世界根本係個謊言

人類嘅本性自私、低賤、奸詐、惡毒，由古至今都係。
唔會話自己品格高尚，因為我都係個低賤嘅人類。
由以前美國立國後靠打壓原住民獲得土地，到近代某國嘅不斷欺壓，所有政治、商業、生活其實全部都係靠欺壓同詐騙，乃至於而家嘅社會根本都係一個謊言。
去到呢度，我講嘅都可以從史料中搵到。
大家試下拋開自己任何國際、任何身分，宏觀去睇呢個世界。
現行嘅社會制度已經係一個謊言。
一路教我地努力去學習技能，要做個有用嘅人；
一路話要做個好人，唔好去做傷害人嘅事。
然後呢？我地就一直被利用，幾多人一生為大財團賣命，又有幾多人得到所謂嘅富足？
一直做一個樂於助人，以善心面對一切嘅人，結果一次又一次被利用，為他人作嫁。
結果到頭來，我地都成為資本主義下嘅棋子。
只要一切平穩順利，全部人聽話，由細呃到大，有錢嘅人就一直有錢，窮人就一直出力。
「唔夠成功只係因為自己唔夠努力」呢句係近來睇某個哲學YouTube channel理解到嘅、資本主義下嘅謊言。
退一萬步黎講，縮返細啲，就講平日所謂嘅好人好事。
佢地話人性本善嘅時候，可以講好多例子：
阿婆推車過馬路，你會因為善心幫佢，但點解阿婆年老體弱都重要執紙皮？
有員工大肚/侍產，公司好似好好人有好長嘅假期，但人類係孕育下一代嘅時候點解都要人地批准先可以陪伴？
因為我地一出世就只得返商業價值，一個為有錢人產生更多錢嘅價值。
咁都解釋到點解要教我地咁多道德觀，因為世界太醜惡，醜惡到少少好事都可以吹捧到係大恩大德，覺得要感恩佢地做所謂嘅好事，同時要我地幫有錢人執屎，要窮人幫手解決社會問題。
講到尾，都係因為人類。人類自私自利，最弊係人類特別高智商，可以諗到更多方法欺壓自己人黎令自己生活更好。
本來嘅世界好簡單，一切都係完美嘅平衡。
直至人類嘅出現，自以為食物鏈嘅頂端可以任意妄為。
相信我，人類好快會因為自己嘅所作所為而滅亡。
以上都只係我個人睇法而已，絕對有可能有錯，僅此而已。

樓主推薦你睇炎拳
入面就係講呢樣野

多謝先 我會去研究
因為對所有一切都太失望
我唔知應該對世界有咩希望或者情感了

看破紅塵？

樓主啱啱青春期？

你都真係唔好以為
我相信好多人都好buy努力就會成功果套
以為所有野都係自己努力換返黎
其實只係博命做奴隸主下既高級奴隸

有咩建設性提議

quit game?

你咁諗係因為你覺得1個人quit冇用姐
如果3成人，一半人quit呢？
不過問題係d人到底係未醒覺丫，
定係一樣選擇食藍藥丸丫拿

係，你講得冇錯
19年我都對香港既睇法都崩潰哂
但我都係想做一個好人

其實好多人都知，
只不過冇能力去改變，
一向都殺人放火金腰帶，
修橋補路冇屍駭，
當權嘅必定係小人而唔會係能人，
就如項羽係注定輸俾劉邦

呢個係入門睇法，再諗落去好快你就會有更深入睇法，之後就會由睇法去到睇化。

做人就係忍

完全同意，好失望對世人

唔洗諗咁多 覺得自己過得開心咪得

想講知道咁多之後
個人無曬情緒

岩架，開心最重要

唔敢講看破 世界仲有太多面未公諸於世

過左好耐啦
嘗試多啲留意發生緊嘅事
你會發現我講嘅唔難發現

某程度上而家生存就係為左等死

唔洗灰心既
唔好比世界改變自己
要諗自己點去改變世界
因為你都係世界一部份

你加油
當然 如果風雲再起
我依然願意做一個好人咁死去
起碼叫留返一啲存在意義instead of社會定義我嘅商業價值

努力就會成功係本身享盡榮華富貴嘅人講比啲低下階層嘅安慰說話
無機遇你幾努力都無用
最多只係achieve到自己訂下嘅短期目標

我寧願自己無出現過

我怕更深入嘅時候我走唔返出黎

點解妳會有呢個觀念？認真想知 唔係串
因為我覺得人係無定型 無標準
做人就算點樣都係做人
只係我地係現存社會嘅玩法要咁忍而已