先分享一名苦主慘痛經歷，順帶指出幣安期貨交易的交易風險。其中一位苦主原文如下
「各位，我唔知有無人跟shiba單，輸錢比我多，我自己分享下我既慘痛經歴
我係Facebook見過shiba賣廣告，蘋果又有訪問，佢廿幾歲好似做到day trade財自咁，我認我天真我蠢，我真係信咗，然後就...
係5月19日當晚，我跟佢玩，嘗試撈底用50x ETH永續合約，係~2600水平撈底ETH，止蝕都跟佢擺係2400左右， 但沒諗過我個期貨戶口好快就爆左倉，我無左過百萬！後來我搞清楚咩事，原來佢落單用咗cross，我跟咗，然後又咁岩binance死機無幫我止蝕，最終係15xx的價位，binance幫我斬咗倉，我就咁輸晒啲儲蓄，多謝shiba用左過百萬成功令我明白咗cross同isolated有咩分別」
P.S. 柴狗苦主group，歡迎大家加入：https://t.me/shibaisanasshole
等方丈解釋下到底發生咩事，事緣柴狗哥無料扮4條，當日開左呢張單：
以太幣永續期貨當日曾觸及接近$1400，當時柴狗哥要撈底
但好快以太幣暴跌，佢自己以及跟佢單嘅人極快速爆倉，跟佢單既事主虧損數十萬或過百萬不等：
睇到呢到，可能大家都未明白，Binance死機，止蝕單出唔到，關佢咩事？一，binance死機同各位玩美股有時遇到IB同牛牛死機一樣，一個有經驗嘅trader都會知，極端市況下一定會有好多外圍因素導致交易風險大幅上升，呢一點股齡咁上下嘅人都會明，係蘋果訪問自詡炒到財自嘅柴狗哥，點會唔知交易所好大機會死機？未考慮當中風險仲叫新手跟佢開50x槓桿？想有人因為你輸到跳樓嗎？
第二先係死罪。Binance永續期貨有分兩種模式：逐倉模式（isolated）與全倉模式（cross），分別好大，新手一定要注意！Isolated指的就是，開倉的margin輸晒就輸晒，不會影響期貨戶口的剩餘資金，缺點就是波動市況較易被斬孖展倉，優點是風險有限；cross指的就是，一但某一交易的margin而耗盡，期貨戶口的資金會自動用作償還該交易的虧損，直到清0為止。舉例，上面苦主跟柴狗落單用cross，當佢投入到撈底ETH/USDT永續合約的margin都輸了，ETH/USDT永續合約繼續下跌也不會觸發平倉，而是從期貨戶口繼續扣除虧損，直到輸光所有錢才會斬倉。
因此，柴狗的罪名之一，就係無料扮4條，為咗有多啲人跟佢單而扮高手，啲新人信佢係高手，自然跟足佢嘅setting，而最抵死係佢炒binance永續合約但連人地永續合約產品都唔了解清楚，爆咗倉同累人輸大錢後仲幫自己打完場，入金再炒過？你自己知自己廢，入少少錢玩我當然明，人地當你係高手，又因為信你而跟你落單嘅，比你累死啦。
你自己透過密密trade引人注冊binance跟你單而月入賺過百萬佣，然後仲好意思將呢啲佣金當係炒野既profit？？？
真係炒咁勁，畀我地睇下你條profit & loss curve，大家都想膜拜一下
此外，有大量人投訴佢profit做假，作假數而被踢爆，詳情留意以下幾幅圖：
一個完全唔識炒crypto嘅騙子，透過畀十萬蚊左右（由知情人士提供）搵蘋果訪問自己，然後再係連交易工具一無所知既情況下，成功騙取大量網友信任，即使累人輸身家，自己就靠佣金月入過百萬，而且苦主一日唔取消account，一日用binance平台都會繼續畀錢佢賺，咁點算？
各位苦主，現時教你地一個方法唔好再比佣佢賺：簡單嚟講，先刪除現時帳戶，再注冊，等約2-3個月後KYC再次verify新帳戶：https://17lb.cc/%E5%A6%82%E4%BD%95%E5%88%AA%E9%99%A4%E5%B9%A3%E5%AE%89%E5%B8%B3%E8%99%9F%E5%85%8D%E6%89%BE%E5%AE%A2%E6%9C%8D%E5%BF%AB%E9%80%9F%E8%87%AA%E5%8A%A9.html
係會有啲唔方便，不過苦主們，比騙子不斷從你地每單交易中收取回佣，你地甘心咩？
如果貪佢20%回佣嘅，坊間有好多binance referral code，各位可自己Google搵到，我就唔幫人宣傳了。
最後，各大幣圈苦主群如下：
https://t.me/coinninjafansclub 香港幣圈第一人幣少fans club
https://t.me/joinchat/HETcAzRh_GClhEuF 火燎森苦主圍爐! (新)
https://t.me/shibaisanasshole shiba苦主大聯盟
由於幣圈日新月異，科技不易了解，有好多騙子混水摸魚，所以方丈自己都會係自己channel同fb page定期踢爆幣圈騙局：
https://t.me/abbotincrypto
https://www.facebook.com/%E5%B9%A3%E5%9C%88%E6%96%B9%E4%B8%88-106173695059669
有料要爆又唔想出面嘅，可以將資料透過Google form畀我：
https://forms.gle/SwBWwJSBWCJkH7Za7
一睇就知個人吹得就吹，如果佢真係每個月都賺一球以上財自左好耐啦
