五等分の花嫁究竟個男主最後選佐邊條女?

HotshotHot

138 回覆

5 Like 40 Dislike

HotshotHot 2021-09-15 18:34:24

想問埋呢套野遲d 會出第3季？
定係劇場版？

煙肉 2021-09-15 20:32:56

劇場版

HotshotHot 2021-09-15 20:55:03

劇場版係唔係講漫畫之後結婚果段既劇情?
咁咪好正

星漾晴 2021-09-15 21:01:28

應該做到漫畫結局就完
得兩個鐘做30幾集劇情
其他野包括會唔會改/加野就唔知

HotshotHot 2021-09-15 21:07:54

雖然已經知道佐新娘係四葉
但希望到時個劇情同畫面,
會增加番四葉同男主個效果

如果唔係,新娘係四葉 ,
好難接受

香港政府公函 2021-09-15 21:43:21

其實成套嘢有好多類似嘅疑點不過我諗有2個問題要釐清

第一個係四葉係小零奈呢個身份唔係導致風太郎鐘意四葉嘅原因

零奈出現果陣風太郎認為自己無改變過=沉澱過去

風太郎受打擊同二乃講要接受過去繼續前進

而相反四葉想成為大家需要嘅人（黑化）但因為姊妹幫佢而決定以後只為大家而活

但呢種諗法成為束縛四葉反而無風太郎諗得咁開

風太朗試探到四葉唔係大零奈而且對之後五月扮嘅零奈表示更在意愉快嘅修學旅行

風太郎同四葉講（風太郎以為係零奈嚟）對於過去同零奈嘅約定身份嘅真相已經唔在意更為在意現在可以見到風太郎已經真正唔再在意過去

所以影響風太郎選擇四葉嘅主要原因唔係因為青梅竹馬
零奈係邊個呢啲對風太郎都唔重要

到第二個點風太郎憧憬嘅對象/目標/特質
呢樣嘢會俾人忽略咗但好重要

風太郎細個所憧憬嘅零奈係個比同齡嘅佢成熟嘅人希望通過改變自己而令身邊嘅人過得更好嘅生活》觸發咗風太郎希望成為其他人需要嘅人

就算大過咗風太郎依然咁諗

一個必要時能幫助其他人嘅人

但係風太郎係成長過程專注於自身學業嘅追求忽略咗好多人際關係/校園生活

但唔代表風太郎對呢種校園生活唔羨慕

而最符合幫助其他人呢個特質嘅毫無疑問係四葉而且改變咗風太郎原本生活

林間學校四葉表示要創造最美的回憶

試膽大會幫風太郎處理好道具下定決心令佢留下沒有遺憾回憶

推薦風太郎成為班長雖然表示會影響學習覺得四葉做咗多餘嘢但班長身份間接變成大家需要嘅人受人認同

修學旅行

文化祭當四葉因為一花嘅說話動搖被風太郎安慰翻
同時見到風太郎由以前唔承認自己心情到後期已經由衷表達自己嘅諗法（轉變）

（風太郎怕羞主要係其他人進攻呢幅係唯一一幅無心插柳令佢怕羞）

喺風太郎結婚果陣佢諗翻過去林間學校嘅回憶喺好開心而最主要直接間接令佢開心嘅人係四葉

而四葉

修學旅行單純想風太郎同姊妹開心而犧牲自己

（另一方面雖然俾二乃阻止咗但風太郎個眼神想講果句唔會係後面回應二乃果句約咗人）

總括嚟講四葉有吸引風太郎嘅特質同埋改變咗風太郎校園生活
風太郎俾四葉同其他姊妹嘅支持都好易見到但四葉對風太郎嘅支持我諗應該掉翻轉都係五姊妹最大

所以四葉戲份其實唔比其他姊妹少甚至多過其他姊妹不過無咁容易察覺佢嘅進攻因為四葉嘅進攻其實係付出

題外話認到邊個=愛風太郎第一個認到嘅係四葉

基拉·大和 2021-09-15 21:47:39

唔係2乃，唔會買書

咪啪 2021-09-15 22:09:22

講得好好
講到尾愛情講夾唔夾同timing
唔係魅力邊個最大

是你哭泣時我憐憫 2021-09-15 22:24:53

好欣賞你搵得返咁多圖出嚟

四葉好肯為人付出喱點我諗大家都會認同既

至於認到=愛嗰part我反而覺得係三玖加分
1) 認到四葉係因為佢講咗真話自爆垃圾袋髮型, 有少少古惑位 (後尾升班之後風太郎都有教其他同學認五姊妹可以認身上既配件, 有少少偏離咗個原意)
2) 再講返早少少, 類似1既情況都有發生過, 二乃沖完涼無特徵佢認唔到, 但戴返嗰2舊嘢就認到; 五月扮三玖髮型去搵風太郎又因為睡衣顏色所以認得出係五月(雖然佢知一定唔係三玖, 但認到係五月而唔係一花或者二乃)
3) 到三玖嗰陣扮係一花 (對五月既稱呼) 呃咗風太郎 (又係風太郎想出古惑點知比人呃返轉頭), 但風太郎睇住三玖走就發現佢啲動作係三玖先啱, 喱下我自己覺得先算係真正認到
4) 四葉最後係鐘度錫風太郎而風太郎一路都認唔返四葉

循例補張圖

是你哭泣時我憐憫 2021-09-15 22:28:36

咁喱層一定啦, 鍾意本身無得公式化, 五姊妹各有fans, 無話啱錯, 我諗就算揀三玖同二乃都會有異議

只係大家討論下, 究竟成套作品係咪大部分讀者都感受到風太郎係鍾意四葉多過其他姊妹

香港政府公函 2021-09-15 22:37:22

Ching講得幾好我都贊成你果幾點所以認得果到我都係打題外話唔係主要理據嚟可有可無至於4果到四葉失足錫落去春場解釋得好牽強

如果失足邊個都得啦所以都係有啲位解釋得唔好

不過隔離巴哈有巴打咁講

睇完笑下算我都覺得幾牽強

不過睇到誓約之鐘果話我已經好肯定二乃會輸因為錫落去肯定唔會係2乃

呢啲就係我想要嘅理性討論

煙肉 2021-09-15 22:47:30

我感覺就太多時間都唔知風太郎點諗
認真考究嘅話可能都會覺得係四葉嘅
但我諗大部份人都感受唔到

同埋都係嗰句啦，80%讀者唔係四葉黨

HotshotHot 2021-09-15 22:51:27

冇計...4葉個樣同性格, 真係好路人FEEL
同男主D 互動, 又冇其他女主咁親密同感動
真係你地話濟, 個作者係根據自己老婆個原型來寫4葉
咁作者可能真係選自己鐘意既, 而唔係選劇情/ 大路既人鐘意既女?

煙肉 2021-09-15 23:02:28

其實應該冇咩人知四葉性格同佢老婆有幾似
之所以咁多人講係因為四葉嘅喜好係源自佢老婆
不過講講下就變咗四葉成個人都係照住佢老婆寫

是你哭泣時我憐憫 2021-09-16 00:00:25

我唔係最近睇哂可能有啲甩漏, 當大家吹兩嘴

有時係有比較有傷害, 四葉係默默付出型, 大家就易啲睇到好似三玖既改變同努力同受落啲, 所以先咁多人都鍾意三玖, 或者係二乃好明顯既攻勢, 或者一花同風太郎初期既互動

而你講到"到第二個點風太郎憧憬嘅對象/目標/特質"喱點都好緊要, 大家用自己感受去諗邊個應該贏, 睇既過程對"自己想睇既嘢"係會受落啲, 而其實風太郎既感受都好難捉摸, 到最尾表白我印象中都只係好含糊講咗(如果無咗四葉支持就無今日)之類既嘢, 可能都有少少關作者唔想大家咁易估到邊個贏?

香港政府公函 2021-09-16 06:07:35

當然我都係大家探討下劇情啫

風太郎感受難以捉摸其實係可理解佢唔似偽戀出租女友咁表露得太明顯雖然春場諗定邊個贏但始後係後官番唔可以令到黨派之爭過早傾倒得太明顯唔係就會豪無懸念所以風太郎啲表情同心聲都唔可以太明顯要合理咁考慮啲劇情發展再去推論當然其實去到後期表埋白114話打後佢應該可以透露多啲風太郎自己嘅心聲不過無所以呢個位做收得麻麻對比偽戀偽戀始終俾咗個理由出嚟（當然比到個理由出嚟又唔等於信唔信得服

）

不過我幾鐘意春場刻畫風太郎嘅眼神會見到有啲額外細微嘅情緒透露出

同埋留意到春場喺四葉回好鐘意用翻用一類場景（場景伏筆？）
其中公園（四葉最鐘意去果個）

（37回）一開始唔識玩

（77回）玩得好順利

40話裡面無透露過佢有嚟練習但由畫面睇得出暗示咗至少風太郎有嚟過公園玩或者練習？

樓梯又係出現頻率高嘅場景

當然呢啲就劇情外嘅推論啦睇下就算

香港政府公函 2021-09-16 06:23:21

再補充翻公園果點因為風太郎最後表白係喺公園佢表示公園成為佢重要嘅地方

我唔係話呢個表白理由恰當不過如果就咁睇都叫前面鋪墊過日漸重要呢個位

煙肉 2021-09-16 12:14:16

長到quote唔到了

場景其實都係重要伏筆
有時鍾意一個人就會有意無意間俾佢嘅喜好影響

可以推斷到風太郎鍾意四葉嘅情節係好多
但就放晒喺啲唔顯眼嘅位
甚至可能要重睇先會察覺到

我覺得係應該要再多少少篇幅勾返起呢啲畫面
表白回將其他人嘅回憶塞入去都冇乜違和
講回憶，五個人都有
講幫手，五月其實都唔少
更何況佢都話鍾意晒五個
咁何解係四葉？
唔係四葉特別，而係四葉對風太郎特別
但我就覺得呢個位並冇充分表達到出嚟
例如公園講到咁重要咁不如直接喺嗰度表白啦
點解要表白兩次

連伏筆都分兩次回收

第一次仲要搞到選妃咁

佢唔拆開兩次可能都唔使睇佢中間點破壞人設
如果我可以改寫就唔會講各人之後點面對

總而言之我覺得唔係劇情解唔通
而係敘事節奏有問題
浪費晒前面嘅鋪墊

半句題外話啦，睇作者之後嗰套戰隊大失格就覺得應該唔係我閱讀能力有問題

ppucco(鐵三玖) 2021-09-16 13:59:48

選左天使