[4月新番][動畫POST] 86－不存在的戰區－ (2)

多謝你嘅解答
如果唔係賣慘而係搵戰鬥意義嘅話 咁我有兩大問題想問下

首先如果唔係賣慘嘅話咁佢整咁多催淚場面同埋回憶嚟做咩？ 定係呢個只係動畫演出問題 原作本意唔係賣慘呃眼淚？
我個腦理解到佢想整到個場景好淒慘亦都明白件事其實好慘但係情感上跟唔上 成件事真係好尷尬

第二如果重點係搵戰鬥意義嘅話 咁其實呢11話都只係個序 因為戰鬥意義係要係通過咗最終任務之後先至可以有條件搵 但係大家所講嘅最出色嘅第一章唔係就係呢11話咩？
然後即使搵戰鬥意義係重心啦 但係呢個都唔會係第一章嘅重心啦 咁最出色嘅第一章(呢11話)嘅重心其實係咩？

我自問係劇情派同設定派 亦都會睇文藝
成套其實我已經拋開咗佢嘅設定去睇
單睇佢啲催淚位其實運鏡係好出色
但係可能係因為我最上面咁講
唔知係咪因為行雙線鏡頭跳嚟跳去 同埋少咗啲戰鬥畫面 冇咗嗰種同佢哋一齊戰鬥然後一齊日常嘅回憶效果
然後因為前面冇鋪墊令到我去唔到嗰個氣氛 搞到變咗做望住一堆我知道其實好慘嘅悲情位但係感情就跟唔上
我覺得如果鏡頭影多啲86嗰邊 然後影少啲女主 個效果可能會好啲 依家雙線處理得唔好就好似兩頭唔到岸咁 orz
因為既然86嗰邊係咁多人同咁重要就應該要偏重啲嗰邊啦 成日影女主無助build up件事㗎喎 orz

Btw醒起第9話告別嗰陣女主係咁喺度跑 我係覺得莫名其妙嘅 唔明佢跑黎做咩 我一開頭仲以為跑到一個位係可以望到佢哋少少啦 但係最後又唔係喎 orz

有好多野想講但唔想長篇大論，
所以都係唔講了。

但日劇跑嗰度真係唔知想做乜，
開頭以為係出去班救兵，點知又唔係。

成段野無意思又浪費人手，
我情願佢拉個遠鏡，或者靜態 close up，
跟住搵聲優喊埋嗰分幾鐘好過啦。

所以我係認同單睇佢啲感動位其實係做得出色嘅
不過可能對我嚟講鋪墊唔夠所以入唔到戲支撐唔到件事 最後結果就係尷尬
可能真係個人喜好問題啦 但係係睇完十一話之後我嘅結論係如果影多啲86應該真係會好啲
唔係話完全唔影女主 而係佢嘅鏡頭感覺上真係多咗啲

你又會咁好心同佢再三講解睇左幾個回覆就知佢睇唔明個運鏡表達緊d咩 兩面跳躍先睇到86個處境幾咁離譜 白豬幾咁離地 冇左是但一面都好單調 咪每日行軍打仗 戰死隊友打走敵人日常一陣又打咁 睇11集可以做到咩野 女主又唔會無拿拿識幫你 佢初接手都好溫柔但做唔成事 86又得果舊爛鐵等死

同埋接納下新手法係好事黎 套套都咁睇咁多件係人都悶 睇得出呢個班底係用左d電影手法去做呢部動畫 我覺得好好 每段都係新野 影音都唔比佢重覆 唔再畫曬出腸咁幾好

咩賣慘 呃眼淚 講到麻枝准作咁 好刻意咁要你喊咩

因為男主佢地越行越遠
女主要向佢地個方向跑如果唔係個通訊早啲斷

利9up

呢個唔知係唔係個接收器出左國家個範圍 但我理解係女主想繼續同佢地一齊 跑出去做最後爭扎睇下仲收唔收到 仲見唔見到 因為佢認定出左去同死無分別 相處多一秒都好（無可能都想試下）

套動畫真係整得唔錯 有興趣睇小說 唯一一個地方我覺得太誇張係副隊長同女主講點解唔報仇既理由個到個演出好誇張 班86太聖人

人人食野口味同習慣唔同，
大家交流下咪幾好。

只可以話製作組偏心女主角
冇乜cut過原作劇情 仲加多咗鏡頭俾女主
如果可以原創講多啲86就好

動畫個氣氛已經比原作歡樂好多
其實個劇情冇特別催淚
係動畫嘅畫面 音樂 編排 加乘 會有後勁

跑嗰度 你當佢唔想同主角通訊中斷
咪一路追出去 追到冇力跑

我明啲鏡頭想講咩呀 亦都明白白毛同86嘅對比係呢一套嘅重點之一
亦都明白另一位巴打上面講嘅 又一開頭好熱鬧到後面淨番五個人嘅嗰種反差
我講緊嘅係到後面嘅集數嗰啲位喺前面集數唔夠86鏡頭嘅support下冇咁work到 亦都覺得要整對比黎講白毛嘅鏡頭都係多咗啲
我覺得雙線營造對比呢種手法係唔差㗎 是不過應該可以做得更加好啫 同埋如果到後面集數個重點位唔係呢個對比嘅話 咁點解唔係呢幾集都build up多少少呢
賣慘係我見上面講我先講 呃眼淚係我自己講嘅 亦都得行唔應該講到咁負面 呢點係我錯 orz

呢個係我認為係設定上嘅敗筆之一 呢套啲設定其實係唔嚴謹嘅 驚唔起推敲
不過我為咗觀感已經放棄咗設定上嘅糾結

真心覺得多啲86鏡頭效果真係會好啲
可能畫白毛嗰邊可以慳錢啲 又或者囡囡好賣啲(雖然86都有囡囡

Oic 咁我想問下原作個氣氛其實係點㗎
我覺得動畫咁樣咁主動咁影咁多側面描寫出嚟 再加埋啲運鏡同配樂 應該就係感動位黎嘅 只不過係我唔夠support入唔到戲姐

話說咁多巴打咁勁係諗到低為咗唔斷信號而跑嘅 我當下真係完全諗唔到

如果一直都打算復仇但又無能力無可能做到
可能就會過分地消磨自己精神
化為行動嘅應該都死曬
剩低嘅就係無打算復仇嘅人
令自己相信自己做緊嘅係想做嘅野都係種自我保護

望下香港

其實我覺得86係冇辦法報仇先扮吓聖人，有得打返轉頭應該即刻狗衝

氣氛 感動嗰啲好主觀
入唔到就入唔到 唔洗勉強

原作第一卷都係偏少戰鬥
動畫再加多咗好多 86去野餐 放煙花 沖涼日常劇情
辛佢地遠足最終任務嘅過程 去學校
菲多走馬燈
印象中嗰陣睇第一卷依啲都冇

計計下其實86都講多咗好多

正確d講所謂的原創大部份都係用短篇小說而唔係照copy原作次序

只係睇第一卷真係唔會知
而應該多數人只有睇本篇