90後BNO單人移民攻略(2)

首先我唔係住倫敦而係衞星城市
選擇條件第一係工作機會，第二係交通方便，第三係貴唔貴，之後先到罪案率。

因為唔似賣樓班人咁拎一大舊錢過去，拎住二三十萬到英國後無收入根本無可能撐到6年，所以第一條件一定係確保收入先，最合理選擇就係倫敦，就算本地人好多都會選擇去倫敦打拼。然後我無車牌，如果住得偏就大鑊，真係餸都買唔到。再之後睇資金比唔比得起。

至於罪案率，市中心人多一定係最高罪案率嘅地方，但為左交通方便我最後都係選擇左市中心住。因為作為一個後生男人我都有信心保護到自己。然後單睇罪案率其實都會被誤導，因為英國大部分罪案都係醉酒打交同反社會行為，呢啲係好易避得開，比較需要注意嘅罪案其實得偷竊，女仔就要注意埋性罪行。呢啲詳細資料可以上返英國警署網查
https://www.crime-statistics.co.uk/postcode

仲係無從入手就睇下邊到多香港人就去邊到落腳。始終多香港人易啲搵人幫到手，真係唔想群香港人嘅話等自己站穩腳再去其他區都唔遲。之前咪有新聞話調查過香港人最鐘意去倫敦邊到，可以參考下：





至於在倫敦，首十個港人最傾向居住的地區為京士頓、伊靈、班列特 (Barnet)、薩頓 (Sutton)、列治文 (Richmond)、哈羅 (Harrow)、格林威治 (Greenwich)、咸默史密夫-富咸 (Hammersmith and Fulham)、布倫特 (Brent) 及劍頓 (Camden)。

英國飲食業前線非常缺人，一定搵到工，比白領易搵100倍而且做飲食業唔一定要去倫敦，去返曼城之類生活開支起碼少1/3

如果你個女嘅f&b係講緊f&b白領，咁情況同我個post差唔多，都係去倫敦附近比較易搵野做，咪預返一年生活費再去試下搵工囉，唔好睇少香港年青人嘅能力何況嗰個係你自己生出黎嘅女，比啲信心啦

最重要係出發前計好數要幾錢先夠，諗清楚點先儲到筆錢然後實行。例如你個女當佢計完數想一年內去英國仲差15萬，咁即係每個月要儲12500，自己計下數要點先儲到，可能要改變生活習慣例如搬返去同呀媽住或者減家用架啦，咁嘅話同父母溝通就好重要，父母命令式叫子女要點做或者子女屌父母唔理解自己都係唔會work

最後你轉錢比子女係唔駛稅

我個CASE同你類似
到左步半年至一年安頓好先接我亞媽

我目前打算照幫老母申請左DIGITAL BNO VISA先
因為DIGITAL BNO VISA冇入境期限
我已經預左5年後可能好麻煩(因為佢第一年一定超過180日不在英國)
到時要畀多D錢去幫老母續IHS同BNO VISA
雖然麻煩, 但好似冇乜其他辦法
好過掉底佢喺香港

去原post睇返我個plan，順序係 短期住宿（大約10日）— 中期住宿（直至搵到工）— 長期住宿

因為要搬幾次屋，所以唔需要太緊張，google睇下嗰區街景覺得正就可以去，住一排覺得唔岩咪搬囉，反正搵到工前隨便搬都無問題，或者短期住宿嗰10日每隔2日轉一間酒店去第二區又得，去旅行都係咁玩架啦。無親身住過係唔會知岩唔岩自己。

倫敦周邊仲簡單，得十幾廿個城市，熱門嘅得Cambridge Oxford Reading Brighton Southampton 呢幾個，又預左住市中心，覺得邊到靚咪去邊到

查罪案率上英國警署網，拉落啲會有哂breakdown，網址上面比左

要手續費？

過幾年帶個小朋友去，一家三口生活，搵到工都有財政壓力，有啲擔心

果面生活費比香港低

無樓瞓邊

天橋底