一撚樣 2.5D又幀數不足

係歌唔錯

畫面同隻歌都幾正
由個正義團出黎就開始唔掂

巨嬰主婦係因為他人嘅觀點而自卑，但鈴嘅自我封閉同佢有本質上嘅分野：巨嬰主婦受到攻擊只係會用情緒去反擊，完全冇打算用事實去說服其他人，更莫論同人建立良好嘅人際關係；鈴受到傷害同攻擊第一時間會好好咁審視自己，然後用理性嘅方式去解決問題（唱唔到歌》思考自己點解唱唔到》轉投U唱歌；因為忍而俾人攻擊會去搵值得信任嘅人幫手》用事實說服同學）

不過同意雀斑代表缺點嘅諗法，正正因為有雀斑，先更容易去接觸同理解其他人嘅傷痕，先可以拯救到龍、同時拯救自己

但老實講，寫得出咁嘅意象但做唔好情節嘅鋪墊同展開，只可以用眼高手低去形容

最後佢係網絡世界用所謂自己真身唱歌咪又係網絡世界入面用假聲唱，都唔係真人唱，點解佢個fd會覺得佢唱唔出聲

佢作曲個陣又唔見佢噁

主角同龍哥響城堡歌舞果幕，差啲喊到仆街

啱啊 個細路（龍）唔係應該有打交嘅potential咩，係咪龍醒覺識現實裡還手，就好似Belle醒覺後可以真身唱歌咁，就算只不過係扭打都好睇好多

好睇

真心咩