咩情況之下可以掉頭？

本身電車軌就唔係白色，唔會自動被理解為雙白線，但就算你拗話當係，我都可以淨係喺黃格個範圍已經夠轉，唔洗駛過或者駛上去電車軌

我想講，對面有冇人像燈，係唔係綠燈都好，從來都唔係唔可以掉頭嘅理由，只有 explicit 有禁止掉頭牌，先至唔可以掉頭

其實黃格寫明係唔可以轉線
如果你真係好想知結果 可以寫信運輸署問
佢地會打俾你 或者答你

咁此 post 已完啦。討論完一大輪，跟住話你自己寫信去運輸署問。我意思唔係話我一定啱，但如果你要嘅係官方答案，本身就唔應該上嚟討論區問。

況且，而家講緊轉彎，唔係轉線 糖水道英皇道交界位， 糖水道南行 u turn 返上糖水道北行，係右轉180 度嘅 manoeuvre ，根本無轉過線，如果咁都叫轉線，咁你右轉落英皇道西行都唔得啦，黃格只有直去先唔算轉線？

應該噉講，右箭嘴只係代表無衝突右轉，冇話可以調頭，所以要再睇。如果小路可以同時轉左，一定有禁調頭牌。
法例同手冊講調頭只可以喺唔阻到其他人嘅情況做，當然平時不免阻到少少。上面例子見到有分段式過路處基本上就唔得。畀我認講漏咗，但就應該放禁調頭牌。T字路口係單程路先用得「只准右轉」，淨係十字路口先可以放「只准直去」嚟表達禁止轉彎。
或者應該喺路口之前放「前面轉右」牌，不過糖水道咁短視界應該睇唔到。