由淺入淺教你睇八字！

我教八字都教左兩年了。有興趣可以入tg谷了解下。

自己學八字學左半年左右，然後就是搵白老鼠試，試左差不多1年左右開始陸續有人問收幾錢就洗濕左個頭，然後順理成章有人問教唔教八字，又開始教學生涯了。

收到一個八字後，先睇日主，然後就是睇旺弱，同埋佢支命既元素。

八字上我果套同坊間最唔同既地方，坊間既八字只睇十神，偶爾睇神煞。但我好著重元素本身既意思，例如日主剋的五行叫財才，問題是：金剋木又叫財才，木剋土又叫財才，水剋火又叫財才，金的財才同木的財才同火的財才點會是相同東西呢？

麻煩樓主幫我睇下
我都知無乜運行
想知之後會越來越好定越閪

主問事業，麻煩哂巴打

調侯係好基本的東西，當論旺弱時，已經包埋調侯係入面，然後再加以元素的內容，更加是深入解釋當中的關係。地當果個人同你講佢專睇調侯，其實代表佢既水平只係識調侯。八字重的是元素同元素的關係，調侯只係關係的一種，仲有好多其他的東西在內。

好！！繼續岩先講既異黨，自黨的問題。子平八字，就係根據自黨／異黨邊一方的力量較強，而7粒字當中，又以月柱的地支，稱為「月令」佔比最大，因為出生的月份代表果時大環境以邊種五行的力量為主。然後再配合其他果6粒字，黎決定日主究竟是強旺，定係衰弱。

決定命主的強弱，即算命當中最易出錯既環節，因為好多命例佢既異黨自黨比例平均，唔是太一面倒。呢個情況下，算命師決定命局強弱時就好易判斷錯誤，影響接住落黎斷定支命「喜神」「忌神」了。

所以坊間算命的流程是先睇日主＞＞再睇旺弱＞＞然後定喜忌。初學者亦都是以呢三步曲為主軸。然後再分而廣之再推斷其他東西。

很一般，條命都是以有份穩定工作為主。一切以穩定為先。運麻麻冇咩發揮空間

兒女頭半生都係駛你錢。真係要去到臨老果十零廿年先幫到你。不過都係好事，有仔女送終既命格，唔駛驚臨老俾人拋棄。

搞笑，我都唔會生下一代

除非你絕育，否則唔好講到咁死😉有時就係心想事成。

如果我話紥左呢

想問將來事業財運

例不如講你想做咩，我幫你睇睇命理上效果會如何。否則我同你講做咩好，好似我幫你做決定咁。

唔會啦，當然你要死拗話你已紥咁我都吹你唔漲。始終條命係你，係話乜都岩。我只是以命論命。

多謝你嘅時間