黃國英宣佈 : 將補習視作黃賭毒, 中概股你玩埋我嗰份

阿爺嚇走外資 重建信心需時
今次中港大跌市，應該醫番都殘廢有排搞。一瞬間教育股市值大蒸發，將補習視作等同黃賭毒，固然令人不解，而在官方文件中，所反映出妖魔化資本市場的態度，更加叫人卻步。
天大地大，何必留在中國投資擔驚受怕又激氣，所以極速引發火燒連環船，有選擇權的外資大規模逃離，由板塊風險提升到國家風險級別之後，重建信心要相當長的時間。
教育股當初大熱，因為故事的確講得通。課堂走向線上，達到規模化效益，便可以拉低成本，於是更多家庭可以負擔。筆者所認識的內地中產家庭，普遍對於這些公司的平台讚不絕口。公司賺錢，學習的需要又可以用較低付費得到滿足，根本是雙贏局面。嚴打之後，有錢人肯定仍然可以用各種方法輔導子女的功課，情況其實更加不公平。如果任何行業透過規模效益賺大錢都是罪，企業根本沒有發展的空間，股票自然不值錢。
同樣是疫苗公司，外國的莫德納（Moderna）及BioNTech抽到爆機，國產的康希諾（06185）就斯人獨憔悴。假如在競爭之中，需要透過資本市場輔助的話，很明顯中國公司就需要付出更高的資金成本。搞死資本市場，對整個社會的發展根本十分蝕章。
何況原本大環境也是風聲鶴唳，恒大（03333）事件仍在發酵，內地企業債市場受壓。然後又可以預計，中資公司美國上市煞停，想轉移陣地到香港，面對意興闌珊的外資，恐怕亦難成事，企業賣股票賣債同樣困難，可是不會間間公司都單靠營運現金流就搞得掂，長此下去，整體經濟以至金融體系都值得擔心。
中國投資者習慣逆來順受，縱使形勢極其惡劣，仍然會尋找幸存者停泊資金，例如電動車相關產業鏈，以及國產品牌等，筆者以前也是主力用這一套策略迎戰。不過今次實在無謂再奢望可以避重就輕，外資逃離，中資股票需要更大折讓已成定局。要決策人改變心意當然難，而投資者受過嚴重傷害之後，要肯回頭就更加難。股票就無謂博，實在一點，希望中國經濟底氣真的足夠，不致政策玩出火，引發更大的問題。

佢仲睇唔睇好 ATM

其實啱，市面上有咁多股票買，係都要揀啲咁大風險既股都冇計

一齊跳機吧啦

同一種邏輯心，網購都可以當係黃賭毒，
因為令到市民減少外出， 減少運動量，曬少咗太陽，整體人民健康會差

睇落英sir都係全面逃離

賭股 白酒股都應該要退市啦
中国乜柒公司都唔好上市最好

睇得出佢受咗好多氣

英sir淨係DIDI已經奶左野，加埋重倉700

佢年頭掃左ATMX 走哂 FFAMG

英SIR會唔會犯左國安法.

抵你有今日啦, 當初北望神州又話商機處處唔買正笨柒

自動駕駛儲存大量data, 嚴重危害國家安全

純粹彩數
冇任何可預測性
揀中你嗰行你就硬食自己係黃賭毒
自願配合整改
揀唔中就暫時算你好彩

課堂走向線上，達到規模化效益，便可以拉低成本，於是更多家庭可以負擔。筆者所認識的內地中產家庭，普遍對於這些公司的平台讚不絕口。公司賺錢，學習的需要又可以用較低付費得到滿足，根本是雙贏局面。嚴打之後，有錢人肯定仍然可以用各種方法輔導子女的功課，情況其實更加不公平。

用地球既邏輯去諗中國係行唔通

700真係痴線
呢種級數既股王可以直插無水花
仲邊有信心買，明明大陸經濟恢復係全球最快

窮人學咩人讀書
要去幫有錢人洗廁所執垃圾

去返美股買下fang,otis靜靜地贏算。無謂與虎謀皮

真係唔見棺材唔流眼淚

蝕左錢先明中國個資本市場係點玩

就係有莊家（共產黨）玩無你玩

因為習大最重視係意識形態 / 民族主義 / 政權穩定

賺錢係其次
成日仲諗住習大下的共產黨以行益行先
根本係on撚鳩

犯國安法喎

agree，共產黨其實冇變
只不過以前有錢賺就冇人鬧
依家蝕錢就個個鬧

咁送外賣又係咩

同一種邏輯，送外賣都可以當係黃賭毒，
因為令到市民減少外出， 減少運動量，曬少咗太陽，整體人民健康會差