五等分の花嫁究竟個男主最後選佐邊條女?

利申下先, 我剩係有睇 動畫版
(但自己忍唔住 上網 劇透佐 漫畫好似話係選佐四葉, 求解答WHY)?

睇晒第2季 12集最後果到
明明見到 係 五月 , 跑去錫男主, 又拉佐個鐘聲響起
又話覺得佢獨一無二, 好似係暗示 會鐘意佢?
而且五月個FEEL 又好似 女一

一花 都幾慘下, 明明同男主一齊D時間好似係最多 , 但後面有D走黑, 又出賣姐妹咁
但童年果時 其中一冪 係佢同男主 一齊, 但男主唔知, 而且講佐都冇人會信咁
(雖然大部份都係 四葉)
覺得佢個情景, 係同男主互動 比較多, 同貼地

二乃 ,典型 MK妹, 而且積極進取, 但睇男主同佢既互動, 好明顯唔似會係一對,雖然開頭佢鐘意果個係 金太朗, 但發覺佢就係男主, 但2個再之後一齊既 互動,
完全冇FEEL, (雖然條女好正)

三玖 , 最熱門人選, 但成日 會退縮, 又唔敢主動去爭取,次次都唔敢表白 ,
去到最後好似放棄埋? 但男主對佢又好似都有FEEL?,
同男主一齊既互動 算係 較一花 之後係比較好
而且又係一開頭最快接受男主既女角?
但FEEL到男主係對佢應該都有好感, 但實在太唔識主動進攻

四葉 , 路人FEEL, (男主童年 個女仔 竟然係佢,不敢相信) ,
睇落去好活潑好動, 又最為姐妹著想, 但唔係幾睇得出佢真係鐘意男主
表現出來 冇其他女主咁好, 同男主一齊D 情景 又冇咁互動 ,
又成日幫其他姐妹 SUPPORT 進攻男主, (搞到路人化)
最冇可能既係佢咁, (但點解 漫畫好似選佐佢就係 果個 新娘)?
真係唔撚明

五月, 女一FEEL , 一開頭第一個出現既女主,
我覺得似係第2位熱門新娘人選, 去到最後拉鐘聲果冪,
緊加覺得男主好似真係選佐佢咁, 同埋後面D 動畫場面, 好似大部份都係 圍住五月咁
不過佢同 男主D 互動, 冇 一花同三玖 咁好,


睇佐2季動畫, 表示
男主應該要選 三玖 /一花 先正確

但好似會出第3季動畫?

作者表示四葉係根據佢老婆畫出黎

原來係咁...............
唔撚怪得知 會選四葉啦咁,
勁路人FEEL, 又最冇互動,
真係爆大冷

最後
新婚旅行
風太郎+5姊妹
一齊去

動畫係唔係會出第3季?
同埋動畫第2季完佐之後,
咁漫畫後面D 劇情係唔係會 多番 男主同四葉既互動場面?
如果都係冇, 咁真係幾伏下

揀邊個都係6p 是但la

因為四葉係係細過個陣已經識男主，會變成呢個四葉都係因為當時嘅經歷

但係一花 都係有份細個 同男主一齊
但只係被誤會 係另一個四葉
最慘係 仲要講佐出來 都冇人信佢

咩料,
諗諗下四葉 , 都唔知係唔係早有預謀
特登假扮幫自己姐妹, 但又成日爆人秘密
好似仲奸過 一花

嘴上去果個 風太郎其實唔知邊個嚟 因為果陣個個都扮五月
後期解釋係四葉kick親錫風太郎 我覺得成個五等分最唔合理係呢個劇情 因為任何人都有機會錫落去

至於四葉係青梅竹馬係有線索推論到
佢第一次見風太郎果陣已經勁近距離接觸佢
而且官方書都話四葉起始好感度最高（風太郎感覺）

而且漫畫有特別暗示到

例如風太郎暈咗果陣 一人握一隻手指 四葉係緊握風太郎左手無名指

最早表白 最早錫風太郎 而且劇情透露四葉最不懂說慌，一旦說謊很容易察覺、換言之玩笑話是真的。

至於四葉一直無特別暗示過佢嘅主線 所以反而係隱藏得最深果個 詳情樓豬可以追下漫畫

下面有啲係我個人整合四葉會贏嘅細節位

有人將五月頭上呆毛位置比較過 發現得2-3個人位置係適合 而四葉扮五月果陣條呆毛係同錫風太郎嘅偽五月果個一樣方向


當風太朗睇緊果本關於戀愛嘅書（92回）表示要搵到自己感情 之後望去四葉果陣出現同樣花色（94回）


利申：翻睇咗十次 雖然有啲位鋪排得唔靚 但最合理贏嘅都應該係四葉

再補充下 雖然其都有同新娘相關嘅疑點 二乃一花嘅耳環 風太郎認得出39 二乃條手繩 五月最先登場 但對比之下 四葉涉及新娘嘅疑點多好多 所以比較合理

大陸有人寫咗篇好詳盡嘅文解釋 話四葉改變咗風太郎嘅高中生活 呢樣係風太郎心裡好想要嘅嘢 我遲下搵下篇文

四葉真係好差

Ching分析得 ,幾有深度
對四葉有D 改觀,

等我睇動畫 最尾果到 有人跑過去 KICK親 男主,
然後拉鐘聲 , 果個仲以為係五月,
原來係四葉扮緊, 唔怪得 男主又話咩 鐘意你之類既說話

但暫時睇佐2季動畫, 覺得 男主 同一花/三玖 比較合襯,
因為D場面同互動 我自己覺得比較好,
希望第3季動畫, 會多番D 四葉場面啦, 到時代入感會好D

我都有啲期待 不過漫畫動畫各有千秋同美中不足

我睇動畫, 覺得 男主 同一花既 互動 真係好貼地, 比較有戀愛FEEL
同埋佢最表現得出 愛情係應該要自私 ,由同男主角
一開始獨處暗室 , 朝頭早 訓醒 望住男主角個畫面個情景

其二係 三玖 同男主 D 互動, 好有曖昧FEEL, 而且鐘意男主角
佢個表現 係最睇得出 同明顯, 男主又好似真係對佢有D FEEL咁
同男主一齊都幾合襯

二乃 MK妹來講雖然好正, 但好明顯FEEL到 唔會同男主一對

五月 典型 女主角樣, 但總係唔知點解,
覺得佢同男主 D 互動係最少同冇咁深刻

四葉 真係比較路人甲FEEL (剩係記得佢成日幫姐妹 進攻男主),
但唔排除佢係最陰謀果個

(可能我冇睇漫畫啦 或者後期 會多D 四葉同男主互動場面)?

點解主角唔係我

或者咁講 漫畫都去到幾後先講四葉先係青梅 當知道呢樣嘢睇翻前面啲場景就會有另一種感受

樓主都係去睇咗漫畫先，漫畫畫功好好，亦冇咩悶場 (劇情中後段崩崩地，愈接近結局啲畫又有啲愈畫愈hea係真嘅…)
一花呢個角色開始時其實好感度幾高，佢亦係喺男學生中最有人氣嘅，作為大家姐又有擔戴，本身幾有機，但中間安排佢黑化就真係做得好差，唔係角色唔可以黑化，相反咁樣安排仲幾突出，但佢喺無緣無故咁為黑而黑，睇到人莫名其妙，作者完全handle唔到呢個設計，算係毀咗呢個角色 (後尾亦好難洗白)

關於四葉如果樓主睇返漫畫，佢出場唔太多但佢嘅關鍵話數，係可以令人對呢個角色好有好感 (甚至有啲人係睇完佢嘅重點劇情後轉軚支持)
佢本身就好無條件為人嘅性格，修學旅行嗰時個個想同風太郎一組，得佢自動退出；三玖想整麵包俾風太郎示好，都係四葉一直幫佢，亦唔見三玖放心搵第二啲姐妹幫。而佢點解會咁嘅性格亦係有鋪排，詳細漫畫都有講。
風太郎同四葉個價值觀亦好接近。風太郎啱啱去幫佢哋補習，最先主動幫風太郎去接觸自己姐妹嘅亦係四葉。
最後風太郎揀邊個完全係佢個人意志，起碼一、二、三都主動出擊過，五月仲去過佢屋企，表達感情上四葉已經算幾克制

五月呢個角色雖然女主姿態出現但除咗人設靚，性格並唔係好突出，不過因為佢同風太郎家庭交集最多，一開頭又係佢同風太郎相遇先，彩圖又成日佢企中間，一直都一副正宮格 (作者刻意安排？) 所以令好多人產生誤會…據講作者原本想安排四葉先係最初同風太郎喺食堂相遇嗰個不過編輯叫佢改，所以變成五月

一花都係四葉教壞

都係二創二乃end最合理

呢套垃圾咪撚提

點解？
我初初都冇興趣睇
但睇佐第一集又覺得幾正