我屋企隻貓生眼瘡,睇咗4次荃灣寵物醫院,前後3個醫生都唔知係咩眼瘡。
第一次睇,A女醫生就咁比咗支眼藥水,完全冇講解咩事。
第二次睇男醫生開咗d藥,叫用完藥記得覆診。
第三次睇,隻貓眼瘡太大粒,B女醫生話要切,同埋驗良性定惡性,然後排期做手術,因為隻貓粒眼瘡爆咗,然後打電話去問姑娘,姑娘話帶隻貓黎比女醫生睇下,做唔做到手術。
第四次睇,無啦啦變咗男醫生,但係完全冇通知過我,突然變咗男醫生,但男醫生又叫用完藥記得覆診。而男醫生次次都好focus覆診,好似為咗診金$。
次次屋企人帶隻貓去打針或者睇診,男醫生都話隻貓耳仔有寄生蟲,叫我地買杜蟲藥,但我同屋企人都唔覺有。(咁男醫生話有,咁咪買藥囉)
因為都覺得唔對路,上網一search「荃灣寵物醫院」,就有好多負評、話係黑店,所以睇咗另一間獸醫。
一比女醫生睇,就知原來係聹腺瘤,同埋係良性瘤,解釋點解係良性,仲即刻上網search圖比我睇。然後化驗埋耳屎,隻貓耳仔根本係冇寄生蟲。所以我覺得荃灣寵物醫院係呃人$。
希望大家唔好再睇呢一間。