今集前半主要係講辛一行人嘅終末旅行
BGM好聽,啲背景靚自然不在話下
其實呢段都講咗多少少86嘅心境,例如安琪話動物園班被困嘅動物好似佢哋,算係為後續劇情加返啲鋪排
播Avid嗰段嘅運鏡又係神來之筆,不斷喺骸骨同86之間切換
後半段菲多走馬燈亦都唔使多講,世界級剪接
前半氣氛都算輕鬆,估唔到後半揾返凱耶、戴亞同悠人出嚟補刀
凱耶講自己鍾意咩花,就剪返睇櫻花嗰集嘅鏡頭,之後就淨返塊鐵牌
戴亞就話想改變安琪,結果跳跳吓舞兩個人對手就分開咗,重要補返安琪之前扮冇嘢,但原來走咗出去偷偷地喊
另一邊廂悠人就示範咗即立即拆死亡flag
最後就係菲多自己都收皮,成段睇到眼濕濕
辛佢哋冇晒補給,旅行都就嚟到終點喇