阿爸大腸癌 同路人分享 2021

但50歲check 到又太遲

癌症識睇年紀先發生？好驚。啲醫生成日叫人40-50歲先開始check

加油 多d陪下 爸爸

我啊爸20年check到第4期 我畢業之後咩都冇做，用左一年時間陪佢

上兩個月佢走左

有時間就孝順下佢 唔係既話好似我咁連孝順佢既機會都冇

thanks!!!!

醫生同我解釋我阿爸係6X 先發病，所以遺傳既可能性不太高，所以建議我50 先check，但我都可能會早D CHECK 個心安心D。

明白，你都加油 bro!!

我媽都係6X，第4期，肝轉移。
宜家做完化療半年，切咗肝同腸，so far都無乜野，
不過係煩做咗造口要就住，醫生又唔想收番個造口咁。
希望無事啦。

想問你媽係咪做完化療後， 再照ct , 醫生睇完可行先做手術呢？

老豆隱血陽性，聽日約腸鏡，希望無事

唔係呀，佢腸塞，做緊急手術，切咗腸。
驗完係cancer，即刻出去照PETCT，見到肝擴散。
4粒，最大5cm 左右。
化療+標靶，做咗5次，之後再做PETCT，肝果度細咗，做手術切咗，
做埋剩低3次化療無標靶。
到宜家半年左右，覆診啲指數都靚仔，之後排咗期CT。
宜家都樂觀嘅。

明解， 最緊要藥有效， 肝果到又做到手術
希望你媽媽算康復， 一直健健康康

外科渣慣刀
無晒人性

但其他秔都有仆街
醫療行業十分歡迎仆街
出面掛牌，應該幾難搵好

我情願搵駐院
經驗話我知，駐院既，只係打份工
同公立近似
無乜利益衝突

出面掛牌既係一盤生意

唔會早，香港嚟講50歲開始係病發率最高，由瘜肉發展為腺瘤5-7年左右，腺瘤發展為cancer 5年左右，你計返其實個起點都差唔多30尾，加上你有家族史，更加要早啲開始 check。

千祈唔好抱住照大腸鏡係為咗照完話你知有無事嘅心態，而係要照嚟預防有任何變成cancer嘅可能性，大腸癌算係少數可以用定期檢查嘅方法去預防嘅 cancer 之一，亦都無明顯症狀，所以唔好等到50歲先走去叫醫好開估。

多謝你嘅詳細嘅解釋，我30尾會check, thanks thanks!! 非常感謝

我今次既經驗係駐院既唔好，出面既好，你既經驗係點？

其實我覺得最難既係點分好既醫生，如果我未遇到叫我照PET既醫生，我爸爸就會直接照CT做左手術，如果胰臟有事，又要開多次刀。

我都係事後先學識照PET既醫生才是正確的（要先知道有冇擴散），但死啦，要事後先知，我呀爸得一個，唔容許我 透過錯誤學習，暫時我覺得較好既方法就係 睇多個醫生，聽多個意見，再search 下，請教下人，問下lihkg。

我出面醫生，四期，無照PET

你個醫生同我第一個見既醫生一樣，唔照pet 就做手術。
唉。。。希望D 醫科生見到衣個POST，你地畢業後請高抬貴手，諗多D病人，我地病人真係好無助的...

有心架啦
我個醫生好老架啦
點會唔知癌症要睇下有無擴散

只要有屋企人生過一次癌症，
都知道PET CT 既重要性，唔照一定係無醫德

睇下點擴散，可能擴完都可以做手術。
唔係第四期就死硬。

你做咗PET 先，睇政府醫生都有寫紙叫你出去照PET。
通常係第一樣叫做嘅item嚟。

打打吓發現好長 慎入

通常第一個，但我跳左
直接切，咁無法，
我個手術科醫生黎架
基本上佢同街市個豬肉佬一樣，得把刀
咩唔掂？切晒佢啦

四期係政府多數會舒緩性治療
切一切，頂唔住就係咁先
頂得住都要再化療，睇你頂到幾耐咪幾耐

各位同路人，加油，一齊頂住

咁你腸塞，係medical emergency 嚟，所以做咗手術先都正常。
因為腸塞都好大件事。
處理咗腸塞先再處理癌都正常嘅。
宜家第四期好多時都積極治療，因為多咗標靶同免疫治療，化療藥都有效咗，生存機會高咗好多，生活質量都提升咗好多。
唔係三四十年前，一到末期就無得救。

我聽人講唔好食中藥，可能會搞到個化療藥失效。
做好化療先好食中藥。

都未必關miss咗一次化療事，應該個癌細胞對個化療藥唔敏感。
如果唔係完成一期化療8次應該有改善。

不過肝肺骨擴散本來就再麻煩啲。

佢話支鏡過唔到
但我仲有屎柯架

政府唔會，同埋應該比我揀
唔係講到一二期咁樣，要即刻切
手術醫生劏人唔洗本
咁的確四期都唔係無得救
我而家咪好地地打緊字應你
但過程係錯撚晒囉

我爸爸岩岩做完第一次化療 （1日打針, 14 日食藥, 7日休息）
除左累同埋無乜胃口外，試過有一次小便痛，少少發燒37.X，我打去醫院問點做 (我唔知去急症室定樓下普通醫生），個電話都幾難打，姑娘話可以去屋企樓下D 醫生睇，燒到38.X先需要去急症室。
咁就去左樓下D 醫生睇，開左D藥，食左就左事了。
複診個時醫生話因為D 藥會經小便走，所以要飲多D 水 以免小便再痛。
化療比想像中無咁可怕，須然都有副作用，但可以接受的，大家加油！