魔法師育成計劃 快閃免費塔羅占卜習作

我從來都唔覺得塔羅可以直接代替人類去做選擇
但係作為一個提醒同反省 佢係一個幾唔錯嘅工具

有興趣可以將你嘅問題留低 越精準越好
同埋我自己覺得有互動會好啲 所以都建議可以留低TG
我會pm你 希望一日可以做到10個左右啦
做過嘅練習我會盡量post返上嚟 當係交流同學習用途

希望可以喺我練習嘅同時又可以幫到你啦

謝樓主

Post返啲答咗嘅問題先
可以一齊交流吓 同埋大家想問感情以外嘅問題都得



問題：個同事對我咩感覺
權杖10，權杖5逆位，聖杯9逆位

首先權杖係屬於火元素，感覺上係好有衝勁嘅。佢應該覺得你好勤力，行動力高，係工作能力高嘅一個人，非必要時都會避開一啲人事鬥爭。有時候甚至可能會要你去幫佢手做一啲嘢。但係睇到右邊嘅聖杯9逆位，情感上係依一刻來講感覺應該唔算大。有可能因為你有時會太專注於工作，好少去坦白咁樣同佢流露情感、或者分享自己內心感受，所以喺佢眼中你應該暫時只係一位同事，未去到話personally好大嘅興趣。建議之後嘅相處可以傾多啲計、多啲感情上嘅交流。

問題：曖昧對象點樣睇段關係，會唔會有機會一齊？

問牌者睇法：魔鬼逆位
對方睇法：星幣騎士
過去：聖杯4 逆位
現況：權杖國王逆位
未來：聖杯9

今次用嘅係關係十字牌陣，可以逐樣嘢講吓。
睇到你嘅睇法，之前應該純粹係想貪玩，滿足慾望，flirt吓，而俾依個慾望嘅枷鎖牽制住。依家係有想法要打破依個純粹玩玩吓，曖曖昧昧、少少似唔見得光嘅關係。

對方想法係好想要一個星幣騎士。佢同聖杯騎士依類好似好口花花嘅白馬王子唔同。佢會比較想要一個可以俾到安全感佢(both情感同物質上)，有目標，俾到將來佢，踏實嘅男仔。

你哋嘅過去，其實大家都知道有一個發展感情嘅機會。但係可能心大心細、有所顧慮，未知面前嘅機會係咪真係適合自己，或者仲揀緊，所以一路都維持住曖昧嘅狀態，冇接受依個新嘅關係。

你哋嘅現況，正如之前所講，太過玩玩吓，冇咩實質嘅承諾俾到大家。權杖國王嘅感覺係好有威嚴、有責任心、有行動力，類似一個一家之主嘅角色，而依家呢段關係缺乏左以上嘅特質。所以會令到女仔冇咩安全感。

睇埋最後一張牌，綜合上面幾張，我覺得發展成為情侶關係係有機會嘅。但首先一定要俾到呢個女仔知道你係願意負上責任，俾到安全感佢，而唔係玩玩下。

問題：想問吓同前度有冇復合機會
星幣7逆位，星幣2逆位，女祭司逆位

整體牌面上我覺得機會唔大，因為三張逆位，阻力應該都幾大。
不過都我覺得可以睇吓三張牌大概講緊啲咩。

首先睇到有左邊兩張元素牌都係土元屬嘅星幣。
土本身代表好安穩、注重物質生活。會唔會你哋關係本身係比較悶、似係習慣咗有對方存在，比較少啲熱情？睇返兩張牌嘅意思就好似話，你哋一路以嚟關係都比較沉穩，但可能出現咗物質生活上嘅問題，本身可能應付到但依家實咗平衡。到右邊嘅女祭司逆位，話俾我知你應該好少去留意或者溝通自己內心感受。