【財經學術台】具統計學意義嘅保力加通道 Bollinger Bands 是否值得相信？

係過往幾個Post入面：
https://www.instagram.com/p/CUR28Lil0Ui
https://www.instagram.com/p/CUAIVeUviBY

大家都好想知道保力加通道嘅成效，我初頭都好好奇點解大家會對保力加通道咁在意，當結果出左黎之後，我大約理解到究竟點解。

今次沿用番一個簡單嘅比較，分為四個策略：
1. 一掂上線即沽空，一掂中線即平倉
2. 升完再跌番穿上線先沽空，跌完再升番穿中線先平倉
4. 一掂下線即買入，一掂中線即平倉
5. 跌完再升番穿下線先買入，升完再跌番穿中線先平倉

頭兩個策略係估頂策略，而第二個係改良策略，目的係減少升穿上線捱價嘅機會。
尾兩個策略係撈底策略，而第四個係改良策略，目的係減少跌穿下線捱價嘅機會。

首先用左標普500指數做測試對象：




以及用左恒生指數做測試對照：


結果分析
1. 吸引嘅勝率
第一個重點係勝率上面，好明顯保力加通道嘅勝率比移動平均線高，高達六七成以上。但當然一參考Sharpe Ratio 方面完全係強差人意。

2. 作為撈底策略嘅成功因素
另外，頗為值得注意嘅係標普同恒指係策略四上面都獲得正數。策略四係一個有耐性嘅撈底策略，係跌停後重新升上保力加通道底先入場。呢樣結果都反映咗保力加通配合到下跌市嘅特徵，只要一但企穩左，好多時都會出現一個強而有力嘅反彈，咁從而可以提供到高勝率而正回報嘅策略。

3. 無止蝕點算好？
但係，勝率高仍然低回報嘅意思，代表著間中有一兩次嘅撈底都會失敗並加速下跌。由保力加通道原意並無設止蝕，我亦唔方便亂定義止蝕位，故此大家如果根據最傳統方法使用時要小心使用。
（註：唔好以為加左止蝕就會賺多左，好多時止左蝕就會出現左一巴右一巴，既影響勝率亦影響回報）

希望上面可以俾到啲Insight大家適當使用保力加通道，因為如果使用左佢黎估頂，效果可能比撈底差好多啦～

穿回下線買入，穿回頂線賣出唔知效果點

呢個情況又變左好睇個市本身係Uptrend定Downtrend：
好似恒指咁，本身係上落市，撈底嘅時候好多時只係搏佢嘅反彈能量就走，咁中線走係會Profitable好多；


但係如果佢本身係長期Uptrend 好似標普咁，佢嘅撈底根本只係一個Uptrend嘅回調，咁有機會試上線嘅～

其實係之前有其他巴打係上一個Post叫我試最傳統個參數。

我個conclusion draw係如果你盲跟傳統參數就唔好拎黎摸頂，你都可以分享下你點睇同大家交流下嘅

我想分享下知識，同大家交流心得姐

統計學黎講，保力加通道violate哂Random walk process

係Random Walk呢個觀點上可能會violate嘅原因，係因為假設左股票嘅走勢係好似擲公字咁隨機。

咁睇下你相唔相信市場有某程度嘅無形之手啦，有人會話因為市場有一部分人跟住呢套黎做，反而變左自我實現嘅情況。

唔係violate random walk，而係錯誤假設price movement 係normal distribution。學界60年代起已經不斷重複又重複係stable/levy而唔係normal，但傻散堅持以為normal嘅bol 會work

上面有寫個period 2006年至今

我自己用Multichart整嘅，但係太貴啦我個人覺得唔值得。如果你自己學，簡單嘅Excel都做到，只係需要拎到data就做到。

標普個sharpe

學到成個邏輯嘅表述了。所以應該演繹為，回調好多時擊中保力加下線，所以係無止蝕嘅情況下會有正回報，而唔係個Normal distribution 嘅情況下95%機率係2SD入面必然反彈。

叫得random walk就即係lack of memory喇
又點會俾過往走勢derive出黎既band影響未來

呢幾個strategy 用日線做timeflame ，around 有68至107次trade。

個正回報係因為positive drift，同個distribution 無關，亦同bol 無關。原理同前排用隻倉鼠炒crypto 都贏到開巷一樣。呢十幾年嘅spx 癲牛，你搵倒long only 又輸錢嘅strategy 先好野

3.72 Sharpe

一睇 就知你time travel左啦 或者邏輯錯左啦，on9仔

發明人保力加自己寫嘅書，係認為睇爆邊比較有效，而唔係認為到頂線會向下，可能就係因為知道唔係normal.

另外樓主有冇參考過保力加親身著作?可以參考咗先

我睇股票圖預設用保力加，唔係因為準，只係因為冇MA咁花，又唔會淨睇陰陽燭咁寡

有時睇下佢通道擴闊收窄，去參考個波幅。

另外十幾年來恆指月線圖穿頂線回落，穿底線回升，算幾準。