魔法師育成計劃 快閃免費塔羅占卜習作

謝謝樓主！

Tg: hu9c126

問題：同鍾意嘅人有冇機會?
愚人，權杖9，聖杯王牌逆位
建議牌：星幣4

其實早兩日就幫你開咗牌，但係諗咗好耐點解讀好，因為又唔想hea覆。好啦講吓overall先。我覺得整體唔太差，但最好明白多啲對方嘅想法先。首先左右兩張牌，喺依個case，都係講緊佢依一刻仲係唔想commit喺一段好認真嘅關係入面。特別係愚人，係好活在當下、唔鍾意受拘束嘅感覺。聖杯王牌逆位都係講緊未想開始一段認真嘅關係。中間權杖9，講緊佢有機會經歷咗啲嘢令到佢有咁樣嘅心態，唔係太夠膽開始一段新嘅關係。

但係點解我會話唔係太差，因為我覺得佢又未到話唔想同你有來往嗰隻。只係可能你俾佢嘅感覺有時會比較急，好想快啲去到下一步。建議牌星幣4都係比較慢、唔急、但起碼守住你哋暫時嘅聯繫先，唔好太急進。我覺得可以繼續建立關係、唔好太chur，了解吓佢嘅愛情勸再考慮再進一步。

問題：想問呢1,2 個月會唔會出現對象
權杖5逆位，星幣2逆位，權杖9逆位

今次用嘅係時間流牌陣，一張牌對應一個月。嚟緊三個月三張都係逆位牌，有對象嘅機會唔大喇，不過都可以睇吓啲牌，睇吓有啲咩可以做。

下個月可以嘅話盡量避免惹起爭執，可能講嘢方圓滑少少會有幫助。第二個月你應該要花多啲精力平衡自己嘅生活，可能係工作上，所以處理好自己啲嘢先。第三個月我睇到有好轉，因為靈數去到9，呢個階段應該可以去到下一步。張牌本身有想出去但冇信心，困住自己嘅意思。相信你處理完自己嘅事之後，可以俾啲信心多啲出去識下人，social，之後應該就會有好嘅改善。

問題：未來半年會唔會遇到鍾意嘅人發展
聖杯皇后，權杖7，權杖5逆位

牌面整體阻力唔大，兩正一逆，同埋第一張聖杯皇后對於依個問題嚟講算係好好。首先佢元素係水，代表感情、皇后通常有創造同孕育嘅象徵，所以我覺得半年會有機會開始新嘅感情。再加上佢係人物牌，有機會你遇到嘅人係帶有溫柔、感性、成熟嘅特質。

之後兩張牌都係火元素，代表行動力同熱情。建議你遇到困難，或者對自己冇乜信心嘅時候要俾啲勇氣去克服。所有事情特別係戀愛關係上都要對自己有信心，因為你係得嘅。不過唔好太好火，盡量避免爭執。

TG: Feixsum

Thank you

Felixsum先岩

垃圾

我係HW對象係KL
我同佢有冇發展既機會？佢點諗我？
tg: mrpokee

問題：分手一個月，想知大家之後發展？

問牌者睇法：正義逆位
對方睇法：權杖國王
過去：寶劍六
現況：星星
未來：聖杯國王逆位

幫你用咗關係十字牌陣，逐張講吓啦。
首先睇到你應該覺得依段關係好唔公平，有時會覺得你付出比對方多，甚至乎覺得有啲嘢唔係好啱。而你個ex應該係比較成熟、強勢、有行動力，但係喺關係入面有機會比較大男人、控制慾比較強。

以前你哋嘅關係應該一開始大家都係唔係好肯定，雖然有困難，但係抱住一個大家一齊試吓啦嘅心態，一齊面對。到咗依家，因為經歷咗一啲唔開心嘅事，雙方都覺得有一個新開始會對大家比較好。所以我猜測應該係之前雖然有啲事令到大家唔啱，但係算係比較和平地分手。

未來牌位嘅聖杯國王逆位睇到，之後短期內雙方應該都要啲時間平復心情，面對自己內在嘅情緒。特別可以留意嘅係，聖杯國王本身係掌管情感嘅國王，因為係逆位，我唔覺得會復合。再加上睇到一個好特別嘅能量流向。你可以睇吓中間垂直三張牌嘅「水」（水代表感情）：由之前嘅平靜，到中間向下流，到下面都繼續將水向下倒。都係講緊相方如果沉澱吓，move on，將感情投放喺未來，好似星星咁期望一個新開始會比較好。


因為開始多人排隊
可以直接IG DM我 我會易啲跟