有無人都係天生好黑仔

由細到大都好黑 小事又有大事又有 身邊既人都話我係特別黑仔 同我一齊硬係會有意外發生

小事至atm撳錢入錢排隊買野自己條隊前面個個會特別耐 等的士等極都無 一行開就有車 次次等巴士明明睇晒app提前去都會無左架車 我個人已經唔係急同焦慮個種心態 但都係咁
岩岩換新手機會無啦啦壞左 電腦又係咁 只係用離做文書野
搵工硬係有原因唔請我 成績唔差 口才唔差 非毒撚怕羞 亦唔自大 但連pt都唔請 eg你岩岩grad唔似會全心全意擺落份pt到 仲有好多濕碎小事都慣晒
做好多野就算有晒後備方案 都會因為無法預測既野導致埋門飛機

大事至dse差1分入想入個科 諗住assohole入u最後gpa差0.01入想入個科 到入到u又撞正肺炎2年online 但畢業又搵唔到工 身邊好多同我水平差唔多甚至比我弱既人都搵晒工 我已經係無要求咁搵 人工都無要求 但都係唔請我
仲有 明明自己期期6仔都有save左既固定number買 但偏偏有1期組number係中2獎但無買到
我成世人都希望做一個好人 想做到無條件咁幫人 但偏偏會因為無心之失 令人覺得我唔係好人

我明白機會係唔會擺係眼前 但就算我努力爭取 一樣係得唔到機會 偏偏眼見好多人 明明唔係好人唔係醒目努力 但因為一次機會一次好運走向成功

成日見人講覺得黑仔係因為你成日去諗呢樣野 但我已經好少去諗 保持樂觀 但依然係咁 呢排咁樣都係因為受到好大挫折 令我無晒信心 感覺自己好似永遠會係一個失敗者咁 差在未黑到無左條命

Btw有無轉運方法 比自己小小假希望都好

中2獎但無買到

本來入黎都想曬吓自己黑仔
但樓主真係令我覺得一片光明
多謝你

試下性交轉運

我都差唔多，已經習慣咗，但變到成個人唔敢做選擇，因為我揀嘅100%伏同奶硬野

可唔可以分享下

每次有2揀1 都會㨂中閪個邊

本身都以為自己係地獄黑仔王，一睇到樓主個case就自覺收收皮先

分享下？

如果真係要講同運氣有關 可能係有時買6仔會有1，2條中40蚊 同埋未發生過同我條命有關既意外

Same,所有同我一齊過既人都話識左我之後勁黑仔

老老實實，身體健全正正常常已經唔係黑仔啦

我都係咁 個fd架車新買 揸左一排都無事 我一坐上去無耐就壞左 仲有fd好日都唔見一次 有日一見到我 轉頭佢老豆就打比佢話架車壞左

我原本都好樂觀 但真係太多挫折 一下搞到好灰

要具體講點樣黑真係有啲難度
無樓主咁細心記住有乜黑嘅事
亦都無例子拍得住樓主嘅慘烈程度

唯一一次唔知好彩定唔好彩
係地盤做吊運
吊緊一碼超過一噸嘅嘢
一吊起就彭一聲拍鳩左埋石屎牆
原來係個天秤秤手掛住傾計唔記得收車仔
(UM...即係唔記得對準件貨先拉升)
我只要企錯邊就變玩撚猿

不過雖然無樓主咁慘烈
但都算係黑果類
想多口比少少建議你

黑嘅人有一個優勢
就係逆風環境經驗更多
面對逆風，我地比好運嘅人更自在
過程中我地可能走多好多灣路
但呢啲灣路同考驗唔會無意義
我地可以學到好多嘢
例如失敗經驗，危機處理，點樣救場等等
有啲錯未體會過係唔會考慮到
所以相對上黎講
我地學習機會比好運嘅人多得多

不過可以嘅話
希望樓主可以好運番些少啦
你真係太慘烈

樂觀啲正面啲
雖然咁樣唔會改變你嘅運氣
但對於一個黑嘅墨斗嘅人黎講
保持心境開朗好重要
一個諗唔開真係可能會棄GAME
大家其勉之

多謝你 其實我一直以離份人都好樂觀 都好少諗自己好黑仔 平時都講都係當講笑 但真係呢排個人受到好大挫折 而加真係我自己可以做既我盡量做晒完善晒 但都係失敗 所以又開始有小小負面
上面講個d只係好少部分我記得detail既事 但你講地盤 我又諗番起有次我係地盤做做下野 唔知邊知鋁窗佬裝完窗唔閂窗 我行緊個陣數既d料夠唔夠 無留意一野撞左去個鋁窗角到 撞穿左個頭 聯左幾針

唔知清你講緊定講笑
地盤佬無時無刻都戴住安全帽

另外想講少少
最近覺得自己開始無咁黑
睇完你呢段
覺得可能會對你有少少幫助

分析吓自己過往黑仔經歷
發覺有共通點
1.唔細心觀察(著眼點非常集中)
2.無考慮清楚先行動
3.遇到阻力仲繼續試到出事

自從轉左份服務業新工
第一日番工就打爛客嘅嘢
慢慢開始每樣嘢都好小心
小心唔好撞到嘢
小心唔好整污糟
留意嘅位多左
黑仔事件就少左

我本身都係粗枝大葉嘅人
明白要學細心好難
建議你都嘗試吓踏出第一步
觀察多啲，節奏輕輕慢一啲

地盤呢個除左黑仔都真係自己嫌麻煩唔戴帽姐

多謝你分享比我 但我份人係做野好小心 做好多野都會諗清楚計清楚先行動 有時甚至諗得太多 搞到唔敢去做 基本上有風險既野都會有晒全盤計劃先做 細至普通觀察人地同埋事都會好小心好清楚 唔會亂講野唔會亂離 但始終好多野都會有我控制唔到既unexpected risk搞到完全失敗 講緊係完全失敗

我唔係個種乜都賴個天賴命運既人 我係好rational既人 唔迷信亦無寄托 每次有唔好既野發生 我都會諗左係咪我自己有問題有不足 有我會去改 亦會接受自己不足再去改善 去提升自己 唔會死拗爛拗覺得自己無問題 但咁多年離都係有我想像唔到既壞事發生 慢慢都唯有接受自己係好黑仔

OMG
完全突破想像範圍

咁唯有係...
盡最大努力
做最壞打算
無期望就無失望

講到自己都覺得有啲灰
巴打有冇考慮吓
尋求信仰方面嘅寄託

係 有時我做野都係會有小小期望 可能10-20% 真係無期望就無失望

最近有諗過試下去拜神同解簽 但覺得自己未慘係真心相信會好唔尊重件事

信仰呢家嘢好個人
不過既然你未開始入門

可以試吓接觸基督教
就算唔信
佢地都好歡迎
佢地好鐘意搵人傾計
目的係咪傳教就唔清楚

優點有幾樣
1.無乜代價，中式拜神係借，要還神
2.信唔信隨便你，唔信都唔會趕你走
3.佢地好識得照顧人心理(呢樣係無啦啦講信仰嘅原因)
4.唔駛錢都得
(習慣係將錢收埋拳頭入面放入袋，
唔比錢都無人知，如果幫手分擔到就比少少支持吓)
5.呢點最重要，起碼有聖經可以睇吓
唔計內容真確性，入面都有唔少啟發，應該可以搵到比你黑嘅人，睇吓佢嘅故事

利申:無神論者，聖經睇得幾頁，相信信仰導人向善同迷茫時可以指引吓方向

覺得清你暫時經歷太悲劇
總應該有啲原因
但唔係我同你傾幾句就發現到
我覺得你需要幫助(方向上/心理上)

如果以上自大言論令你不快請見諒

我好多謝你肯睇下我講野就真 暫時都係諗住搵人傾下計 睇吓有咩可以改善先 信仰就可能未係時候去培養 但會諗下去教會搵人傾下計 的確需要新方向(非感情事)

我覺得咩算悲慘既 至少我手手腳腳仲係到 只係好事唔到我成功唔到我 反而日後可能有更多唔好既事發生 所以我都好少抱有咩希望

希望你早日渡過低谷