中原史點解以南攻北咁難做到

南方要西據關中先已經無咩可能
劉裕唔係政局不穩回朝可能有機

唔覺得佢可以打嬴北魏

係黃河奪淮前南方北伐都離唔開河道
比較符合你提出既南軍補給不力進取不能，最後俾北軍擊潰已經係七國之亂。戰前俾劉濞建議起事立刻攻取函谷關敖倉，唔係關東到攻城擴大地盤。就係要將主客易位，迫中央軍出關硬戰

之後最多南軍北伐既情況已經係南北朝，南軍由淮河出發沿泗水進彭城
向西沿汴水進軍滎陽，桓溫第三次北伐要撒軍就係石門水口未能打通搞到補給唔可以沿汴水已來
向北由泗水經濟水入黃河，呢條路桓溫劉裕北伐都有用到

南軍呢兩條路線兼及函谷關東黃河南既豫魯之地，行軍同補給既需要都可以滿足。唔存在北伐南軍需每城必爭難以久戰

應該話北魏唔會主動挑戰劉裕

赫連勃勃都係等劉裕走左先出手仲要有晉軍內部火併去幫手助攻

南軍就算解決補給，但究竟可以點係華中同華北戰場上用機動力低既軍隊反客為主成功擊殺北軍主力去收割戰果？一城一地並不重要，但就算俾南軍佔據重要都市亦難以曠日持久，補給當然係首要但擊倒敵人主要力量才係首功

咁就係另一個問題我只係回應南軍北伐仍然可以依靠水道
南北朝個時南軍既戰力仲可以同北軍野戰，兵力同主客反而更影響勝負

北魏果陣未統一北方應該唔敢開劉裕波

北魏初期其實冇想像中咁強盛
我覺得有得打下

但頂盡推到河北咁上下之後走人
冇得長佔

劉裕北伐果陣

北魏好似已經消滅左 後燕......已經好強大下

後燕慕容垂死之後 慕容家自己又犯重複的錯誤內鬥
慕容家唔內鬥仍可以同拓跋珪一戰

正評for 圖解

據河南其實唔一定要據關中
守到洛陽以西豫西道其實一樣可以頂住關中

外掛仔分家之後嘅伊兒汗國都轉咗信伊斯蘭教

但係北伐目的係統一中原，先行佔據河南只係、跳板，如果冇關中可能太危險，不論出潼關出武關都可以威脅後方安全，而且冇關中亦都取唔到河東

我發覺樓主想講嘅北方同下面討論嘅北方完全唔同
樓主講嘅北方應該係問黃河流域個頭嘅北方
個度都唔少漢人政權同都係多人住

但個個答嘅北方係長城以北
個度普通係少數民族同土地乾旱

但關中打得落嚟已經浪費時間

比你佔到都補給困難 秦嶺三門峽根本運糧惡夢

所以只要佔到豫西通道頂住潼關

集中山東河北先係終點

事實明咪係咁打 打到去潼關之後北上大都

有呀，華北政權只要分裂就可以

劉裕、明初、曹操、蔣介石係咁打贏北面，但北面夠團結就9成失敗

咁本身元朝內亂關中山西河北組織唔到戰綫各自為政，先俾明朝偷到雞，講真如果一個統一嘅北方政權基本上冇乜可能輸比南兵

會咩？親英派係美國獨立前後就搬左一大批上加拿大

但都係南打北失敗例子

但事實關中時代越後 除咗關隴集團起家之地之外
其他時代重要性越低 荒漠化+偏垂

江左政權要北伐
據河北關內太行山頂住胡馬南下先係必須條件
你江左北上補給中原有河已經困難
仲想行秦嶺三門峽入關中根本自爆

關中只要失去豫西通道其實冇想像中咁重要

FF一下
如果家陣中國再玩多一次 北南戰爭
南方 應該可以打柒北方

因為家陣中國發達地區, 全部都係南方
只要南方控制到 廣東, 福建 浙江 , 香港 , 就有大量金錢可以打仗

北方果D省全部都又窮又落後, 打打下隨時無錢

西晉後期，漢趙係北方開始壯大
執政的東海王司馬越就搵同系的司馬保出鎮關中，司馬騰鎮鄴城，王敦在青州
但係令司馬越最煩惱既係佢遇到石勒一支游擊部隊由河北到山東到中原到荊州全部玩過曬，所到之處幾乎無人能敵

搞到司馬越的野心和佈局完全崩潰左

唔知岳飛果個時代, 佢本人喺政治上的影響力其實有幾深.

但目前史料肯定的係, 岳飛本人真係對政治/公權力係冇野心, 純粹係一個專業將領咁解.

BTW, 制度問題 (公權力點分配) + 人問題 (對公權力有渴求 vs 純粹做個打工仔) + 溝通同理解上差距 (彼此唔理解對方睇法+資料唔夠/唔精確做成錯判), 三個問題加起來, 最後就變成大災難.

典型用Chinese果套，去睇外國對公權力睇法

美國係“合眾國”，政治架構類似現代版西周咁。平常內部事務都係各洲洲政府自己搞掂哂，聯邦政府只係管要國家層面理的嘢，例如全國性交通網絡，國防，外交等。

歐美唔興玩中央集權，所以喺國家層面角度要咁多土地做乜？除佐加重聯邦政府負擔同工作量之外根本冇好處

現代完全係第二個概念啦。以經濟力，工業力，科技力為後盾的軍事實力。

仲有平原地型以21世紀來講，係航空戰力的最佳表演場所。你認為南部戰區+東部戰區定其他戰區的航空戰力勁d

更何況如果當代中國南北分裂係因為習帝對台海，南海戰爭失敗引發的話，南部，東部戰區能夠喺西方盟軍壓倒性航空戰力下生存的飛行員，肯定係精英中的精英。只要南部，東部戰區仲有似樣d的戰機同設備，冇俾盟軍一鑊清乾淨，北面戰區唔使旨意攞到中原平原地帶制空權。