Hello咁多位應屆DSE考生,聽日就放榜喇喎💯
唔知大家有無諗過讀 或者已經擺咗我地JS3478 Medical Laboratory Science醫療化驗科學呢一科喺Jupas呢?
由於網上對於MLS呢一科嘅資訊可能比較少,所以為咗俾大家認識我哋多啲,就等我哋嚟介紹下呢一科啦
MLS其實係讀啲咩㗎?
首先MLS呢一科係一個4年制嘅課程,而課程可以分成四大範疇:
1️⃣Cellular pathology (細胞病理學)
我哋主要會喺病人身上切除唔同器官嘅組織,再將呢啲組織化驗,睇下有冇一啲病變嘅細胞準備變cancer。
2️⃣Haematology& transfusion Science(血液及輸血學)
簡單啲咁講我哋會將血液嘅成份作化驗,睇下唔同血細胞嘅變化,同埋留意有冇一啲同造血系統有關嘅疾病 例如血癌。
3️⃣Medical Microbiology and Virology (醫療微生物及病毒學)
呢個範疇主要係對唔同嘅病毒&細菌作分析,例如今時今日嘅武漢肺炎病毒測試都會係交俾呢個範疇嘅化驗人員去負責㗎!
4️⃣Clinical Chemisty(臨床化學)
喺臨床化學方面 我哋會收集病人唔同嘅體液 e.g. 血尿痰,去做一連串嘅化驗,睇下病人體內代謝物嘅濃度正唔正常,然後醫生就可以根據我地嘅結果去作診斷。
計分Admission Score/ Weighted Score
好喇簡單介紹完呢科之後,就好詳細咁同大家講下呢科嘅收分要求、計法方法喇!
首先根據返Poly喺2020/21年度先實施嘅加分制,喺DSE嘅科目考獲level 5, 5*同5** 係會將分數轉換為5.5, 7同8.5㗎,所以大家喺參考往年收生分數嘅時候記得唔好撈亂呀!而MLS對上3年嘅admission score分別係:
2020/21: Best 6 37.0 (已採用加分制)
2019/20: Best 6 32.5
2018/19: Best 5 28.7
不過大家要留意返嘅係 我哋呢一科嘅收生真正取決於嘅DSE每個科目分數乘完比重之後得出嘅Weighted Score!!! 係Weighted score!!! 所以以上嘅admission score只供參考,係唔可以盡信㗎!而每一科嘅weighting比重如下:
英文/ 數學/ M1/ M2/ Bio/ Chem/ Combined science (chem+bio) :x10
中文/ 通識/ combined science (chem/bio):x7
其他科目:x5
Weighted score嘅step by step計法:
1. 利用加分制 將5, 5*, 5**嘅成績轉換為5.5, 7, 8.5
2. 將每一個科目嘅分數乘以其所佔嘅比重 e.g. chem 5** = 8.5x10 = 85
3. 列出所有科目乘以比重後嘅分數,最佳6科嘅分數嘅總和就係你嘅weighted score喇
參考返上年一啲同學嘅分數 大概310分就好大機會入到架喇~
如果想我地幫手計weighted score嘅同學仔 歡迎喺下面留個名+分數 我地都可以幫大家計一計
放榜後有冇面試安排
冇!!喺上年開始,呢科喺放榜之後係唔會有面試安排㗎喇,不過都建議返想讀呢科嘅同學仔一定一定一定要擺Band A呀 因為根據往年數據 只有極少數擺Band A以外而最終讀到嘅例子
簡單介紹完MLS呢一科同埋收分之後 如果大家有咩問題 或者想再了解多啲嘅話 可以喺下面留言問返我哋㗎
除咗呢度 大家有咩疑問都可以IG dm返今屆嘅醫療化驗科學科會幹事會 28mlsss_miaplacidus最後喺度希望大家放榜成績都理想 大家可以直入A1!