大家係點捱過失戀期？

幾好 謝 巴打
道理 我是明 方向亦都有
但有事心唔係話放就放低到

最可怕係夜闌人靜喱d時間又訓唔到
就自然諗好多回憶，好多既自責
唉

i know that feel bro

但係世上冇如果 唔發生都發生咗

自責都已經冇意思

11.食退黑數 心情會定啲好瞓啲

起碼想知自己其實死d乜
不斷反思反省緊
只係今次愛得太深 太傷太傷啦

我失眠太嚴重 比fd捉左去睇醫生
食緊安眠藥 但效果麻麻

個人經驗
頭一個星期好難過 番番下工衝入廁所喊
間唔中諗起件事會好痛苦
之後慢慢愈來愈少感受到痛苦
一個月後正常好多
三個月後無乜感覺
大約半年後有下一段感情

個人建議唔好嘗試迫自己恢復正常
想喊就喊 人既情緒係需要渠道發洩
真係好痛苦可以搵情緒支援 搵人傾下偈都幫到好多
面對自己悲傷情緒 係需要時間復原

完全明白
相信好多巴絲都試過
支持你

可以嘗試每晚做運動、播音樂睇書
好幫到我

你有冇諗住追番佢？

其實知黎都冇用

同一件事對唔同人佢地會有唔同嘅感覺

你愛得太深，其實即係代表你做得太多

襯衣個機會休息吓 下把位嘅感覺我明

點會冇
只係而家自己狀態都唔好
等自己好番d，再裝備下自己再算

人地無左我重開心
就唔阻住人啦

千其唔好，起碼自己要有好大改變，

如果唔係一定重蹈覆轍到時仲傷

就算唔unfollow佢
都要靜音左佢
唔好諗住要追番佢
最重要做好自己

認真答
剷哂啲相，掉哂有回憶嘅物品
好會會見效

如果做唔到
即係你唔想捱過，想自己keep住唔開心

明呀 點會咁容易搵到第二個 鐘意嘅人成屋移咗民 分分鐘成世都冇機會見返 晚晚就係望住啲舊相頹

裝備好自己會唔會再諗溝翻個ex

其實係已經失去左愛人既信心同能力

一樣啊！成間房都係以前既合照 同回憶
上次有fd上黎 話幫我處理
我都唔捨得，最後原封不動冇搞到

係要度過呢段好艱難嘅時候架啦 可以負但唔好放棄自己

我自己都係唔捨得去del啲相 所以最後就全部hide曬佢 直到開始忘記同埋諗翻起都唔會再痛先敢再睇翻啲相 巴打加油呀

好傻既想法 好開頭有
但覺得咁就死左既話好不甘心
之後就keep住想改變下

其實日頭我個人係好正常
只係一到夜晚 加上又失眠 個人就就會好負

今個禮拜被分手
男人老狗喊到死左
個心好似四分五裂咁
仲係到幻想緊佢仲對我有感情，仲有機會
最慘係自己一個係外國

一年前被分手，同我講已經唔鐘意我

一年後都係振作唔到 每晚壓醒 ，每隔3 5 7個禮拜就諗返上年既野，心情就開始差，無限輪迴

當個人知對方越多野心情就越差，但我好明白一個人個心已經無你存在，其實你做乜都唔會留意你，更加唔會有感動，係好恐佈個隻毫無感覺，直程當你透明

其實當你知道自己仲掛住佢，但事實係對方個心一早已經無你既存在，呢種先令人最心痛

Sorry 1999

重覆去番同佢去過既地方
突然明白佢已經唔係自己認識既佢
然後就無事了

利申 用左4年

真 好明白
明明付出咁多，又可以為你改變 點解要去到喱個地步
可能真係唔愛啦

但最犯賤既就係明知道對方已經唔愛自己
但重仍然咁愛對方，掛念對方
好可悲既事

想借個位分享下／發洩下

大概半年前，係我以為我地嘅關係變得穩定嘅時候佢突然用一啲我無法反駁嘅理由同我講分手，當日嘅情景，每次經過嗰個分手嘅地方我都會諗起。

一年嘅感情唔長唔短，但都足以令我唔服氣，覺得明明可以繼續行落去點解佢要走？可惜我只能夠做到表面瀟灑，其實每晚返到屋企瞓係床就會喊，有時喊天光，有時一路用private ig 狂打字，講一啲佢唔再在意嘅感受。到第二日返工就繼續扮冇事，有時俾人笑我仲自嘲。其實我唔好受，但我完全唔想同任何人分享，我覺得唔會有人了解到我嘅情況，唔會有人明。

每日就係咁過，有試過癲到睇埋啲完全冇用嘅YouTube 分手教學，聽住每個塔羅占卜話我知我地會一齊返嘅結果⋯其實我唔相信嫁，我只係想有把聲氹住我開心先，因為我真係冇曬動力，冇曬方向⋯有時我連自己都想放棄。

因為我太唔想忘記佢，我想將我地嘅回憶留低，我一路backup，個心一路好似裂開咁。Back到個hard disk 都冇位，啲相依然仲係到，所有msg 都冇del。我知如果落手del，我一定會更難過，都無謂逼自己。

過咗半年終於都喊到冇嘢好喊，開始由每日喊變到久唔久先會喊一場。我開始重整自己，set 一啲新嘅目標俾自己，學一啲從來都抗拒去學嘅事。終於都開始接受佢唔再返嚟我身邊呢個事實，有時我開始回顧某啲事情亦都發現，點解我會愛得咁卑微，點解我唔可以愛自己多啲？

直到最近認識咗一個新嘅人，我有啲鍾意咗佢。諗起之前依然都仲係會好痛，有時仍然好掛住，仲係會有啲希望佢會返嚟。但自從遇到新嘅呢個佢，我只要一諗起啲傷心事就會開佢啲合照嚟睇。我冇打算佢俾呢個人知我鍾意佢，冇話好想一定要同佢一齊，唔想再俾一份情感去操控自己嘅情緒，我只係想開開心心咁去鍾意一個人。

我好多謝陪過我嘅所有朋友，因為我唔想煩到你地，所以冇同你地坦白我真實嘅感受，但多謝你地對我嘅好，我會記住。

其實一切都會好起上嚟，好老土，但真係要愛自己、focus 係自己身上多啲。人地對你好係bonus，自己錫自己係必須的。如果有個人你發現佢做咗一件事令你覺得佢唔愛你，就唔好縱容佢，因為只會令你變得可有可無，無論你幾傷心，對佢嚟講都只係一件不值一提嘅事。講就易，做係好難，但共勉之。

唔好意思大家，可能1999⋯

小朋友
失戀係好事

好勵志 相信大家都會好起來
之後條路會更好既

真
但感覺世界好似冇左咁
可能之前一齊太過以佢為重心去生活，去計劃未來
一下冇左 個人好崩潰

但其實真係好小事