90後BNO單人移民攻略(2)

父母身體有問題係香港，應該點？

照移,但間唔中番黎探下佢地?

留係度睇住佢地？

假設令尊百年歸老,要諗埋到時英國會唔會改政策,或者共產黨會唔會玩野

咁你會點取決呢個兩難？好苦惱

我舊老闆係英國人
佢父母身體唔好咁點呀
咪有事先返去探囉

呢個真係自己決定無人幫到你

宜家被人話我好自私丟低父母咁

全世界得香港人先會同父母一齊住/住得咁近，個個都穿洲過省返工啦。最多咪聖誕復活節返屋企探下。

人從來都係自私既動物
你喺香港見到不同國籍既人，難度佢地唔係離開父母隻身黎香港？
我公司一堆外國藉 英美澳加德，希泰都有
咁係咪因為俾人話自私就唔黎香港而留喺父母度
人18歲後就係獨立個體，你可以為父母留低，亦可以為自己而離開，無絕對既對或錯架
你覺得人地一句自私係咁重要，咁咪留低囉

但人地父母係身體有問題
其實都要睇自己咩情況
留港風險、過去既機會成本、父母身體狀況等等

本身個計劃係早2星期
但俾阿頭r我返多左2星期結果變到咁

串返佢囉。
一，我走先，穩定左接埋老豆老母過來嘆世界
二，唔走先係自私，第一個自私係被父母厄殺自己將來既自私，第二個自私係放棄前途導致無能力令父母安享晚年既自私。

你話走係自私，我話唔走先係最自私，反正大家都係無logic 咁廢up

你可以計下數

香港人平均接近90歲命。唔知你父母係咩病，最常見嘅糖尿病係會減少約10年壽命，咁都有80歲。假設佢地30幾歲生你嘅話，你接近50歲前都要好孝順咁照顧佢地，人生大事例如買樓移民都要考慮埋佢地。
如果兩老好彩百年歸老嘅話，你自己差唔多70歲嘅時候都仲要照顧佢地所以我同意上面巴打講，諗掂自己先，到時有咩事咪返去探囉，唔通自己成世人都比父母影響咩

關係好嘅話最好同父母坦白啲話你想走佬，睇佢地點諗，佢地係講道理嘅人正常就唔會比自己害死你咁自私嘅。至於其他九唔塔八嘅親朋戚友話你自私咪由佢地講囉，自己條命自己話事

講真 唔好咁快諗死住邊
你落地玩一兩個月觀察多啲就知道自己想要咩
如果你有心想問可以留個tg比我
利申唔係aa只係留左英國幾年讀書

想請問一下，成為BC 後，申請父母去英國，點樣勁高難度？

笑9班花生親戚啦, 咁多嘢講, 又唔見佢哋養你屋企人
咁大個人 人生係自己嘅 前途都係自己嘅

父母想點? 人終有一死 自己人生先最緊要

啱呀 唔通成世人都要照顧兩老咩

收入同資助證明
證明你父母係香港人無人無物 無左你生活唔到 24小時要你照顧 要證明係highly dependent
Home office有解釋點定義
之前都睇過一啲新聞有講過有啲bc想申請父母團聚都唔得 錢又係問題 父母又無事 home office根本唔批
你點證明都好 home office都可以屈你機

所以如果bno而家申請到最好申請埋 因為真係鬆手好多 亦都係網上見到好多人都成功申請到父母過去

bc左想再申請真係唔洗諗 你要記住英國政策係對下唔對上 你過左18歲就理撚得你

😞😞😞 thx

80尾後, 無特別技能, 係香港做開普通admin 工, 得幾十萬, 移唔移得