成功例子 / 慘痛經歷都可以分享下
朋友介紹：
要睇個朋友對你同介紹對象有幾了解
如果唔係唔夾唔一齊還好，一齊左分開
有啲人會炸個朋友型
朋友好心介紹都要比人x
或者介紹錯左比原來條友平時斯文
轉身三分波之後係食家
婚姻介紹：
係最貴，幾千至幾萬
因為配對公司要睇學歷，工作證明
同埋理想對象心目中嘅要求，例如：
樣貌、年齡、身型、學歷、收入
最重要有得上公司睇相
P.S有啲公司話：無相睇，因為唔想先入為主
睇唔睇相我都試過
不過你揀人、人揀你大家ok 先會扣1次次數
出嚟見，啱feel 自己交換電話保持聯絡
Speed dating：
幾百蚊一次包食/ 做手作
質素比較參差，有賭運成份
女仔衣著都還好，男仔有啲收工look
或者宅look嚟
我係覺得錄音式自我介紹比較攰
如果20男20女，即係要自我介紹20次
每個傾5-7分鐘就要轉人，女仔坐原位
完場用手機✅你有興趣對象
如果對象都✅你就配對成功
通常完左都好少連接返當刻感覺可以傾落去
P.S 如果去得密有機會喺唔同場地撞返之前見過無興趣對象
膠友apps sor 交友apps
伏類太多：由以往嘅倫敦金、健身教練、搵SP
至而家中醫、美容、保健…umm有少請補充
通常男女對象同你傾偈都唔只一人
方便漁翁撒網
想要突圍而出，除左個人相影得中上
仲要傾計唔好密集式/機械式
密集式：
你：Hi ～ 對方：hello
你：做緊咩呀？
你：今日放假？
你：你做咩㗎？
你：你忙緊呀？
你：喺唔喺度？
對方：已讀
機械式：
你：幾歲？住邊？做咩？興趣？
相片、對答過關就要出嚟見真人
而家科技發達P 相係基本嘢…
所以千祈唔好太高期望…一定會失望
