社福界2021搵工區 (4)

可能好唔岩聽，但我一直都好反對d轉職既master
護士如是、社工如是、otptst如是
以HKU為例，BSW讀20個社工related既core + 6個electives可以揀哂社工相關，即係一個BSW畢業既人最多讀26科社工既野

MSW就讀12個社工related既core，再加2個electives
簡單講MSW讀既野可以只係BSW既一半多少少，再加實習多個100個鐘
但MSW就係master level
明明讀既野少一半、又係轉職，但係資歷架構上高一級
甚至你去移民，人地都係當你MSW要求
但諷刺既係，香港BSW讀既野仲多過外國MSW讀既野，但就唔會承認你係MSW（工程都類似，香港BEng同英國MEng係同level，但人地會認你既bachelor係等於master's level)

唔好話master成熟d定點，大得個1、2歲可以成熟得去邊
同埋d功課要求基本上差不多，就係用人地一半既時間換取比人地更高既資歷

入行十年了，非常同意依個觀點

但你報master之前讀嘅degree有好多都係general科嚟
咁master咪唔會再有, 咁咪讀短啲囉
你就咁拎個年期同credit嚟比?
仲有, 有啲master係要求你degree有2nd up以上先比報
咁已經反映咗master門檻係高過degree, 亦只會收degree top嗰班人
咁咪證明咗學生級數唔同囉, 咁又點會同level?

好簡單，八大bachelor+三大master，同三大bachelor比
一般人都會覺得後者反而仲勁d，除非非八大既佢讀既master真係好特別
社工master又唔算係真係好特別，亦唔算係太難入

同埋我上面已經扣左general既科我夠知有好多其他科要讀
但講緊你全部core+elective都係讀社工既話，讀既社工內容都係master既差不多兩倍，就算你elective全部都唔係社工，讀既野亦都係多過master

依個先係問題呀，你話如果master讀既社工課程係同bachelor既數目完全一樣，咁都只可以反映佢係bachelor level，起碼要求真係要多好多，起碼讀既野要再多過bachelor先叫master掛
依家唔好講係讀既野一樣多，甚至只係bachelor既一半多少少
咁都唔係問題?

其實依類轉職master，極其量只係一個post baccalaureate degree
不過全世界都鍾意將依類所謂master定義做master
根本master應該係比本科生係讀返個科更進階既內容，而唔係for轉職用

不過係香港都還好，冇人會覺得master社工係高一級
反而d薪酬報告反映左一切，msw既收入普遍比bsw低
但係其他國家就唔同玩法你去加拿大去美國，bsw都只係bsw
但香港bsw讀既野係多過人地bsw+msw
反而你求其係香港讀普通bachelor再加msw，人地就會當你係msw
成個制度根本就係白痴

我諗你要屌嘅唔係個master programme
而係調轉諗, 點解社工註冊局會發牌比少內容過bachelor嘅master先?
其實係咪呢啲轉職master個內容本身已經足夠拎牌? 只係bachelor要讀超過拎牌所需要嘅內容先?

其實外國好多轉職master都係讀短過bachelor架
以物理治療為例, 英國bachelor 3年, 澳洲4年, 但master2年
外國大學同我講返因為兩者對學生要求唔同
即使同一個名嘅course, bachelor比較直接餵到學生口邊
但master佢suppose學生有好強嘅自學同present能力, 學生質素要高, 亦比bachelor學生可以用更短時間學識啲野, 所以course就算一樣但條curve會高啲, 個要求標準完全唔同

如果比本科生讀嘅master就會再專啲同短啲, 唔係同轉職master屬同一類programme, 無可比性

要屌嘅話
仲可以屌八大課程唔一樣
有d課程其他學校係無開
有d課程有人覺得無用唔應該計credit
師生比例，placement內容，時數唔一樣，師資又可以屌

其實講到尾
人地註冊局訂明左符合要求就有牌
有d人就係魚蛋論
唔抵得人地有牌
專登搵野黎屌
人地讀多幾個課程其實對專業發展好有幫助
俾佢講到其他人無資格拎牌
永遠都係人地問題
放呢種同工出去做就真係大問題
上年見佢講到今年
搵工區都唔放過
日日怨天怨地
同我班PD client日日搵野投訴真係如出一徹

咁不滿 其實個真正原因係因為有人爭食
做左咁多年仲講乜春學歷

bsw讀完又係好多人去讀master in mental, family counselling嗰d
msw讀完又係要讀下counselling related嘅course
根本呢行要持續進修
讀完degree出嚟都只係響起跑線

請問一下

1）而家長者服務（decc/nec) 同學校社工難唔難搵

2）呢兩個服務難做嗎

學校唔會有，等5.6.7月啦。呢期就算有，可能都係伏

呢行都無乜邊個服務係易做

當休息多陣囉，漫漫長路將來幾十年比你做

最on9係cut哂HD，ASSO連PT bsw都cut

但MSW越開越多
到之後明愛，能仁，宏恩呢d非UGC政府資助都開BSW個陣就知
唔係公廁咁簡單，直頭因為門鑑低變左學店生意

cut HD asso 正

你覺得一定要受害者先可以不滿？
我講緊master讀既野係bachelor既一半多少少，但架構上係master
係為緊讀bachelor既同學覺得唔公平，咁樣又唔得？

我從來都唔係針對d大學課程
而係master依個學歷係全世界既定義都十分奇怪
同埋註冊局訂明左就代表係正確？就代表一定要follow？
香港社工濫到不得了，想保護社工依個行業又有咩問題？
msw畢業人數仲多過bsw，一車車人讀少過人地唔少野就同樣係社工
咁樣你都覺得冇問題?

當然依個情況唔係社工先係咁，JD/MOT/MPT/MST依D都係咁
但起碼人地冇濫開wo，係得社工先開到一車車master，學又學得半桶水
最慘係居然有同工會支持咁樣既做法

然後做社工做到你要攻擊埋人一份
就算意見幾唔岩，都唔會講依D說話啦下嘛，社工

直接d問你
1. master讀少過bachelor差不多一半野，可以做同樣職位既社工，係冇問題？
2. 你都話「人地讀多幾個課程其實對專業發展好有幫助」，咁你係咪即係話緊MSW讀少過人地咁多野，對專業發展冇幫助?

你自己講既野都好似有少少矛盾wo
一方面認同社工要持續進修，另一方面就話MSW讀少人咁多野係冇問題
要講持續進修，大家同樣6年時間，BSW可以讀多個真係for社工進修既master，MSW就讀少過BSW既社工課程
咁點睇MSW都係有問題啦下嘛？

我就從來唔反對轉職
每個人人生都可以係唔同時候有唔同既諗法
有可能係讀讀下先想做社工，甚至為錢而考慮做社工都係冇問題

但大佬，唔係好似香港咁，開得咁廢咁濫下嘛？
言語治療依一行已經比master搞死左
社工就更加唔洗講，讀少人咁多野係其一，濫開係其二
最後搞到社工質素好參差，絕對係對成個社會唔係好事

要轉職唔係問題，起碼都讀三年full time先夠下嘛?
起碼要讀既野多過同深過bachelor，先對得住自己「master」依個學歷掛?

講參差 cut 晒啲asso hd 先啦

個頭cut你以為每年少d註冊社工出
呢頭係咁批自資社工學位


出到嚟BSW MSW又好出面NGO撈個班社工
個個都keep住讀xx therapy大家根本都唔洗擔心會唔會進修呢樣野dici正路ic都想你係咁讀書

是旦開個play therapy /narrative 甚至係online course好多都報到爆有d仲要貴到爆
與其批鬥bsw定msw合資格d

不如問下點解唔搞強制CPD,NGO政府可唔可以批多D進修準貼。因為好多讀完唔做唔進修n年每年交會費都可以養住個牌