蘇打綠aka魚丁糸討論區

大家預購左新碟未啊
難得青峰咁努力宣傳

預購咗啦
安溥隻9522都預備埋

一早預購咗

我都預購左9522

https://youtu.be/MRCpSf05jcI
（......催眠大師）（feat. Maîtrise Saint-Marc - Les Choristes）

啲歌詞
好彩一切都已過去

希望係
以往《太空人》同《池堂怪談》成隻碟都dark，到宜家《馬拉美的星期二》一隻碟得一首歌dark，計proportion希望係放低左好多

https://www.instagram.com/tv/CjGLkTVO2fm/?igshid=MDJmNzVkMjY=

大家快啲去聽
目前成隻碟聽咗一次
暫時印象最深刻係（……當幽靈失靈）
有種漸漸失控沉淪既感覺

感恩自己身於有青峰既世代

拎返蘇打綠個名

一天都光晒，好唔慣佢哋個新名

私底下同朋友講 都係講蘇打綠
而家拎返個名實在太好啦

青峰新碟好正

好連貫 好容易聽聽吓就聽哂成隻碟
旋律古靈精怪又好聽

作為一個冬未了先入坑既打粉
其實冇咩經歷過全團活躍既時代
大部分時間都係睇舊片 聽舊歌
用咗三年時間去好好認識過去既佢哋
所以而家拎返個名真係太好了
我參與唔到佢哋既過去 但就有機會參與佢哋既未來

重新參與一次
之後仲要錄過晒舊碟
好期待下隻無美麗
仲有夏

我仲衰，休團期間先入坑
蘇打綠可以叫番蘇打綠實在太好
同時係度諗緊青峰會全身做番樂團主唱定solo樂團兩邊做，感覺上solo同樂團兩條線各有特色

夏狂熱呢隻碟真係完全underrated
一定係佢地最出色嘅一隻碟之一
無論係喺音樂，專輯主題到社會命題上都係
完全表現到英倫搖滾
連個look都
真係好鍾意rock嘅佢地

好慶幸嗰陣有飛去台灣睇晒兩場
嗰陣加場仲要唔full，吉咗好多位
完全冇諗過之後會紅到咁
由star hall睇住佢地大
覺得佢地冇行歪都好叻仔㗎喇
對得住佢地唱過嘅歌，講過嘅嘢

雖然青峰會去中國唱下歌，拍下節目
但佢做親都係音樂節目，冇去啲乜鳩奇奇怪怪真人騷
又可以唱下歌，又可以有錢落袋

分開兩邊做真係冇咩問題 可以聽到多樣化啲嘅佢哋

青峰講過 蘇打綠同solo係兩個半圓 合埋先係完整既佢
所以小孩子才做選擇

佢哋講過夏狂熱銷量唔太好
嗰陣仲有人批評佢哋變質(雖然佢哋一出碟都係會有人咁講
但係青峰話批評既人最後都開始識得欣賞
所以好作品係需要時間沉澱
最後一定會有人識貨

Btw夏專最愛蟬想 入面表達到愛既壯烈悲涼 同夏日既熾熱喧鬧好match
同埋個歌名又食到「殘響」個音 好多小巧思

利申：最愛夏冬兩隻碟
夏狂熱仲要食炒價買埋蘇打誌返嚟

其實千與千尋呢首歌係咪同團名事件有關？
好開心佢地終於攞返屬於佢地嘅野

最鍾意煽動

夏狂熱成隻CD真心無得頂
包圍/蟬想/近未來

原來隻碟已經出咗13年啦
可惜果時同春日光相隔無幾耐就出
連金曲奬都因為咁變相分薄左

想當年休團前in summer
第一時間就想買夏狂熱這場聽下live

喺中國賺下錢唔係問題
起碼唔係好似佢好朋友咁
楊小姐食相超難睇

講起青峰隻新碟，串流聽完覺得真心大癲
等攞到實體再聽清楚先

覺得係
本身千與千尋電影都係有講失去名字既事