有無人試過寵物安樂死

近呢一年隻狗已經郁唔到，睇唔到，聽唔到
以前一有人番屋企就會尻跑，而家淨係攤係到

基本上所有肌肉消失哂，個頭同手腳瘦到得番舊骨
個身就因為仲有內臟所以顯得好漲

不過無病無痛，無悲鳴，無吠，間唔中仲肯食少少嘢

雖然我睇住佢覺得好辛苦，但其實可能佢自己唔覺
基本上只要獸醫無話佢受緊苦，就會陪到佢安享晚年
但如果有一日佢真係痛苦到出哂樣，悲鳴，屙血，咁係咪應該帶佢去安樂死？就算佢真係痛苦，佢都未必想走？主人有無權力作出呢個決定？

當年一開始養寵物都知道，總有一日佢會走先
但原來要親眼睇住一條生命由開始到結束，真係好自虐嘅一件事

有無過來人分享吓自己寵物臨去之前嘅情況？

之前隻貓有腹膜炎，見住佢死前病得好痛苦
如果有得比我揀多次，我寧願比佢受少啲痛苦，安樂死

獸醫有無比建議你？

我隻狗月頭都走左, 十幾歲
仲肯食野飲水 即係佢都未放棄自己, 咁就梗係陪埋佢最後既時間
如果係痛苦緊既, 吊住條命咪仲辛苦....你諗下 你用盡方法幫佢吊命..但係唔會好返....係咪真係有必要
佢未必想受苦只係佢唔似人冇自殺呢個概念, 不過動物知道自己就黎走都會唔食唔飲.

好視乎你放唔放得手... 其實你大約都知佢都差唔多時候..差在你想吊住佢條命定幫佢解脫..

如果你話佢係唔痛苦 有精神既只係肉體上郁唔到, 咁咪陪到佢唔得囉...

講起我個隻... 突發心臟病.. 由發病到走大約一個月..長期住屋企整既氧氣箱
一出黎就係咁喘 好似抖唔到氣咁..一日差過一日..
最後放工返到屋企 好似已經唔太得..抱住佢.. 對住我叫左幾下..之後就抽搐..失禁 無左知覺走左... 好似為左等我返黎先走咁..
諗返起..其實走左都未嘗唔係一件壞事..仲在生咪只係受苦..

節哀佢係無痛自然去？
我暫時諗法都同你一樣
但係唔去到果個moment係唔會知自己真實諗法

喂，你唔好搞喊人啦
的確仲在生可能好痛苦，但佢又願意等到見多你一面
咁係咪代表相處耐啲嘅喜悅會大過病痛嘅苦楚？
去到邊一個位先應該放手？

唔知架..到一個位你唔想再見佢咁辛苦既時候
唔係既話你唔會做到安樂死既決定
做到個陣就係你認為幫佢解脫比佢生存更好既時候

俾佢繼續
佢應該都想陪多你一陣
唔好做啲嘢令自己後悔
同佢再影多啲相留多啲紀念
總好過突然走

前半段我都經歷過
你果隻走果刻 仲可以係身邊陪住佢已經好幸運

我就無咁嘅機會

我隻貓都中腹膜炎
依家醫返好

我會覺得一隻動物如果肯食野飲水就係想生存

有冇圖睇有幾瘦

有得揀會陪佢，唔會安樂死
我諗99% 動物都想求生，唔會想求死

I would put her/him to sleep

如果無病佢地唔郁只係肌肉唔夠支撐佢都會想一直陪你
我覺得寵物好有性我隻狗臨走都蝦我同女友帶埋佢去最後一次廁所然後先走

好掛住佢

點醫架
我之前都有隻貓復膜炎走咗

又無病無痛
做乜諗呢d
點可以因為唔想自己心痛要送佢走
佢地一定係想爭取多D見到你地嘅時間架
多D攬下佢地 摸下佢地啦
佢地感受到愛架

人都可以求死 點解動物唔以

入fip group
有人教有藥 要打八十幾針 好似