由淺入淺教你睇八字！

小弟係一名術士，熟習八字斗數風水易經，對於靈異法科都有一定認識，希望可以係度同大家交流下有關玄學既睇法，或者解答下坊間對於玄學既誤解。另外佛道方面亦有一定涉獵，有疑問既朋友仔亦可以隨便發問。

呢個POST主要是解答八字相關的問題, 有學緊八字的朋友仔，或者有興趣學八字既朋友仔，遇到唔明既地方都可以隨便問。同為推POST起見或者作為教學命例會同大家簡單批下命。

如果大家有興趣算命/ 占卜, 或者學習術數, 又或者對宗教感興趣，小弟亦開左個TG GROUP, 係入面會不定期分享術數知識, 同幫谷友算命占卜, 解答下人生疑難, 有興趣可以禁link加入:https://t.me/joinchat/RjJEsWNeZNmIyzlK

算命的話請下載「論八字」app，輸入出生日期時間後，禁小盤，然後截圖放上來，會隨緣幫大家簡單批命。

大家下載左論八字，輸入出生日期後，禁小盤就會開到呢個畫面。呢個畫面就係大家的命盤。八字論命的一切資訊，都係由呢個命盤入面拎出來。


黑圈的位置就是日主，亦都即係大家常聽見的「你係x命人」的根據。例如呢個命盤咁，佢日柱的天干係「辛」，咁就可以話佢係「金命人」，因為辛係陰金，再仔細講佢就係「陰金命人」了。


紅圈的位置係年柱地支，亦即係大家常聽你「屬咩」，因為十二地支分別代表十二生肖，而出生年的地支就是紅圈位置。以上圖為例，呢條命就係癸巳年出生，屬蛇的小朋友了。

上面cut左果張圖，基本上就係你需要用到既資訊，有人會問下面果d天干提示地支提示，或者其實版面果d秤骨丫，神煞丫有冇用架？我可以好老實回答大家，其實係冇用。神煞呢樣野都仲可以商榷，但其他果d秤骨幾兩幾錢丫，基本上的廢的。所以要睇命盤，直接禁細盤就ok。

我地知道左自己的日主係咩之後，其實就可以開始去算命了。坊間常用的子平八字，其實就是根據上面紅圈的日主去做文章。如果有出面幫襯過人地算命，或者係連登睇開其他巴打算命的話，成日都會聽到一個字眼，你支命「身旺」，「身弱」，跟手就會聽到你條命「喜神」係乜乜乜，「忌神」係乜乜乜。其實都係由呢個日主去做延伸解讀。

你想問咩，身弱行忌神運、捱多年就轉運啦

點解我第一個你都skip

甲己合土會化，因為巳藏丙戊庚，入面有土的化神。而且主氣亦冇同化神交戰，所以天干甲己合土成化。地支巳酉合金不化，因為化神同月令係交戰關係。

支命理論上就係身旺，天干合印成化，財又被合走，頭兩柱的大運又係庚午辛未。出世時家境還好，然後就一直走下坡。

感情兩個木冇根，等大運流年有木補根先有d機。事業去到壬申會好好多。

我碌番上去終於見到，你想問咩，方便可以禁埋個小盤，有埋大運果個。

謝大師
多問一句
我呢八字個病係邊 個藥又係點用呢？

好！繼續岩先講既喜神／忌神問題。因為命理角度講求陰陽平衡，所以會以紅圈的日主作為基準，去量度日主的力量是屬於「強」定「弱」。量度的標準就是以其他果7粒字，究竟係日主既「自己友」定係「非自己友」了。

所謂「自己友」，就係生旺日主力量的五行。以上面果個命盤為例，佢係「金」命人，咁佢條命的「自己友」就係「土」「金」。點解呢？因為土會生金，然後金本身就是同日主相同五行，所謂「自己友」八字術語上面叫做「自黨」。即係會令日主變得更加強旺的元素。

所謂「非自己友」。就是削弱日主力量的五行。所以上面支命的「非自己友」，就係「水」「木」「火」。點解呢？因為金生水，好似女人生仔生得多，或者男人打j打得多，自然就變得虛弱。同樣地金剋木，你打工劈木劈得多你都會累啦。同樣火剋金，個火打柒你喎，咁自然是削弱日主的力量。所謂「非自己友」係八字術語上面叫做「異黨」。即係會令日主減低日主力量的元素了。

呢d咩病藥的terms冇咩意義。我地將個問題簡單化，你支命既然係身旺，即係忌土金，要水木，火一半半有辣有唔辣。咁你就睇下你支命，邊個位置有木，成支命唯一有木既地方係時柱，咪即係你要靠朋友，同輩，後輩的助力囉。月柱既火一半半，因為火會生土，即係你靠長輩就係令你更懶，所以呢條命好易郁d就辭工食屋企。呢方面咪係問題。

明白哂

2026。2018一堆火你都結唔成婚，證明都係支命沖刑太過，都是靠要流年等運到。

貪心啲，大師有無其他comment/建議？