一起討伐魔王吧!
其實可以同大家傾下啲心得。
我第一篇故其實係題材沉重嘅屍故,係紙言出。
果時發現咗香港人睇故時間集中係08:00-10:00,然後係18:00-20:00
我意識到係搭車睇,所以我果篇要沉浸嘅屍故(其實係節奏慢)完全吸引唔到人。因為三份一都冇喪屍,潛水打魚多,背境都係香港
咁紙言冇乜人留言,只係睇到有幾多人睇。咁我就日日mon果少少人數,孤伶伶咁寫咗一年。因為篇故題材較嚴謹+冇人睇,所以果時自己都抑鬱。
結果我要寫返啲開心嘢。
就係大家見到《一起討伐魔王吧!》
內容係輕鬆搞笑,同時篇幅係短,控制節奏必須快,因為我真係for有人搭車睇。咁反應係唔錯,多謝大家
但係我唔想重覆做過嘅嘢,開始將一啲自己想寫嘅題材放入依個易入口嘅題材。
咁果時好快就出咗第二季。其實第二季設計係好似tlou2咁用另一個角度睇主角團(但我出先架
),所以先有俄服視點,想玩新嘢,但主軸都係隻驚到。
咁之後就到第三季,頭半自己都覺得超正,後半唔講啦,衰私事。
遲下校對會大執。 第三季主軸係講苦難,已經偏離咗第一季嘅輕鬆愉快,題材都開始深入+沉重,但其實依個就係我屍故嘅格調。
到生活穩定,又出於自己有種說話未曾講嘅感覺,所以好快就出第四季。
第四季就真係咁多季入面最多改變嘅一季,主軸係救贖。希望唔同角色經過唔同嘅事,最後變成一個理想形態,亦係咁多季入面大部份劇情線嘅大集結。
唔知大家感覺點
有幾個有趣事
1)其實真子初時設定係放棄復活查曼德,之後退驚/只上嚟客串。所有之後嘅劇情係由柑柑同廢青狼承繼,不過我覺得真子象徵不屈同堅毅,最後冇好結果只係變成一個完全悲劇,所以決定由佢繼續carry。
至於柑柑……………
唔講住。
2)和也、克蘇魯、雷克斯想出dlc,但未有落筆計劃。
3)有時毒毒問我有冇睇邊本小說,好似,好老實講真係冇。對上一部已經係刀劍神域,我仲要覺得唔算太好。
我創作神話/背境時係參考歷史書,而唔係其他故。我依幾年係冇睇小說,只睇歷史書/電影,就係想維持自己原創嘅想法。
至於第五季,正皮夠數/我忙完就有
但已經有大綱+結局。
講過唔會爛尾,made my promise。