朋友介紹/婚姻介紹/Speed Dating/交友apps

剪返個短髮gel 吓頭、做吓gym，打扮吓
影下啲行山、做運動、抱動物相
去朋友結婚影啲型相
就可以成功打開話題
呢個世界無外表唔掂男人，只有懶男人

當然好多女人都唔太睇樣
至少我身邊好多女仔fd 個樣中上、上、上上樣嘅揀條仔都唔係出眾樣，正常乾淨企理

當然市面上都有啲女年過30仲想揀高富帥
但如果人哋有呢個能力都唔會揀佢
揀個後生嫩口唔好？

其實工多藝熟，你唔好死心塌地同死一個有興趣女傾，無興趣唔肉酸都可以傾
傾多啲可以分散啲，了解多啲邊個先同自己夾
個人會多啲話題，到真係比你遇到個有興趣就可以發揮啦
最緊要唔好怕柒…唔得咪傾下個，又唔使錢

利申：網上認識約出嚟見過40人以上

但你喺朋友啲相見到個女仔ok 係自己鍾意類型
而自己又無能力認識到個女仔本人就要靠朋友
啲女仔好少唔跟埋熟人肯單獨同你見

Speeddating 都分好多種
有d活動形式咪當識下人
有d 1對1就好似查家宅咁

理想情況應該係透過朋友造就一個相識嘅機會
三五識七, 如果有個陌生人突然搵你, 就算有共同朋友, 你都唔一定會覆/回應啦

不過好多都係介紹完, 幫你整完個咁嘅機會之後, 就唔再理你咩進展

男人老狗使乜搞咁多嘢？點媾都得啦，仲俾錢老千賺咁戇鳩？

之前去過有啲真係一坐落去就比個女問
幾歲呀？(都未答已經問)平時有咩興趣？
返咩工？(一聽唔係專業人士即係the north face個fd west face上身)
DKLM

有時識唔到就係識唔到6uo 都要啦
就算識到如果人哋對自己無興趣都係要收皮
仲未計有其他競爭對手

公司同事

以前年少無知試過🐶衝去加啲朋友嘅朋友
識唔到之餘仲要比朋友屌話佢比人屌
原因係佢朋友向佢炸型亂9咁加佢做好友

俗語有話：唔好喺度食喺度痾

嗰啲婚姻介紹根本就搵笨，你去盞俾人劏到一頸血。其實個問題唔係在於咩途徑識女仔，而係喺你身上。而家呢個年代咁易識女仔你都話唔得，又唔檢討自己問題然後逐項解決，只係一味寄望有神奇方法一媾就掂，咁你無論咩方法都一樣撞大板。

我以前用msn一樣約到女，最平靚正，係要花啲時間同佢啲吹一輪。speed dating 係貴啲，如果你約女數目夠多都可以令平均成本下降，我目標係每抄一個牌唔可以超過十蚊。例如嗰晚收費$300，可唔可以攞到30個電話？如果得廿男對廿女就你玩埋我嗰份。如果200男女大混戰，就可以去馬。

攞完電話我基本上都可以約到出嚟見面，唔出嘅甚少，其實去得都係想識人，唔想識人都有，例如陪朋友之類，但唔想識人通常唔會無厘啦謂使幾舊水去湊熱鬧，所以命中率好高。但前提係你唔好太戇鳩太木獨，我都唔係外向形，喺嗰啲場合我只算普通，同啲專業搵食格差九條街。但大膽啲，諗定策略，世上無難事。

借朋友把口出手, 打左個底先, 應該會無咁抗拒
不過女add男應該容易過男add女掛

我都係咩方法都試過，以前試msn無相都出嚟見，點知伏到仆街


我都係叫嗰位巴打試多幾個方法先再諗婚姻介紹，因為真係好L 貴，非必要都唔好行到呢步

有啲人一聽就話叫🐔打✈️算
不過我遇過真係有高質嘅

200男女大混戰都真係未去過
我見報名通常都係男一早爆滿女嘅到當日都未爆
巴打可以分享下現場環境；難抄牌嗎？

20男20女呢啲焗住要硬食傾5分鐘
有啲肉酸嘅真係唔想晒gas 理佢，係咁望錶點解仲未完
如果有興趣5分鐘唔夠

你首先要調節你嘅心態先，唔好諗住個個周秀娜，上得網去得speed dating自然靚嘅醜嘅咩人都有，但始終唔靚居多。就算俾你發現到靚女，佢要媾仔都唔會睇中你同我，可以試，但唔好有期望，咁你接唔接受次兩級三級先？有啲唔太靚，但正經企理，點解唔拍得拖？如果非靚女不可，就算婚姻介紹都唔可能滿足到你要求

你去speed dating 都嫌啲女勢利啦，咁你自己又白鴿眼嫌三嫌四，有時啲女感覺好敏銳，冷眼旁觀見你對住好樣就烚熟狗頭，樣衰就西人面，就算本身對你有好感都變惡感啦

我對周秀娜0.01%興趣都無咁我哋唔會爭
所以去左幾次speed dating 其實都無咩期望

兩級都ok 三級不了要對一世唔可以太差，我絕對接受唔到有啲仔咁拖住佢兩至三倍身形嘅女出街
但啲人會話：「唔好外貌協會」「係愛呀哈里」
咁我寧願自瀆

不過每個人要求唔同，最緊要搵得到，開心就夠，咩方法都係個人風格嚟啫

呢位巴打講野幾中肯 🤟
無女又想識女就要咩方法都要試

巴打我絕對無烚熟狗頭，我只係對有興趣嘅會自動諗多啲話題，無興趣都有自然傾計微笑點頭，但唔會主動諗話題但一定唔會西面

如果我係你，現階段唔好諗太多，約咗出嚟先算。靚嘅醜嘅都照出，當識朋友，真係唔啱嘅最多冇下次，反正你得閒，食餐飯咁大把，唔會嘥你好多時間。而且有時你以為唔靚，但出到嚟又唔係咁衰，你以為靚，出到嚟原來pp到變晒樣。肯出嘅，就已經有一分，月尾埋數睇吓總共攞到幾多分，要有改善就先要量化

我去speed dating嘅時候大約十年前，好似唔止添，當時係女多過男。即係話女仔報名好快滿額，但男仔永遠到臨開波都未夠腳。因為女仔比較怕醜，想媾仔又冇咁多途徑，男仔就一係搵食一係勁毒撚先會去sd。所以當時啲搞手要有一班仔做媒，墊一墊底，咁就容易夠數。

但聽你講原來而家掉轉咗，代表啲女轉晒其他陣地，我估係交友app，毒撚就依然毒撚。咁搞法sd都可以慳返，啲女一半係媒，一本係籮底橙，去都嘥錢嘥時間，上app罷啦，啲女去晒呢度

雖然時代唔同，但有啲嘢係永恆。如果你想成功約女見面，約喺佢公司附近食晏，百發百中，一撚定得。如果咁都約唔到就一定係你問題，建議你改善咗先再行下一步。