曠野之息2片段睇到起哂雞皮

大師模式都只係加強咗前段嘅辛酸，去到中後期同原版分別唔大。

神廟同呀哈哈都係喺野外地方多，如果你覺得無 settlement 嘅地方都係 9 行，可能鍾意打怪過關推主線多啲？

咁又係 去到後期仲對怪物有挑戰性呢個要求好似過份左小小
不過怪既種類太小係真
6隻大怪 對比起咁大個map真係少左啲

又唔使咁激動嘅，可能採索同解謎唔啱佢玩啫。

https://lih.kg/2382698

仲有神鵰...

但係其實個地圖佢自己都出嚟講過
好屈機 想你行兩步就有新地方想去

戰鬥不嬲都唔係Zelda主打
botw已經加強左好多
2代應該會再多d怪既

邊個做李莫愁
金輪法王

怪嘅 AI 真係我玩過嘅所有 game 之最。

仲有邊隻 game 係啲怪係會打獵、瞓覺、同你搶武器、搶輸咗識發老皮、有組織性防守、見到異物識埋去研究或者兜路走、無武器喺手識得執起地下啲泥甚至啲細隻過自己嘅怪嚟丟，仲識得執嘢食補血？

講起都覺得神奇。

戰鬥係咪主打真係睇玩家個人取向，而且前集啲怪嘅種類真係多好多喎。

當然我完全同意 BotW 嘅怪係絕頂聰明，加埋佢地會有唔同武器、所在地嘅地理環境、巢穴嘅設計等等，再加埋 Link 用到 N 種攻擊手段，令到打怪時變化多端，但怪嘅種類嚟講都真係偏少嘅。

我明呀，只係始終人人唔同，神作如 BotW 都會有人唔啱玩，唔啱玩又唔等於人地 on 9 嘅。

只要唔好因為自己唔啱玩就怪隻 game 垃圾就得了。

一定要試下大師mode劍之試煉

時之笛原素返嚟

當然試咗了，都啱嘅，呢個的確係相當難玩，但劍之考驗係一個獨立 challenge 嚟，同成個 gameplay 分開咗。

就算係穿越時間都應該唔會係返100年前
100年前d怪既角已經退化左，估計係返1萬年前甚至再遠d係返去隻手封印ganon果個時代
因為1萬年前個傳說冇講係勇者隻手封印ganon，所以1萬年前應該都係打怨念，除非傳說流傳時有缺失

鳩估隻驚個劇情會係咁
一開波去城堡地底搵到ganon真身，搞到封印解除/封印咁岩頂唔順冇晒力量
崩塌，Zelda跌左落去（其實冇死），林克同ganon打唔夠做隻手被侵蝕，隻古代手寄宿落林克度後回到過去，然後去尋找ganon真身由來同去唔同地方尋找古代力量幫隻手叉電再封印ganon，因為大師之劍不能同時存在於一個時代所以帶唔到把劍過去，又要去搵果個時代既大師之劍用分分鐘好似時之笛咁要搵個壇插把劍落去先返到未來，不過時之笛係拔，botw係插

初級果2隻蜥蜴
唔睇攻略偷襲都過唔到

估2最終boss會打人型伽儂
又格劍

照搬黄昏
手都有埋

應該又可以用時之笛

制作人話續篇玩法會近番以前八大迷宮果類
劇情會更線性
期待

以前迷宮系統，有時有專有道具
Trailer個火龍頭似係類似道具