阿爸大腸癌 同路人分享 2021

想問日日有得屙
但屙完都係想屙
一坐底就係咁
已經幾個月
之前話有內痔
仲有屎有少少黑色 唔係全黑
驗過便血無事

想問下有冇邊間私院照PET比較好？應該要點揀

巴打可摸以講下化療係腹腔化療嗰隻定係全身化療？同埋可摸以講下療效點？

我屋企人最近都係腹膜轉移入院

首先全身化療左一排(2021年8月至12月)去㩒低腫瘤毒性，果陣時老豆每2星期入政府醫院1次去做化療+標靶治療(要住2天)

癌指數回落到一定水平之後，就係12月尾就係私家做左腹腔化療+切除癌細胞手術(around 8個鐘)，但係手術途中發現有新嘅癌細胞積聚左喺膀肛近大動脈(果度唔割得，但腹膜果度100%完全剷除)

療效短期內一定會係好，但長期好難講，始終腹膜轉移嘅原因係淋巴出左事，依家無事唔代表將來無事……

依家定期做consult check住同埋睇中醫調理住身體，希望可以同癌細胞共存……

求神保佑

多謝巴打你嘅回覆

希望你唔介意我問多少少
癌指數要大概回落至幾多先可以做？
同埋想問下腹腔化療係咩淨係私院先有得做？公院做可摸以？
因為我屋企人一直子宮出血，宜家仲係公院留醫緊
醫生話情況未可以出院住

巴打你屋企人捱過咁多療程，真係好叻呀
祝福身體可以調理得越來越好

無一定指引話幾多可以做，但愈少愈好(我唔係好記得實際數字)……

政府同私家都可以做，但政府果度係同港大醫學院合作，佢地要審視過老豆個case先決定幫唔幫佢做(最後ban左，因為老豆case無教學作用)

因此11月果陣見到全身化療效果成效開始降低就開始揾私家醫生plan做腹腔化療手術

你最好有兩手準備，私家同政府之間邊度可以做先就簡邊個，唔好等同慳錢

私家果度around 2x-3x萬(希望你有保臉claim)

爸打加油， 唔好擔心咁多， 陪佢多d .
第時疫情冇咁嚴重，可以叫你爸爸出去學氣功， 對個病都有幫助

其實PET 同CT有咩分別

CT都應該睇到有冇擴散 有冇去到lymph node都睇到

推
我媽都岩岩確認左腸癌3期
有無tg gp互相支持下同交換下資訊

你有咩嘢想知？睇下我搭唔搭到你
我覺得lihkg傾好過tg, 因為有時會有高手bros回覆

我媽係經腸鏡中心照完之後發現左有腫瘤
都真係好大粒下 醫生話係三期 好彩嘅就係二期 仲未照pet scan 所以最差可能4期..
而家仲等緊佢報告 但佢好似唔知幾時先有咁
無份報告又無醫生轉介信 想知期間有咩可以做到 可以偷到時間 唔想不斷嘅等待 我媽嘅肚痛都開始越黎越嚴重

我嘅經驗係照完腸鏡，醫生發現有腫瘤，從外觀上佢話俾我知應該係癌症，但係診斷上去要抽組織去驗嘅，佢抽咗組織去驗，大約幾日就已經有報告確診癌症，化驗報告係好快嘅，只係幾日。

之後我就去咗搵外科醫生，記住記住堅持要照Pet，有啲醫生淨係照CT做手術，上邊有行內人解釋左。

你可以去搵外科，或者腫瘤科（有人話去腫瘤科先嘅，我自己就係外科先既），同醫生講想照Pet

即係腫瘤都仲有機會唔係癌症？
如果唔係癌就可以就咁做微創切左佢？
我會去照pet呀 有無經驗係咪邊間都一樣？
唔該晒你
呢排經常忍唔住情緒失控 好心痛

想問下巴打爸爸而家情況點？

其實從外觀上醫生大約已經知道係唔係癌症，只不過科學上嘅診斷100%嘅話係要拎組織去化驗

手術嘅話你照左Pet先la, 因為如果係第四期係有機會唔建議你做手術

我爸爸已經完成咗化療，而家會不斷驗血check cea，同埋每年做一次mri (因為胰臟可能有事)

Add oil bro!

有無詳情香港可以參與到試藥？
岩岩確認左4期

有得比你就緊係去，但肯定係公院唔會每年同你做，一年後做腸鏡無事就唔駛你再番去。

外科就已經係包曬全腹腔，去做各個部位嘅手術。外科醫生睇你係絕對正確。你話外科唔係腸科講法唔成立，腸科唔係獨立，唔係一個專科嚟。

外科入面有唔同teams嘅，分team可能會細分，有啲team咪專攻泌尿嘅case, 有啲咪專攻腸。但讀得外科嘅都係包曬。

如果急症入院，就咁用肉眼、㩒肚、x-ray，而斷錯症嘅會有。

但你去到照得CT、腸鏡，就係睇到曬，唔會斷錯症。
而CT啲報告係放射科醫生分析，再比外科嘅主診醫生睇。

公院唔係照全腹腔CT, 照腸就照腸，照咗腸無事，咪同你講無事。

唔代表你其他地方健康㗎。例如：肝有事，但無照過。真係錫身嘅，注重健康，就定期自己比錢私家做身體檢查，做全腹腔CT

我都有野想問 私家2x-3x萬係邊個醫生?
我問過梁家騮醫生大概要收6x-7x萬

貨比三家

自己list out有幾多條問題想問醫生，
問題當中可以設D伏位/錯誤位 (例如對疫病/治療的錯誤理解)
睇佢點答同等佢糾正你

真係好睇信譽，唔好彩有親戚朋友中過招就問佢睇邊個好，
無就睇 forum，連登、親子王國……都多人講
睇多個醫生，唔可以信晒一個，雖然專科係貴，但係最少起碼睇兩個

一樣都係10條問題，重覆問兩位唔同的醫生
你會分得清邊個有耐性，願意講同態度
個醫生特別囂張認叻的可以by pass，
如果1個認叻同你講呢種手術我一年唔知做幾多個(病人)可以SKIP
我會柬另1個比較沈穩，實事求事。
其實好似interview咁，in兩個candidate，1前1後，好易比較到

同埋都會睇下背景，如果兩個醫生年齡差唔多，就睇多D佢地學歷，駐係邊間醫院睇症。知道職級就更加好。
醫院等級又可以比較下，職級又可以比較下，學歷又可以比較下
個人覺得港大的會好過中大，因為當年係港大有醫科先，入到的都係精英之中的精英，而舊時個套D人會覺得歷史悠久的港大會好過中大，入到港大都會想入，所以中大有得讀醫之後，港大醫科都係爭崩頭。所以入到的依然係精英，咁對精英的斷症有信心多D。